ابها السودة

[عبد الله سعد]

السلام عليكم يا عرب


انا والله وصاني واحد من الربع الى الموقع
وان قاله الله احد يلقى صقري ولا احدن يعقله



غدا طيري من جبال السوده متجه شمال عصر اليوم
والسبب كنت ادربه كالعادة
وغدا مني وما قدر يرجع من الرياح والله العالم اني ما جوعته زين
ما في رجلينه سبوق ولا حجل

الصقر حر جرودي لونة حمر وظهره صافي



اللي يعقله يطلب رقمي عبدالله القحطاني
ان شاء الله ان الحلال ما يضيع

[جبار1]

الله يعقله عليك
بس الوصف غلط أخوي صافي ولا جرودي
ومافي رجلينه حجل ممكن ..
بس مافيه أسبوق غريب ؛
أظاهر انك حاطه في قفص ..
والله مشكله ...

[عبد الله سعد]

الصقر جرودي حمر وظهره بس صافي اما صدره ووجهه حمر واسود

الطير بدون سبوق نطلقه بين تل وجبل ويرجع على الفريسه واناديه جراح والوح له

مستحيل احط الصقر بقفص بس احط عليه برقع واللي يلقاه بيلاحظ اثار البرقع على رقبته من قدام

[راشد الهاجري999]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ :(

[حشّار]

الله يعقله
وما شاء الله الجرودي صار صافي ظهر مدعج الوجه
ياخوي والله ما عمرها صارت واذا صرت ماتعرف توصف دور صقار يوصف لك طيرك

[عبد الله سعد]

الصقر ياخذ ظهر اللي بالصوره بالضبط

http://www.albreah.org/up2/uploads/images/albreah.com-8e18eea733.jpg


ادري الطير يفرق بس لون الظهر مثله ومايل للحمر

وراسه اسود

[عواد الشمري2]

وصف الرجال اقرب ماله شيهانه عسى الله يعقله عليك

[ولد الجنوب]

الله يعقله اخوي عبدالله عندك صور للطير
عشان نبلغ عنه الصقارين اللي بالمنطقه وانا حولك

[كلي فخامه]

كل شي جائز بس ....
بدون اسبوووووق لا تعليق ...!!!

[صقر الخبت]

الله يعقلها بيد ولد حلال يخاف الله ويتقيه

[عبد الله سعد]

الله يجزا خير من دعا الدعوة الطيبة

واظن ان بعضكم يكذبني ولا يحسبني كذوب
يحق له لأني ماني معكم في الموقع من اول

والسسسلام

[Abu Hamad2]

ماعليش كلامك ماهو وارد ابدا ?????????????

[nassr_11]

مافيه حجل ولاسبوق ولاعندك صوره للطير / انوه صدقه لمن يلقاه ويرزق الله

[برق المغيب]

الله يعوضك باحسن منه

[سيف الهواء]

الله يعقله عليك .. اللي يلقاه بدون سبوق يحسبه وحش

[ابوغزاي]

الله يعقلك ياجراح0 ومالك خاتمه الرجال معطيك الحريه الكامله بدون سبوق وبدون حجل ويناديك ياجراح ويلوحلك وتجرح خاطره وتهج مالك خاتمه0 ان شاءالله انه بيلقاك ويطق السبوق برجليك0

[جيرالحر]

الله يعقلة لك ان شاء الله