بسيوفهم روس الغطاوي مطاويح ....................... حله ( الرايق ) .. الحل ( النعمه )

[ابو ماجد 2]

بسم الله الرحمن الرحيم

السلام عليكم ورحمة الله وبركاته


قالوا علامك تلتجي للصعايب =قلت السبب بالنت ناسٍ طحاطيح
ياطيبهم ون قلت عطنا المعايب =بسيوفهم روس الغطاوي مطاويح
لاجبت صعبٍ وِلِّموا له نصايب =يصبح ذبيح في قبور المذابيح
خذ غطوةٍ من فكر للغطو طايب =ولا ظنها تخفى الوجيه المفاليح
غطوه ولو هي جتك من فم شايب =عندي على ماقول صدق التصاريح
بنتٍ ومنها عِليَّة القوم هايب=ولا احدٍ يلوم اللي عليها مشافيح
ينسب لها مخلوق لاصار خايب =في عين من شافه ردي الملاميح
اِلها ضديدٍ من عداد النوايب =والكل في حربه يعد التساليح


مع تحيات ابو ماجد

منتديات مكشات . خيمة الالغاز النباهي

[صقر السديرات]

صح لسانك ابو ماجد
يا مال العافية
كم انت رائع اتحفتنا بهذه الالغاز
نشكر لك جهدك
الرمعة من والى الضلع
هذروة
دمت متسامحا

[ابو ماجد 2]

صح لسانك ابو ماجد
يا مال العافية
كم انت رائع اتحفتنا بهذه الالغاز
نشكر لك جهدك
الرمعة من والى الضلع
هذروة
دمت متسامحا

هلا بك يابو فيصل
صح بدنك
وانت الرائع بتواصلك والغازك
الرمعه مالك لوى يالغالي
في انتظار مرماعك القادم

[ابو اسامه 2]

وعليكم السلام ورحمة الله وبركاته

صح لسانك يا الغالي ملاييين

وبيض الله وجهك

ماشاء الله عليك الله يزيدك من واسع فضله

جاري التفكير يا غالي

[عايش الذرب]

تسلم على ماتقدمه من ابداع في المنتدى
لك كل الود والاحترام
الرمعه ثوره

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
العين
تنسب للحسود
عين الحسود
مشافيح.....ماشافوا خير
واللي ضده....عين الرحمة
يقولون نظر إليه بعين الشفقة و العطف

[ابو ماجد 2]

وعليكم السلام ورحمة الله وبركاته

صح لسانك يا الغالي ملاييين

وبيض الله وجهك

ماشاء الله عليك الله يزيدك من واسع فضله

جاري التفكير يا غالي


مساك الله بالخير يابو اسامه
صح بدنك
وشرفني مرورك العطر
انتظر مرماعك يالغالي

[ابو ماجد 2]

تسلم على ماتقدمه من ابداع في المنتدى
لك كل الود والاحترام
الرمعه ثوره

سلمت يالغالي من الشر
والابداع انتم اهله
والرمعه مالك لوى يالغالي

[ابو ماجد 2]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
العين
تنسب للحسود
عين الحسود
مشافيح.....ماشافوا خير
واللي ضده....عين الرحمة
يقولون نظر إليه بعين الشفقة و العطف


سلمت يادكتور وصح بدنك
ومساك الله بالخير
والعين مالك لوى
في انتظار مرماعك القادم

[ال-رايق]

اِلها ضديدٍ من عداد النوايب
=========
وعليكم السلام ورحمة الله وبركاته
وحي الله ابو ماجد وصح لسانك
يابو ماجد طال عمرك لقيت النت فاضي وقلت امخمخ على هاللغز وصراحه احولّيت شوي ولم اطلع الا بالشطر اللي فوق ,,حيث فهمت منه وخصوصا هالايام وقت ام رقيبة ولو اني ما قط رحت هناك وهذا من فضل ربي --لكن يقولون الانعام تكب والشياول تحرثها حرث-
والنوايب الضدايد يعني الله يستر من العقوبه(زوال النعمه).
وشكرا
تكفى قل:
عفوا

[هـاوي اوربا]

صح لسانك
والرمعه الشيمه

[ابو ماجد 2]

اِلها ضديدٍ من عداد النوايب
=========
وعليكم السلام ورحمة الله وبركاته
وحي الله ابو ماجد وصح لسانك
يابو ماجد طال عمرك لقيت النت فاضي وقلت امخمخ على هاللغز وصراحه احولّيت شوي ولم اطلع الا بالشطر اللي فوق ,,حيث فهمت منه وخصوصا هالايام وقت ام رقيبة ولو اني ما قط رحت هناك وهذا من فضل ربي --لكن يقولون الانعام تكب والشياول تحرثها حرث-
والنوايب الضدايد يعني الله يستر من العقوبه(زوال النعمه).
وشكرا
تكفى قل:
عفوا




ابو مهند
الله يحييك اكثر
وصح بدنك
وصح لسانك
ملايين
وكفوووووووو كفووو كفووووو
والرمعه
النعمه
والنعمه قد يكون ضررها اشد من الفقر
فالفقر مضرته دنيويه والنعمه قد تجلب مضار دينيه
عن عمرو بن عوف رضي الله تعالى عنه ((أن رسول الله صلى الله عليه وسلم بعث أبا عبيدة بن الجراح إلى البحرين يأتي بجزيتها فقدم أبو عبيدة بمال من البحرين، فسمعت الأنصار بقدوم أبو عبيدة - والناس محتاجين فقراء فيهم شدة - فوافوا صلاة الفجر مع النبي صلى الله عليه وسلم، فلما انصرف من الصلاة تعرضوا له، فتبسم رسول الله صلى الله عليه وسلم حين رآهم ثم قال: أظنكم سمعتم أن أبا عبيدة قدم بشيء، قالوا: أجل يا رسول الله، قال: فأبشروا وأملوا ما يسركم فو الله ما الفقر أخشى عليكم، ولكني أخشى أن تبسط عليكم الدنيا كما بسطت على من كان قبلكم فتنافسوها كما تنافسوها وتهلككم كما أهلكتهم ))
وشاع بين الناس عن الولد الغر القفليل خبرة بالحياة ان يطلقوا عليه ( ولد نعمه )
والنعمه لاتلوم من يطلبها
والكل يحارب ضديدها وهو الفقر
لله درك يابو مهند
وبيض الله وجهك

[ابو ماجد 2]

صح لسانك
والرمعه الشيمه

صبحك الله بالخير يالغالي
والحل عند ابو مهند

[تميمي.1]

صباح الخيرات والامطار والاجواء الحلوه
اللهم صيبا نافعا
صح لسانك يازعيم الابداع
وصح لسان ابو مهند

[ابو ماجد 2]

صباح الخيرات والامطار والاجواء الحلوه
اللهم صيبا نافعا
صح لسانك يازعيم الابداع
وصح لسان ابو مهند

ياصباح النور على الغالين
ومبارك عليكم الامطار
والابداع انتم اهله
صح بدنك
عندي مشكله لااستطيع الدخول على خيمة الالغاز
اول مااضغط يتم اخراجي من المنتدى ويطلب التسجيل
ولم استطع الدخول الا عن طريق
لوحة التحكم ( المواضيع المشارك فيها )
مدري عندكم نفس المشكله

[ابو ماجد 2]

مجرد مااضغط على خيمة الالغاز او اي خيمه تظهر هذه العباره
أنت لم تسجل الدخول بعد أو أنك لا تملك صلاحية لدخول لهذه الصفحة. هذا قد يكون عائداً لأحد هذه الأسباب:

[ناصر العلي]

سلمت يالغالي
وكفو والله ياأبومهند
وأنا عندي نفس المشكلة
دمتم بخير

[عساف الضاري]

السلام عليكم ورحمة الله وبركاته
صح لسانك يازعيم
وصبحك الله بكل خير يالغالي
وصح لسان اخونا الرايق على الحل
والمنتدى اليوم مهنق وما نقدر ندخل الا عن طريق اخر مشاركه والحال واحد يا ابوماجد
وانا ارجح والامر لكم تضع لغز جديد
بنفس الصفحه لنتمكن من الاستمتاع والفايده حتى زوال اشكالية المنتدى
احترامي وتقديري لكم

[تميمي.1]

ياصباح النور على الغالين

ومبارك عليكم الامطار
والابداع انتم اهله
صح بدنك
عندي مشكله لااستطيع الدخول على خيمة الالغاز
اول مااضغط يتم اخراجي من المنتدى ويطلب التسجيل
ولم استطع الدخول الا عن طريق
لوحة التحكم ( المواضيع المشارك فيها )
مدري عندكم نفس المشكله

هلا وغلا ابو ماجد
المشكله يبدولي انها عند الجميع
لكن نتمنى من الادارة ان يقومو بحلها بأسرع وقت
لاننا مثل السمك اللي طلع من الماء (لايبطون علينا اخاف.....)
هههههههههههههه
تحياتي للجميع
اشتقنااااااااااااالكم

[المزيدي4]

ياصباح النور على الغالين
ومبارك عليكم الامطار
والابداع انتم اهله
صح بدنك
عندي مشكله لااستطيع الدخول على خيمة الالغاز
اول مااضغط يتم اخراجي من المنتدى ويطلب التسجيل
ولم استطع الدخول الا عن طريق
لوحة التحكم ( المواضيع المشارك فيها )
مدري عندكم نفس المشكله



السلام عليكم
مساء الخير يا أبو ماجد
مساء الخير للجميع
عندي نفس المشكلة

نرجو من إدارتنا الموقرة حلها..

