مساعدة بسيطة

[ساهر اليل2010]

السلام عليكم ورحمة الله وبركاته

صبحكم الله بالخير وحي الله كل(ن) باسمه

انا عندي مشكلة صغيرة تعبتني شووي

عندي تانكي سيارة مفكوك منها وكان معبأ

وويوم فضيته عشان اركبه طلع لي مثل الرمل الابيض مثل (حق البنيان )

ويوم عبيته ماء وصبيت منه طلع موية شبه مصديه

وعبيته مرتين نفس الحكاية والحين عبيته الثالثه وجاري التجربه

فاللي عنده حل او راي يبديه ووش الحل معه

(( هل أغير الصاجه اللي تحت او لا ))

وآسف على الإطالة

بالتوفيق

[دغيم1]

وعليكم السلام ورحمة الله وبركاته
حياك الله أخوي
وأسعد الله أوقاتك بكل خمير
لم تذكر نوع التانكي
حديد أو ستيل او فايبر
وتأكد من الجلبة اللي توصل للحنفية قد تكون مصدية
والرمل الأبيض هذا من خزانات المصلحة
تمنياتي لك بالتوفيق
تحياتي
أخوك / ابو فيصل

[جيبي جايزلي]

كرر عمليه التنظيف لين يصفي الماء والافضل تستعمله غسيل فقط وليس للشرب

[ساهر اليل2010]

وعليكم السلام ورحمة الله وبركاته
حياك الله أخوي
وأسعد الله أوقاتك بكل خمير
لم تذكر نوع التانكي
حديد أو ستيل او فايبر
وتأكد من الجلبة اللي توصل للحنفية قد تكون مصدية
والرمل الأبيض هذا من خزانات المصلحة
تمنياتي لك بالتوفيق
تحياتي
أخوك / ابو فيصل





والله يالغالي نوعه حديد أبونجمة مفصله تقريبا له 3 سنوات
جلست سنه معبيه ومخليه بمستودع
وبالنسبة لموية المصلحه ما أتوقع لها علاقه بالموضوع
والله مدري بالظبط من وين الصدا
لكن ابجربه هالمرة وبعدها اتصرف باي شي
يا اغير الجلبة أو.....

(( يسلم لي مرورك وشاكر تعاونك ))

بالتوفيق

[ساهر اليل2010]

كرر عمليه التنظيف لين يصفي الماء والافضل تستعمله غسيل فقط وليس للشرب


والله ياخوي فكرتك حلوووووووة
ولكنها صعبة مررررررررة بنفس الوقت

ولكن جاري التفكير بالفكرة

بالتوفيق

[web]

اتوقع الابيض هذي املاح كانت مترسبه ولما فضيت التانكي ومع التحريك تكسرت عادي تروح ماعندك مشكله

المشكله الان في الصداء الصداء ماله حل الا التغيير .. والله يعوضك باطيب منه

[ساهر اليل2010]

الحين عبيته للمرة الثالثة ولازال الصدا

الظاهر مالي إلا اغير الصاجه او اشتري واحد جديد

بالتوفيق

[ساهر اليل2010]

ولازالت المشكلة إلى الحين

ومتردد هل أغير الصاجة أو أغسله الين يدوخ من كثر الغسيل

[ياكريم رحمتك]

الحديد التالي مايعيش يصدي بسرعة
الله يعوضك
عليك بالالمونيوم غالي بس نظيف

[نجم الجبل]

انصحك بتغيره لان الصدأ ماله حل والصدأ يسبب امراض مثل تليف الكبد

[ساهر اليل2010]

الحديد التالي مايعيش يصدي بسرعة
الله يعوضك
عليك بالالمونيوم غالي بس نظيف


الله يعطيك العافيه على مرورك

ولكن تتوقع كم يسوى الالمنيوم

((كثيرات الدراهم ماتغلا على الزين ))

[ساهر اليل2010]

انصحك بتغيره لان الصدأ ماله حل والصدأ يسبب امراض مثل تليف الكبد


للمعلومية ما استعملة الا لغسيل المواعين والقدور فقط

وقبل الاستعمال غسيل بسيط لها وانتهى الموضوع

وجزاك الله خير على المعلومة المهمة اللي قد يجهلها البعض

بالتوفيق

[ياكريم رحمتك]

تانكي منسدح داخل الشنطة بالجيب حوالي 130لتر
المونيوم كلف 700+100ريال تلبيسة مع مخابي سحابات
هذا الكلام من 5سنوات تقريبا
ولايزال ولله الحمد