الله يعافيكم.. استفسارات عن الفتك

[Abo-hamad2011]

السلام عليكم... مساكم الله بالخير ياغالين
ودي أحد يفيدن عن أفضل مساعدات للفتك 2003 قدام هل هن حقات الوكاله ؟؟ ولا اافضل أولف له توليف؟؟ مع اني راعي بر..
واللي يخبر لي صاجه للدبل والقير تجي تحت.. والغطاء البلاستك اللي فوق المكينه اللي يخبر لي نظيف..
طولت عليكم.. آآآخر استفسار بالنسبه لمساعد الكبوت هل افضل شي حق الوكالة ولا فيه بديل تججاري كويس؟؟؟؟ اعذروني على هذا الكم من الأسئلة . الله يجزاكم خير ويبيض وجيهكم..

[sgl2002]

بالنسبة لمساعدات السيارة اذا بتضحي بالراحه بشكل بسيط ركب حقات شاص تركب بدون ترهيم
مساعدات الكبوت ركب صينية ب50 ريال

[ابو خــــالد]

وعليكم السلام ورحمة الله وبركاته...
كل اللي قلته مغيرهن لموتري (فتك2002) قبل فتره قريبه ماعدا الصاجه وأشوف أن ماله داعي نهائيا
بالنسبه للمساعدات أنا ركبت مونرو وراء بس وقدام وكاله وندمت أني ماركبتهن من زمان
المونرو ميزته مهوب زيت زي حق الوكاله يعني لين ولاهوب غاز زي مساعدات الجبريل
يجي مخلوط غاز وزيت وعليه ضمان سنه،،،يوم ركبته حسيت بفرق كبييييير الموتر صار راسي مهوب يخض من أدناة شي زي أول...
ومساعدات الكبوت قد جربت نوعين اﻷولات قعد معي سنتين ونص صناعتهن على ماأذكر يابانيه
وعليهن ضمان سنه وسعرهن ب200 ثم يوم خربن نصحن واحد بنوع تجاري لكنه زين ويمدحه
أخذتهن ب50 وإلى اللحين ماشيات مضبوط
،،،

[عاشق الخديدات]

مساعدات الكبوت خذ تجاريه , حلوه ورخيصه جدا
تلقاها في صناعية أم الحمام في الرياض
هناك محلات اسمها NISSAN
تمشي معك مضبوووط

[ls1.5700]

اخوي هاوي الذيب
وين احصل المونرو وهل يركبن قدام وكم سعرهم

[ابو خــــالد]

اخوي هاوي الذيب
وين احصل المونرو وهل يركبن قدام وكم سعرهم




فيه قدام
وإن شاء الله أني بركبهن قريب
ووكيل مونرو بالصناعيه القديمه عند دوار الخرج ولاهوب شرط تاخذ من الوكيل تلقاهن عند
محلات قطع الغيار
وسعرهن حدود 180-170 للحبه

[Abo-hamad2011]

الله يبيض وجيهك يالغالين ... وما قصرتو ...
لكن المشكله إني ما أخبر لا دوار الخرج ولا أم الحمام.. من حايل ههههه
يمكن ألقى اللي قلتوا عندنا بحايل.. الله يجزاكم كل خير