مشكلتي بالشتاء بس

[abutamim]

بسم الله الرحمن الرحيم

كيف حالكم يااخوان

انا عندي مشكله وحيروني المهندسين كل واحد يعطيني علم .

موتري ددسن 99 بس مشكلته في الشتاء احميه 10 دقايق واكثر ولما امشي واهدي عند تقاطع والا مطبه يطفي الموتر والا لما امشي بطريق سريع الموتر يمشي طبيعي ولايتفتف ولاشي المشكله بس في الشتاء الصيف الموتر سليم ولله الحمد .

عطونا من خبراتكم.

[السرحان502]

أتوقع البلاتين ولا وزن كويلات,,,,,

لكن اهنا حل أسرع جب قصدير وسد الشبك الامامي ويزبط ان شاء الله

[محب الهيف]

يمكن مافيها بلف حراره شيك على البلف الحراره
وحط لك قماش على شبك السياره تحصلة بالزينة

[ls1.5700]

اذا هي كبليتر اوزن الهوى وارفع السرعه شوي

[تساهيل1]

اذا مابها خلاف بس هالعله

لا تحرك شي ثم يجي الصيف تقعد تصلح بعد يطلع عله ثانيه

كل السيارات بالبرد تطفي وتقطع

ومشكل موترك اشوف بسيطه

وموفق

[abutamim]

انا من شريت الموتر والبلف فاكه من 11 سنه تقريبا

بس المشكله في التشاء هالسنه بس

الي حيرني مهندس يقول البلاتين حق الدسسن بالمديل ذا تماتيك ومايتغير والثاني يقول يتغير !

والكلبيتر يبي له تصفيه على كلامهم بس المشكله ان سليم مايقطع والبواجي من ست شهور مغيرها بأسلاكها اصليه !

[المنيعي1]

ركب بلف ويظبط ان شاء الله

[escape_man]

وظيفة البلف انه يحافظ على حرارة المكينة ومايخلي الماء سواء بارد (اول التشغيل) او حار انه يفتر في مجاري الماء بالمكينة براحته وبسرعة.

عندك الماء يجي من الرديتر بارد ويدخل بالمكينة ويبردها زود .. ثم مايمديه ياخذ من حرارتها شوي الا ويطلع للرديتر بسرعة و هكذا تستمر الدورة.

يبتل موترك مايحمى الا اذا شديت عليه.

ركب الفلتر ولا سكر فتحات الرديتر بقصدير وبيمشي مضبوط ان شاء الله

[عبقري91]

ركب بلف ويزين حتى بصرف البانزين
وبعد الزيت يقلب عندك اسود بسرعه ركب بلف ويزين