افضل طريقة لحماية القهوة والهيل لاطول وقت ممكن ومنع الروائح

[كاريرا]

السلام عليكم

شريت التنزاني اللي من السنيدي السحاب ابيه للقهوه والهيل

لكن عيوبة كبير ومايمنع الريحة ويروح الطعم بسرعة لانه مايمنع الرطوبة


برضو جربت البلاستك ونفس النتيجة ويطعم بالهيل


اخيرا رسيت على القزاز لانه يمنع خروج ودخول الروائح ويمنع الرطوبة ويطول من عمر المكونات

عشان كذا المطابخ تستخدم القزاز او الفخار

لكن جتني مشكلة بالعزبة ومع المطامر تتكسر وكل يوم ادور قزاز كبير مثل المراعي او زيت الزيتون


وبالنهاية حطيت سفنج لزاق عازل صوت البيان مثل ماهو موجود بالصورة

باقي افصل له قماش تنزاني سحاب او اخيطة تخييط والقصد يمنع التكسر ويحفظ الهيل والقهوة وخليتهم في شنطة خارجية عشان انزلها بالبيت ماتفعن بحرارة السيارة وتجديدها وقت الحاجة



باقي الشنطة احطلها دار مادار سفنج عادي وبكذا ارتاح من هم الروائح وسرعة خراب نكهة القهوة



http://www.toyota4arab.com/upload/i/00011/i8jm5xr0dcrb_t.jpg (http://www.toyota4arab.com/upload/i8jm5xr0dcrb)

http://www.toyota4arab.com/upload/i/00011/7p9p93o19daj_t.jpg (http://www.toyota4arab.com/upload/7p9p93o19daj)



http://www.toyota4arab.com/upload/i/00011/9uoru82biqgf_t.jpg (http://www.toyota4arab.com/upload/9uoru82biqgf)[/QUOTE]






اذا احد عنده طريقة افضل لايبخل علينا ونستفيد من خبراتكم

[رعب الصحراء]

الله يجزاك الجنة ما قصرت مشكور على الابداع
الحاجة أم الاختراع

[محلات الكشاتة]

كلامك
صحيح
انا من زمان ما استخدم غير البرطمان
افضل وازين

[حب لاينتهي]

بارك الله فيك

[ابو نجود]

افضل طريقة من رأيي الشخصي هي عدم تخزين الهيل والقهوة بالعزبة نهائيا..بل اخذها طازجة عند الحاجة فقط حتى لايتغير طعمها..

[كاريرا]

شاكر ومقدر مروركم الكريم وذا فيه افضل لاتبخلون علينا


افضل طريقة من رأيي الشخصي هي عدم تخزين الهيل والقهوة بالعزبة نهائيا..بل اخذها طازجة عند الحاجة فقط حتى لايتغير طعمها..


صحيح عشان كذا حاط شنطة صغيرة اقدر اخذها للبيت ووقت الحاجة املاها واطلع للبر لها مكان بشنطة العزبة مركا وفرشة بــ 180 من السنيدي

[rami52]

خذ علب استيل ملبسة بتنزاني وسحاب وبتدعي لي

[دايم كاشت]

كويسه لا كن فيه مشكله واحده وهي إنه تغدي دبا وتضيييق شنطة العزبه

[دايم كاشت]

فيه طريقه حلوه وهي :
تعرف الباغات اللي فيها فقاعات أتوقع إنها أحسن لاكن ماتحمي بشكل ممتاز وتعتبر واقية من الكسر وتقلل نسبة الحجم .

[كوكب منير]

:sالسلام عليكم ورحمة الله وبركاته:s
أخي أود أن أنبهك الحفظ لا يحتاج إلى عملية معقدة وأنظر إلى زمن مكوث الهيل في المستودعات وفي إستيراده حيث يمضي زمن لا يتغير بس أهم نقطه لا تطحنه ولا يتعرض للشمس وضعه بأي حاوية كرتون-بلاستيك -زجاج ولن يتغير.
وطريقتي أنا شخصياً أضعه في كيس نايلون أبيض وأضعه في العزبه مهما أمضيت من وقت في الرحله:good2:
هذا مالدي وقد يفيدنا بعض الأخوان بطريقة قد تكون علينا خافية:good2:
:sكما يشرفني قبول التحية منك وممن شارك وشاهد وسوف يشاهد ويشارك:s
:sأخوك كوكب منير:s

[البدراني11]

فكرتك جيدة ... بس على قولت واحد منا تصير دبا هههه يعني عفش زايد وضيق

اقترح عليك ترتب عزبتك عشان كل شي في مكانه ولا يتحرك وهذا انا مسويه

واذا بغيت الافضل ..اشتر لك نجر والا طاحونه وخل معاميلك حب وكل ما بغيت قهوة اطحن واحمد ربك (هذه خطتي القادمة ان شاء الله )

[كاريرا]

شاكر ومقدر تعليقكم المفيد ونستفيد من البقية

بخوص المكان هذي عزبة الشاهي والقهوة اما الطبخ فلها ثاني

واشوف ان لها مكان بالشنطة وغير كذا تقدر تستغني عن شنطة العزبة وتكتفي بالشطنة الصغيرة والدافور

وعلب الاستيل ماجربتها ومادري عن اللي جربو لكن اذكر شريت للمطبخ وذا صبيت حار تصدع وتسرب هوا وبرضو مويه باردة مره يعني مالها امان والزجاج يحتاج لحامي من الكسر ويمنع الرطوبة لانها اساس المشكلة


أضعه في كيس نايلون أبي

حطيت الهيل والقهوة ثلاث ايام وتعرفط الكيس تقل محترق من قوة الهيل غير ذا يفقد الطعم

اما القزاز او الفخار فهو يمنع عدو الهيل وهي الرطوبة وبرضو الحرارة والهواء

عشان كذا حليت مشكلتين اول شي يكون زجاج مع واقي اسفنج مضمون ثاني شي شنطة خارجية عشان ماتجلس مع العزبة او بالسيارة وانزلها بالبيت وتمدك ثلاث او اربع ايام اما الطحن فهذا للي عشرة ايام او واحد رااااايق بالحيل


وننتظر مشاركات الجميع

[ابو نايف التميمي]

من زمان وانا استخدم حافظات الموية الصغيرة الي تستخدم لرضعة الاطفال وميزتها تتقفل صح والهيل مايتغير بعد الطحن صح تاخذ مساحة في العزبة بس مريحتني

[ابوسعد النجدي]

جربت أكثر من طريقة، والأفضل حافظات معدن تكبس كبس، تبقي القهوة والهيل والبهارات لفترة أطول ولايتغير طعم القهوة

[السرحان502]

افضل طريقة تخزنها بعلب ستيل وتكون غير مطحونة ,, وتحط لك طاحونة فالعزبة لا نها مواد عطرية

[خالد ...]

افضل مكان للتخزين في الفريزر لو بعد سنه ما تتغير لا الهيل ولا القهوه

ووقت الطلعه خذ حاجتك

[كاريرا]

السلام عليكم

شاكر ومقدر للجميع مرورهم ومشاركاتهم المفيدة




والقهوة بالعزبة نهائيا..بل اخذها طازجة عند الحاجة فقط حتى لايتغير طعمها..


صحيح كلامك لكن القصد لللي يبي يروح لاكثر من ثلاث ايام ومع المطانيج والمطاب يحتاج لمثل هذي الحماية

[المهمري]

طيب اخوي وين القى السفتج اللزاق

[فيصل التميمي]

افضل طريقة لحفظ الهيل والقهوة هي العلب الاستيل مايتغير الطعم ابد

[كاريرا]

اخوي المهيري موجودة عند زينات السيارات اسمه لزق مليزي ب20 ريال

اخوي فيصل

تاكد اني جربت كل شي بالذات الاستيل وذا نسيت اغراضك بالسيارة ودرجة الحرارة 40

اما القزاز فهو افضل للهيل بالذات وثم المسمار والقهوة

مثل ماقلت اغلب المطابخ تستخدم القزاز او الفخار فهي افضل لحفظ النكهة

اغلب المنتجات الحساسة بالاسواق تكون قزاز مو بلاستك او ستيل

[maasa2002]

