شريت طير متدرب على الملواح وما يحتاج [الأرشيف]

الدريبي.

19/12/2012, 12:04 AM

شريت طير متدرب على الملواح وما يحتاج
وطريقة العلف قمرية الصباح الساعة 8 وقمرية في المساء الان لي اسبوع
واشوف الطير بداامس واليوم ينحاش مني وغصب يستجيب ويكثر الحومات
ممكن اهل الخبره الصقارين يساعدوني وايش هي نصايحهم اتصلت بالي شريته منه
قال انا شريته وما اعرف في الصقارة وبعته منك ويقول افضل شيئ يوم يعلفه ويومين يخليه بدون علف
والطيور تتخمل حتى خمسة ايام عند التجويع وملاحظه اسوي له الملواح اذا قرب مني شتل يمين اويسار وهرب كيلو نصف كيلو واكثرها حوم ولولا جاز المتابعة كان ماعاد لقيناه ارجو منكم المساعدة وشكرللجميع

راشد الهاجري999

19/12/2012, 12:06 AM

الله يلوم اللي يلومه قمريه الصبح وقمريه مسيان اقصر عليه بس عشاء وحسب نوعه وحجمه تحدد وزنه وخذ لك ميزان تحدد وزنه المناسب

أهم 1

19/12/2012, 12:09 AM

الله يلوم اللي يلومه قمريه الصبح وقمريه مسيان اقصر عليه بس عشاء وحسب نوعه وحجمه تحدد وزنه وخذ لك ميزان تحدد وزنه المناسب
:good::good::good:

صقارعزاااام

19/12/2012, 12:09 AM

والله انك كريم زين مانحاش الطير طوفه يوم بدون اكل وشف طبعه راح يتغير

الدريبي.

19/12/2012, 12:13 AM

والله انك كريم زين مانحاش الطير طوفه يوم بدون اكل وشف طبعه راح يتغير

اشكرك على الاجابة الطير مقاسه 15 * 15
شاهين وزنه والله ماقسته بس ويش رايكم اذا نقصت عليه العلف مايمرض لا سمح الله
وهل فيه بدايل عن القماري وهل الدجاج المبرد فيه فايده او مافيه لان مافيه سمان عندنا

فاارس

19/12/2012, 12:14 AM

اقصر عليه بالعلف وبيجيك على الملواح : وانت كريم ابن الكرام ماشاء الله عليك قمريه ضحويه قمريه بالمساءء انت مدلعه بالحيل : الله يطرح فيه البركه ويطعمك من صيده ياربي / وخل الدعو بعد العصر ( عصيرر ) ..

وان شاء الله اني افدتك : والربع اللي فوق ماقصروا: وننتظر اهل الخبره ..

الدريبي.

19/12/2012, 12:17 AM

فاارس

19/12/2012, 12:18 AM

اشكرك على الاجابة الطير مقاسه 15 * 15
شاهين وزنه والله ماقسته بس ويش رايكم اذا نقصت عليه العلف مايمرض لا سمح الله
وهل فيه بدايل عن القماري وهل الدجاج المبرد فيه فايده او مافيه لان مافيه سمان عندنا

لا باذن الله ماهوب منمرض اذا قصرت عليه بالعلف بالعكس بيطيعك الطير بس ماتقصر عليه بالحيل ثنادي حمام تسده / والدجاج المبرد عادي باذن الله بس حطه في ماء فاتر قبل تعلفه للطير الين يدفا اللحم ولا تعطيه واهو بارد ..

وان شاء الله اني افدتك : وننتظر اهل الخبره ..

الدريبي.

19/12/2012, 12:18 AM

الدجاج المبرد ينفع اعية منه نتفه في اليوم ووقت الملواح اخليه يوم بدون اكل قبله

الدريبي.

19/12/2012, 12:20 AM

لا باذن الله ماهوب منمرض اذا قصرت عليه بالعلف بالعكس بيطيعك الطير بس ماتقصر عليه بالحيل ثنادي حمام تسده / والدجاج المبرد عادي باذن الله بس حطه في ماء فاتر قبل تعلفه للطير الين يدفا اللحم ولا تعطيه واهو بارد ..

وان شاء الله اني افدتك : وننتظر اهل الخبره ..

