كمبيوتر الباترول هل يتصلح

[فتك الجنوب]

:(:(:(السلام عليكم
ياشباب فيه واحد من الربع معه باترول ربع 4500 موديل 2004
شغله بمفتاح غير مبرمج واشتغل ومشاء عليه مسافه عادي وطفاء الموتر بعدهاء شغلها بالمفتاح المبرمج حق الوكالة وشتفل ثواني وطفاء والحين مايشتغل وتاشر لمبة المكينه والرجال متوهق راح الورش قالوله كمبيوتر واليوم وداه الوكاله قالو كشف بـ750 ريال واذا الكمبيوتر بتغير مايمكن انه يتبرمج
ارجو منكم اذا حد قد مرة عليه المشكله ويعرف العطل ينور علينا بالحل لان الورش والسطحات اكلته الى الاان 2000 ريال بدون فائدة.
اعذروني على الاطاله

[SGL]

يخوي شوف منا منا أنشاء الله الكميوتر مافيه شي شيك أمكن كتاوت فيوز برمجة مفتاح لانه قد سارت مع واحد وبرمج المفتاح وظبط بس السياره تختلف كانت سيارته أسمها كروز ونا عن نفسي مالي بسيارات هذي المشبهه ولي أذكره أن الكميوتر خرب على ناس يوم جاته مويه مثل ماقلتلك أمكن يبيله برمجه

[ls1.5700]

جرب تفصل اصبع البطاريه السالب فقط مدة ساعه كامل وبعدها الكمبيوتر يعيد البرمجه من جديد
اذا نفع الحمدلله
واذا مانفع خذ الموتر لمحلات فحص الكمبيوتر رخيصه بـ 100 ريال او 150 ريال فقط
ويطلع العلم هل الكمبيوتر خربان او لا
وانا استبعد خراب الكمبيوتر
انا اشك بأن المفتاح يحتاج برمجه من جديد او كتاوت طرنبة البانزين فيه مشكله يحتاج تغيير
او تبدله مع الكتاوتات الموجوده بعلبة الفيوزات اللي تحت الدركسون
حاول تغيره بنفسك
اول شي تفتح السوتش وتروح عند تانكي البانزين اذا فيه صوت اززززززز شغاله
وذا مافيه افتح الفيوزات وشفه اعلى واحد جهت اليمين بدله مع احد الكتاوتات
الزرق الموجده بعلبة الفيوز

[عقووول]

اخوي رح للشايقي للمفاتيح وان شاء الله بيعطيك الحل وبيصلحه

[ازد السراه]

اخينا انظر لهذا الموضوع لعله يفيدك

http://www.mekshat.com/vb/showthread.php?t=461852

[ابو خــــالد]

نصابييييين الوكاله لاتقربهم
مشكلتك يابرمجة مفتاح مع تغيير سيكورتي
أوبرمجة مفتاح فقط
كانك بالرياض أدلك على واحد متخصص بهاﻷمور

[فتك الجنوب]

مشكورين على الردود
بالنسبه للعطل كان من الفتاح يبيله برمجه وتم برمجته في الوكاله 400 ريال مع الفحص

[ابو خــــالد]

مشكورين على الردود
بالنسبه للعطل كان من الفتاح يبيله برمجه وتم برمجته في الوكاله 400 ريال مع الفحص

العفو ، ، ،
لكن برمجة:eek:ب400
قد برمجت مفتاح لموتري(فتك 2002) ب50
،،،
دايم أحذر من الوكالات عندنا عموما ماوراهم إلا شفط المخابي والبدائل كثيره
وخل هال400 درس ؛؛؛والغريب أن فيه ناس إلى اللحين مقتنعين أن الوكاله هم أفضل شي بالصيانه والعكس صحيح. . .