بطارية بدون شحن00000 ماء فقط

[عاشق الاتحاد]

اخواني الافاضل استلمت منذو مده بسيطة بطارية مكشاتي 2 المعدلة
وذهبت الى شركة باقادر لبيع البطاريات في جده لشراء بطارية 60 امبير
وعند سوال الاخ البايع عن مده شحنها
اجاب اجابة خلتني مذهول
عندما قال لي بالفم الملاين
((( اذا خلصت الكهرباء من البطارية اضيف ماء مقطر فقط 000 بدون شحن )))
هل هذا جواب صحيح


ارجوا افادة الخبراء


البطارية صناعة كورية

روكو

[عابر الخاطر]

السلام عليكم اخوي عاشق

انا اقولك ايش يقصد بكلامه

هو يتكلم عن البطاريه اللي راكبه في السياره مو المتنقله

اذا ضعفت البطاريه السياره صحيح تعبيها مويه مقطره والدنمو السياره يشحنها تعيش معاك

اما اذا كانت متنقله لزم تشحنها

ارجو وصلت المعلومه

تحيااتي لك

[أبوسعد111]

أخي سلمك الله
أكيد هو يقصد البطاريات التي تعبأ العادية أو الإلكترونية التي تركب على السيارة فقط
فهذه شيك عليها مع تغيير زيت السيارة وزودها ماء مقطر إذا هي ناقصه

أما الجافة الصغيرة المخصصة مثلا : للرحلات أو لدبابات أوسيارات الاطفال
فهذه تشحن عن طريق كهرباء المنزل فقط

آمل أن المعلومة وصلت

موفق

[الشيخ الظريف]

هو يقصد عند تركيبها للمرة الاولى يعبيها ماء وانت تنقر السلف وتشتغل السياره حيث لا تحتاج الى تعبئه كهرباء لانها معبأة اصلا اما بعد سحب الكهرباء فلابد من التعبئه ويقوم بذلك دينمو السياره

[عاشق الاتحاد]

اخواني الافاضل
الشيخ الظريف
ابو سعد 111
عابر الخاطر
اشكركم على مروركم الكريم
بس احب ان اوضح فقرة
عند شرائي للبطارية كان معي صندوق البطارية الاضافية مكشات2 المعدلة
وقمنا بالكشف على البطاريو وكانت فل الشحن
وبعد ذلك تم سواله
بعد استخدام البطارية وضعف الكهرباءكيف يثم الشحن

قال البائع اضيف ما مقطر لها فقط
ويثم شحن البطارية

ان شاء الله وضحت الصورة

[مهندس مكشات]

السلام عليكم اخوي عاشق

انا اقولك ايش يقصد بكلامه

هو يتكلم عن البطاريه اللي راكبه في السياره مو المتنقله

اذا ضعفت البطاريه السياره صحيح تعبيها مويه مقطره والدنمو السياره يشحنها تعيش معاك

اما اذا كانت متنقله لزم تشحنها

ارجو وصلت المعلومه

تحيااتي لك


هذا الجواب يابونواف
لانها متنقلة وغير متصلة بالتيار مباشره
لابد أن تضيف الماء تشحنها

[الطبيب]

عندي راي .. يمكن ما توافقوني عليه ..

إن اللي باع عليك ما عنده سالفه .. وبس ..

بعض اللي يبيعون بالمحلات .. ما عندهم خبره بالبضاعه اللي يبيعونه .. ويصرفون سوالف على الزباين ..

مثل محل رحلات كنت فيه قبل كم يوم .. ويدخل واحد مبين انه يدور بريموس ولا يعرف عنه شي .. قام البايع يتفلسف .. ويصرف عليه .. والطامه الكبرى ان بيريموس طلع صناعه سويسريه .. مو سويديه .. ههههههه
وبحكم الحربثه .. واللقافه .. سألته انت متأكد .. رد علي وهو زعلان .. انه له أكثر من عشر سنوات يتعامل بمنتجات بريموس .. ويا سلام سلم .. والسيفرت طلع تقليد صيني للبريموس .. ويا قلب لا تحزن ..

ولك أنك تتخيل كم واحد جا للمحل هذا ومشت عليه هالسوالف .. وكم واحد ما رجع للمحل بسبة انه شاف البايع ما عنده سالفه ..

والخسران الوحيد .. هو راعي الحلال .. الله يعوضه خير ..

هذا والله أعلم
والسلام ختام

[حب لاينتهي]

بارك الله بالجميع