مشاهدة النسخة كاملة : صوت ونه بالدبل مزعج + صوت طقطقة العكس هدد 2000 GX
السلام عليكم ورحمة الله وبركاته
عندي استفسارين الله يعافيكم
عندي صون ونه بالدبل مضيقه صدري مدري وش مشكلتها
عرضتها على فني قال يمكن صوت التروس نقص زيتها وصارت تحتك ببعضها وتطلع هالونه
غيرت زيت الدبل بس ماش الصوت ما زال موجود وش تنصحوني فيه واذا فيه ورشه متخصصه بهالشي
ثاني حاجه اذا شغلت الدبل بالنفود اسمع طقطقه بالكفر اليسار اتوقع العكس كيف اصلحه وش مشكلته و وش احسن ورشه يضبطونه بالرياض
ثالث استفسار اذا شغلت الموتر من تالي بعد توقف طويل اسمع صوت طقطقه بالمكينه خفيف ثواني ويختفي وش تتوقعون منه ؟
ولكم شكري وتقديري
4x4ofroad
23/12/2012, 08:56 AM
كيف الحال
بخصوص موترك يالغالي في واحد بالرياض يقاله ابو نايف
رجال خدوم ومتعاون وامين ويختصرلك العلم
انا بالشرقيه واذا لعوزني الموتر حملته سطحه وخليته يستلمه ورشته بالصناعيه القديمه
وبالنسبه للدبل غالبا والله العالم ماراح تروح الونه لين تغيره
لانها قد صارتلي وقالو رمانات وغيرتها بدون فايده واضطريت ابدله
وقوله انا من طرف ابو خالد من الشرقيه وان شاء الله امورك تزين
الرقم يجيك على الخاص الحين
الل
ه يعافيك اخوي
وننتظر تجارب الشباب ممكن احد يفيدنا اكثر ان شاء الله
يعطيك العافيه ابو خالد
نواف المزيني
23/12/2012, 01:26 PM
بالنسبة الصوت اللي بالمكينة ... هاذااا سلمك الله الشداد حق الجنزير في مقدمت المكينة من يمين في طرف الزاويه .... والله يعطيك من خيره
برق العطاء
24/12/2012, 12:01 AM
بالنسبة للكفر هذا رمان الهوب ويفضل تغيير الاثنين .. واحتمال صوة الونة من الرمان
hamido
24/12/2012, 08:41 AM
بالنسبه للدبل انصحك تغيره كامل
وبالنسبه للطقطقه ان كانه تجي اذا دعست فجأه وانت لاف الدركسون ولا كنت مغرز فهذا عكس وغيره كامل اذكر قيمته 1200
وعلى دربك شيك على الربله الحاميه بالعكس الثاني ان كانه منقطعه غيره على دربك لانهدايم تنقطع ويطلع الشحم ويطقطق العكس عقبه تلقى عليه تيل من الجهتين
وبالنسبه للصوت الي بالمكينه قاتوقع عادي ولا منه خوف بس خل عينك على ساعة الزيت
الله يعافيكم ياشباب
طيب وش افضل الورشات بالرياض تنصحوني فيها
تركي الضرغام
25/12/2012, 10:27 AM
هلا اخوي
بخصوص الصوت للي تقول يسار شف قبل لا تغير اي شي بالعكس رح لورشة القحطاني بالصناعيه القديمه خلهم يكشفون علي العكس اللي يطلع منه الصوت اذا قال سليمه شف اقرب ميزان اذا اكدلك الميزان كل شي سليم بتصير نفس المشكله للي صارت لي كراسي الدوده
طبعاً كلامي هذا من للي صار لي
الصوت للي كان عندي مع بعض الملفات يطلع صوت قربعه وكان السبب كراسي الدوده وبالتوفيق
عبدالرحمن السالم
25/12/2012, 10:35 AM
اذا للعكوس يالغالي ، عندك القحطاني للعكوس مشهور بالحيل
وانا قبل شهر غيرت عندهم العكوس شغلهم مضبوط وفنانين
شفت لامنك جيت من مخرج 17 وجهك غرب ، وجتك اول اشاره حقت الصناعية عند المطابخ ، خذ معه يسار مع شارع الخلفية الامين طبعاً يصير وجهك جنوب ، ابتل تعد التقاطع الاول ، بيجيك تقاطع ثاني خذ معه يمين ، تعد اول تقاطع وثاني تقاطع بعده ب100 متر بتلقاه على يمناك (القحطاني للعكوس) وهذا الكروكي
http://www.matjrak.com/new/companies/locimg_950_large.jpg
هذا رقمهم http://www.matjrak.com/new/company_details.php?id=950
موفق خير
الله يعافيكم ما قصرتوو
الف شكر وان شااء الله السبت بكون عندهم ونشوف وش المشكله
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir