سؤال لإهل الصنف

[albikal]

السلام عليكم ياهل مكشات
ارسل لي واحد يستفسر عن نوعية الماقنم’ واخوكم برحة مايعرف شي

قلت احول السؤال اليكم لعل ان ناجد الاجابة الشافيه من اهل المعرفة
>
http://www.shy22.com/upfiljpg/jia18553.jpg (http://www.shy22.com/)
كماهو واضح بالصورة nitro steel
ماهو المقنوم MAGNOM وما تاثيره على البندق ومهي مميزاته؟
تحياتي

[الشمروخي]

الله يوفقك ماقنوم يعني طول الفشقه وماتركب الا بالشوازن الماقنوم اللي بيت النار فيه 3 انش او 3.5 انش وستيل مهب اي شوزن ترميه لازم مكتوب بالتشك ولا بالكتلوج ترمي ستيل وعامة لازم مقاس التشك للفشق السنيل مقاسه وسيع من 710 وفوق الحلبي الستيل قوي وصلف على اابندق ولا تحرص عليه

[الشمروخي]

والبيكال ترميه مرتاحه

[albikal]

اخوي الشمروخي مشكور على الاضافة
وطول الفشقه نفس طول الفشق العادي.
وهل يصلح للتشوك 690 واذا مايصلح ماهي مميزاته؟

[الطبيب]

الماقنوم .. ثلاثه ونص إنش .. الفشقه أطول من الفشق العادي بنص إنش ..

صفرته تجي أطول .. وهو زي ما تفضل أخوي الشمروخي ..

ولكن منه ستيل ومنه ليد .. يعني رصاص أو حلبي مثل ما يسميه البعض ..

ولا ترميه الا بنادق معينه .. مثل القولد هنتر .. أو الاكستريما ..

ويجي مكتوب على الماصوره .. ماغنوم .. أو رقم ثلاثه ونص .. بالانجليزي ..

واللي أعرفه إن البندق العاديه .. ما تدخل بها طلقة الماغنوم .. لطول الفشقه ..

هذا والله أعلم
والسلام ختام

[الشمروخي]

مايصلح للتشك 690 يصلح لتشك رقم واحد حق البيكال الخارجي اللي مكتوب عليه ستيل وفوق ولازم شوزن مكتوب عليه ماقنوم او 3 انش او زي البيكال مكتوب 12/76 يعني يرمي ماقنوم وبعض البياكل ترمي 12/86 سوبر ماقنوم ازود بعد

[فرخ الجني]

الاخوان كل واحد منهم صرح ولا ادري احد منهم مجربه ولا لا بس انا مجربه نفس اللي بالصوره وبعدين ماقنوم كتابه وفقط ولا طوله عادي وضغطه 32 انا رميته بالستوقر بسبشوك رقم 3 وخويي بشوك رقم 4 وخرطي ما ينفع يفرش على طول وخويي مجربه بشوك رقم 1 يقول ممتاز بس انا كنت متخوف يفجر البندق علي وميزته انه حلبيه واجد وحلبيه قوي جدا جدا يعني صلب على اسمه ستيل هذي اللي عندي وارجوا اني افدتك

[ابو السمك]

ما ازيد على الاخوان ما قصروا بس
الشوازن فيه حجره النار 4/3 2 انش العاديه وحجره النار 3" انش وهي الماغنوم وفيه 3.5" انش وهي السوبر ماغنوم

الماغنوم غير السوبر ماغنوم --- الماغنوم ثلاثه وليس ثلاثه ونص ـــــ الثلاثه ونص انش سوبر ماغنوم

و الفشق الستيل لازم تشوك ستيل بروف تشوكات الستيل تختلف عن التشوكات العاديه

اسمه steel shot choke tubes

[albikal]

فرخ الجني
ابو السمك
مشكورين واستفدنا من اضافتكم القيمه

وحسب مفهومي بماتفضلوا به بان المشكلة في الماقنوم تكمن في بيت النار
ونوعية التشوك’ يعطيكم الف عاافيه

[صياد الليل]

السلام عليكم ياهل مكشات
ارسل لي واحد يستفسر عن نوعية الماقنم’ واخوكم برحة مايعرف شي

قلت احول السؤال اليكم لعل ان ناجد الاجابة الشافيه من اهل المعرفة
>
http://www.shy22.com/upfiljpg/jia18553.jpg (http://www.shy22.com/)
كماهو واضح بالصورة nitro steel
ماهو المقنوم MAGNOM وما تاثيره على البندق ومهي مميزاته؟
تحياتي









اخوي / albikal

الماغنوم فيه انواع منه

3/4 2 انش و يجي ضغط من 40 الى ضغط 42 واحيان نادر يجي ضغط 36

3 انش و يجي من ضغط 42 الى ضغط 56

1/2 3 انش و يجي من ضغط 56 الى ضغط 82

بس اللي انت عاضه في الصوره اول مره يمر علي لأنه ضغط 32 و ماغنوم في نفس الوقت
وبصراحه شي غريب !
يعني يمكن يكون غلط بالكتابه اثناء التعبئه ويمكن بالفعل ماغنوم

بس اللي ابغى انبهك عليه هو ان الحلبي الموجود في هذا الفشق اللي انت عارضه هو nitro steel
يعني من مركبات الصلب ماهو رصاص زي العادهـ !!


وبالتوفيق أن شاء الله

[عاشق رهو]

السلام عليكم ياهل مكشات
ارسل لي واحد يستفسر عن نوعية الماقنم’ واخوكم برحة مايعرف شي

قلت احول السؤال اليكم لعل ان ناجد الاجابة الشافيه من اهل المعرفة
>
http://www.shy22.com/upfiljpg/jia18553.jpg (http://www.shy22.com/)
كماهو واضح بالصورة nitro steel
ماهو المقنوم MAGNOM وما تاثيره على البندق ومهي مميزاته؟
تحياتي


اخوي الماقنم هو انه البارود كميته اكبررر من العادي يمكن يوصل للدبل وليس مقاس الفشقة
مقاس الفشق موضح بالصورة 2و ثلاث ارباع وطبعا اذا نوعية الشوزن مو قوية لاترمي فيه لانه ياثر فيها سلبا

اما بالنسبة للستيل ( الفولاذ ) فهذا مثل ما ذكرو الاخوان له تشوك معين خاص وغالبا يكون ابو 3 نجمات وانت طالع على ماهو موضح فالكاتالوج ويمنع ابو نجمة وابو نجمتين في بعض الشوازن ولا اعلم ان لم يكن جميعها

ارجو اني افدتك تقبل المشاركة المتواضعه

[عاشق رهو]

magnum
يعني باررود اكثرررر فقط لا غيرر

[mlikhunter]

مثل ماقالو الاخوان المكنم 70ملم والبندق المكنم طول الحجره 4/3 2 انج او 70 ملم