تسلم يافارس مادري وشلون اشكرك تقبل تقديري

فاارس

19/12/2012, 12:23 AM

الله يرضى عليك اخي انت اكيد ماشالله عندك الخبرة كيف اقصر عليه ممكن توضيح اكثر وسامحني على كثرة الاسئلة
وانا مانيب من اهل الخبره : انا احد طلاب اهل الخبره ..

لاعادي وانا اخوك " لا كثرة اساله ولا شي وكلنا كنا مثلك اللين علمونا الريجيل وتعلمنا : اقصر عليه بالعلف يعني لا تكثر له العلف انت فاليوم حمامتين ماشاء الله الطير شبعان بزود وهذا بيزيد من وزن الطير وياثر في هداده وغير هذا ماهوب طايعك الطير لا في دعو ولا في تنقيز / تكفيه صدر حمامه فاليوم ..

وننتظر اهل المعرفه والخبره يفيدونا جميع ب اذن الله " هذا اللي اقدر عليه وانا اخوك ..

الدريبي.

19/12/2012, 12:26 AM

وانا مانيب من اهل الخبره : انا احد طلاب اهل الخبره ..

لاعادي وانا اخوك " لا كثرة اساله ولا شي وكلنا كنا مثلك اللين علمونا الريجيل وتعلمنا : اقصر عليه بالعلف يعني لا تكثر له العلف انت فاليوم حمامتين ماشاء الله الطير شبعان بزود وهذا بيزيد من وزن الطير وياثر في هداده وغير هذا ماهوب طايعك الطير لا في دعو ولا في تنقيز / تكفيه صدر حمامه فاليوم ..

وننتظر اهل المعرفه والخبره يفيدونا جميع ب اذن الله " هذا اللي اقدر عليه وانا اخوك ..

تسلم يافارس طيب اذا اعطيته يوم ملواح وجلست يومين واعطيته ملواح عادي صحيح

فاارس

19/12/2012, 12:29 AM

تسلم يافارس طيب اذا اعطيته يوم ملواح وجلست يومين واعطيته ملواح عادي صحيح

مافهمت وش قصدك واانا اخوك " بس اذا قصدك الدعو " الاحسن كل يوم تدعيه اذا كنت فاضي عشان لياقت الطير تتحسن مع كثر الدعو وماهوب ضار اذا كل يومين تدعيه ..

دولاار

19/12/2012, 12:33 AM

وانا اخوك لاتعطيه الا عشا بس وفي وقت الملواح يعني سلمك الله لاتعطيه قمريه الصباح بس عطه عشى بعد ماتلوحله
والطير الحين صنيع بمعنى الكلمه طمره يوم بدون عشى وبعدها لوح لطير ولاتعطيه الا نص قمريه والا اقل بشوي واليوم الثاني نفس الحكايه ودامك تدعي الطير على الملواح والا تهده انسى شي اسمه حمامه كامله كل يوم وماعليك مراح يجيها شي باذن الله
وبالنسبه لدجاج المبرد ماانصحك فيه ومهوب بس الدجاج المبرد اي شي مبرد كثرته لطير تمرضه
اشترلك ساكتون يمال الغناه وصيد لطيرك حمام والا عصافير اوفرلك
اتمنى اني افدتك

مشهور الدوسري

19/12/2012, 09:53 PM

السلام اطلب من الادارة او الاعضا مساعدتي انا مااستطيع ادخل على الموقع مدري وش السبب علما انه يظهر اسمي واذا ضغطت رجعني صفحة دخول كأني ماسجلت قبل ودي ترسلون ذلك للادارة وسلامتكم

راعي همام

20/12/2012, 02:01 AM

وتائكد ان طيرك روبج قبل الدعو
والاخوان ماقصروا

الله يطعمك من صيده

مشهور الدوسري

20/12/2012, 03:47 AM

إخوان انا عندي مشكله في الدخول للأقسام وش الحل

ســـبــار ربــعـــه

21/12/2012, 08:26 PM

ما قصرو الاخوان والجوع هو خطام الطير وانا اخوك طبعا بمعقوليه لا افراط ولا تفريط.

الله يبارك لك فيه وتاكل من صيده ان شاء الله.

تحياتي.