ازين شيء وانا اخوك
انك تجيب هاون ( نجل ) وتحطه مفك في العزبة
الطازج في طحن الهيل افضل من المخزن

[كاريرا]

ازين شيء وانا اخوك
انك تجيب هاون ( نجل ) وتحطه مفك في العزبة
الطازج في طحن الهيل افضل من المخزن


شقرن ع المشاركة

هو اساسا طازج لاني انزل الشنطة اللي بالصورة للمطبخ يمزمزون بالباقي وتصير فاضية

وذا جيت اطلع اقولهم يعبون من الطازج يعني هو اساسا طازج حق ثلاث ايام

اما الطلعات الطويلة افضل شي تاخذ بدون طحن ويكون عندك محول220 وتطحن بالبر

وبالتوفيق للجميع

[مدير الكشتة]

اسأل مجرب و لا تسأل خبيث.
أفضل شيء علب تنك أو ستيل غيره لا تدور.
لا تتركهن بالعرزبة دايم ولكن اذا وصلت نزلهن و على طول بالفلاجة.
اذا كنت تفرق الطعم و لا يهون دغيم.

[ابوسليمان.]

افضل طريقة تخزنها بعلب ستيل وتكون غير مطحونة ,, وتحط لك طاحونة فالعزبة لا نها مواد عطرية

كلام::good2:

الطاحونة الكهربائية مالها مثيل لوتضع القهوة والهيل بكيس نايلون
ومتوفرة 12 فولت وانا استخدم 240 مولينكس مع محول كهرب مثبت في الموتر :good:

[دغيم1]

وعليكم السلام ورحمة الله وبركاته
حياك الله أخوي
بطبيعة الحال أخذ القهوة والهيل طازج بدون طحن أفضل
حيث يبقى فترة طويلة دون أن يتأثر إذا حفظ عن الشمس والحر الشديد
وطريقتي أنا في القهوة :
أقوم بحمسها ووضعها في خرج تنزاني مبطن بالبلاستيك
وعند الحاجة أخذ القدر الكافي ثم أطحنها وأضعها في برطمان زجاجي
والهيل نفس الطريقة
وهناك عدة طرق لحفظ البرطمان الزجاجي من الكسر :
إما وضعه داخل صندوق خشبي يتم تفصيل حسب حجمه
او علبة معدنية تحفظة عن الكسر
او كيس تنزتني يبطن بعازل فضي المستخدم في أرضية الفرشات
تمنياتي لك بالتوفيق
تحياتي
أخوك / ابوفيصل

[المصلحة]

فكرة جميلة ماشاء الله تبارك الله

[Bader_vip]

بيض الله وجهك ورحم الله والديك

[فتى الوادي]

فصل على كل زجاجة شنطة صغيرة مبطنة تمنع الأنكسار .

[ابو طاهر]

وعليكم السلام

انا اتفق مع بعض الاعضاء

ما مثل علب الاستيل وأنا ملبس العلب الشراع الي يجي حق السنيدي الي يجي على شكل اسطواني ويطبق على العلب مره...

[حمد الغرير]

الله يجزاك خير فكره رائعه و جاري تجربتها

بالتوفيق ولا يوفق نبي افكار اكثر

بارك الله فيك

[شيخ العبدان]

تقرير مميز ماشاء الله عليك

[مطول صبري]

افضله استيل ومعك النجر .........

[كاريرا]

من باب التجربة الطويلة

هذي مازالت افضل واضمن طريقة ولم اجد افضل منها

[Tall]

^^
اضم صوتي معك

[كاريرا]

pحياك الله عزيز وغاليTall (http://www.mekshat.com/vb/member.php?340095-Tall)

[كاريرا]

اقصد انك تنزل الضروريات معك للبيت وماتخليهن بالسيارة

مثل الهيل والمسمار والقهوة

لان الضهر حررررر وبالليل بررررد

ومنها الفايض للبيت وذا نقص يكملون او يجدد بالكامل وتاخذ الشنطة


اما اطول وقت فهو القزاز

ومنع دخول الاكسيجين وخروج الراءحة

[azizmz]

جزاك الله خير
تجربة تستاهل الشكر