مشورتكم في تشخيص حالت طيري ؟؟؟؟

[ابن قرمله]

السلام عليكم ورحمة الله وبركاته
كيف الحال يا رجال وصقاقير مكشات .....
انا يا الربع ناقد على جناح طيري بارد مدري وش فيه وناقد على مرشه الله يعزكم المرش لونه بني واسود مع صفار وسايل وخاطي في الاسبوع مره يمرش بياض مع نقطه خضراء
افيدوني يا الربع وش العلاج

[sfr]

ان كانك معشي الطير سمان طبيعي يصير اصفر
اماا ان كان بني فاتح الضاهر من قلت الماء

[ابن قرمله]

لا يا خوك ما عشيته سمان الماء متوفر عنده اربعه وعشرين ساعه واتوقع انه ملوع ويفيونا اهل الخبره

[عابر الموج]

بعد ماتعشي طيرك راقب عيون الطير اذا يغطي بعيونه احتمال بداية قلاع داخلي اوبكتريا في الدم الملع بالطير اول بداية الطيران تسمع نغطة وينزل بعد بداية طرد الحمام بوقت قصير للارض اذا حولك مستشفى افحصة عن التخمينات تقبل تحياتي

[قلب ذيب]

الله يحييك ويسلم طيرك .
.. . من الافضل ان تعرض الطير على البيطري او حتى محط الطير في اسهل الحالات .
المجتهدين من الصقاقير لايمكن ان يكون وصفهم دقيق خاصه لمط الطير لكن في الحالات العامه .
المحط الاخصر . . . يعني كوكسيديا او ملوع .
المحط البني . . . يعني دود بطن .
والامراض كثيره ومتنوعه ولايمكن وصفها نظيريا.

[ابن قرمله]

مشكور اخوي عابر الموج بيض الله وجهك ووجه قلب الذيب بس انا طيري ناقد على جناحه والطير هزل ناقص في وزنه في نظري احترت الصراحه

[راكااااان]

طيرك مافي اله العافيه لاكن حتمال كبير وشبه متأكد انه ديدان فقط

[ابن قرمله]

عزالله صدقت يا راكان اتوقع ديدان واليوم عطيته سكر نبات الصباح وهديته العصر علي حمام الحمدلله كن جناحه رجع مثل اول هل يكفي السكر نبات ولا اعطيه حبوب دود

[ابرق آلريش]

وده لخالد العويدي وعلمه وقله ابي ابرة دود وارجعله بعد اسبوع وبيعطيه الثانيه عشان البيض
وغالبا مايكون فالوحش دود والابره وحده بوحده وان مانفعت ماضرت

[راعي كريم]

ابن قرمله مروش طيرك لاحقه برد والله العالم اما ضعف الجناح احتمال بيكتيريا صايبه الطير والله اعلم للاستفسار عن العلاج اتصل 0541645671

[كلي فخامه]

الله يشفيله يارب