[المزيدي4]

هلا وغلا ابو ماجد
المشكله يبدولي انها عند الجميع
لكن نتمنى من الادارة ان يقومو بحلها بأسرع وقت
لاننا مثل السمك اللي طلع من الماء (لايبطون علينا اخاف.....)
هههههههههههههه
تحياتي للجميع
اشتقنااااااااااااالكم

هلا بك يالتميمي
فيه طريقة تصلح للي مثل حالتي وحالتك
وهي كالتالي :
تدخل على آخر مشاركة


http://im24.gulfup.com/tFks2.jpg (http://www.gulfup.com/?t2DBw0)

ثم تنزل تحت في آخر الموضوع تلقى :
<<الموضوع السابق .. والموضوع التالي>>

http://im24.gulfup.com/flcm1.jpg (http://www.gulfup.com/?8gotg9)

[ابو ماجد 2]

سلمت يالغالي
وكفو والله ياأبومهند
وأنا عندي نفس المشكلة
دمتم بخير


سلمت من الشر
شرفنا تواجدك
والمشكله كنت اظن نفسي حايس الدعوى واثرها من المنتدى
الله يقويهم على حلها حنا اصبحنا مدمنين خيمة الالغاز
مانسقم دونها

[ابو ماجد 2]

السلام عليكم ورحمة الله وبركاته
صح لسانك يازعيم
وصبحك الله بكل خير يالغالي
وصح لسان اخونا الرايق على الحل
والمنتدى اليوم مهنق وما نقدر ندخل الا عن طريق اخر مشاركه والحال واحد يا ابوماجد
وانا ارجح والامر لكم تضع لغز جديد
بنفس الصفحه لنتمكن من الاستمتاع والفايده حتى زوال اشكالية المنتدى
احترامي وتقديري لكم

وعليكم السلام ورحمة الله وبركاته
هلا بك اخوي عساف
مفتقدينك يالغالي
شرفنا تواجدك
ويبدو بالفعل انها مشكله تواجه المنتى برمته
نتمنى سرعة زوالها

[ابو ماجد 2]

هلا وغلا ابو ماجد
المشكله يبدولي انها عند الجميع
لكن نتمنى من الادارة ان يقومو بحلها بأسرع وقت
لاننا مثل السمك اللي طلع من الماء (لايبطون علينا اخاف.....)
هههههههههههههه
تحياتي للجميع
اشتقنااااااااااااالكم

هلا بك اخوي تميمي
وصدقت اصبحنا سمك في بحر هالخيمه لانستطيع حتى نتعداها
لكن لهل الفرج قريب

[ابو ماجد 2]

السلام عليكم
مساء الخير يا أبو ماجد
مساء الخير للجميع
عندي نفس المشكلة

نرجو من إدارتنا الموقرة حلها..



وعليكم السلام ورحمة الله وبركاته
هلا بك يابو سعد
وماك الله بالرضاوالعافيه
المشكله يواجهها المنتدى تمنياتنا سرعة عودته لطبيعته

[ابو ماجد 2]

هلا بك يالتميمي
فيه طريقة تصلح للي مثل حالتي وحالتك
وهي كالتالي :
تدخل على آخر مشاركة


http://im24.gulfup.com/tFks2.jpg (http://www.gulfup.com/?t2DBw0)

ثم تنزل تحت في آخر الموضوع تلقى :
<<الموضوع السابق .. والموضوع التالي>>

http://im24.gulfup.com/flcm1.jpg (http://www.gulfup.com/?8gotg9)



الف شكر يابو سعد
طريقه تخدمك في تصفح الالغاز الموجوده
ولكن المشكله تبقى في عملية انشاء موضوع جديد
والاخ عساف كان يقترح ان نجعل الموضوع الجديد وكأنه مشاركه لموضوع قائم
اي يقصد كاللغز الذي نحن عليه ننشيء فيه الموضوع الجديد
لم اتجاسر على عملها خشية ان اربك اخواننا المشرفين بجعله مستقل متى ماصلح المنتدى
ولعل مشرفينا ابو اسامه او فهد الهلالي يفيدوننا في هذا