حنا بوقتن حاصرتنا التهاويل

[مكرم الضيف]

قصيدة ليست موجهه لاحد بعينه ولكن الى من يستهزؤون بالرجل ويوصف بأوصاف الهدف منها التحقير والتقليل منه. وخاصة بين النساء

وهذ ا ينطبق على بعضهن وليس الجميع

وتقبلوا تحياتي لكم جميعا


حنا بوقتن حاصرتنا التهاويل=فيه الحليم يضيع باقي دليله
كل ما اشتهرنا بشي ونحط ونشيل=طلن علينا ام العيون الكحيله
وشبن لنا النيران في وصف تذليل=وقالن ابو سروال وابو فنيله
من زينكن يامتابعات التماثيل=والواحده فيكن تقل جسم فيله
حلوات بالمكياج ولا التضاليل=وليا انغسل شيفه تروع مهيله
بعثاتكن صارت رسوبن وتكميل=ولا فيه حتى فايده اوحصيله
خلك ببيتك ويش لك بالغرابيل=مدرسه لو الشهاده طويله
دليلتك جنبك وتمر وفناجيل=وجاراتك يجيبن كثير وقليله
ازين من دموع الندم والبهاذيل=واجمل لكن والستر راس الفضيله
وترى الحيا مع صاحبه طبع مايزيل=في شرق ولا بغرب محدن يزيله
ولا دارت الدنيا وصارت بك تميل=الله ثم هاذاك ابو فنيله
ولا نشفت الارياق بحلوقكن حيل=يسقيكن بيد جود ماهي بخيله

[هاوي عبث]

خخخخخ كنك يامكرم تسودت العيار عليهن خخخخ ياخوك اذا قالت لك ابو صروال

قل يا ام الركب السود وقضينا ووحدتن بوحده :D تسلم على ها القصيده بفتح جهازي عند المره

كود عييناتها تمر عليهن :good2::p

[مكرم الضيف]

خخخخخ كنك يامكرم تسودت العيار عليهن خخخخ ياخوك اذا قالت لك ابو صروال



قل يا ام الركب السود وقضينا ووحدتن بوحده :D تسلم على ها القصيده بفتح جهازي عند المره



كود عييناتها تمر عليهن :good2::p


سلمت اخوي هاوي عبث والقصيدة ماتعم تخص البعض واللي غير ماذكر بالقصيدة لهن كل تحيه وتقدير

تقبل تحياتي

[ذراع الذيب]

السلام عليكم ورحمة الله وبركاته


هلا والله وغلا


بأخوي ابونادر


اخبارك يالشيخ عساك طيب وش القصيده الطيبه وتراني ماضحكت كثر اليوم هههـ


وادري انك تقصد البعض والكثير فيهم الخير والبركه وهم رمز للعفاف والشيمه والنخوه ومكشات يتشرف ببعضهن كأعضاء

[مكرم الضيف]

السلام عليكم ورحمة الله وبركاته





هلا والله وغلا


بأخوي ابونادر


اخبارك يالشيخ عساك طيب وش القصيده الطيبه وتراني ماضحكت كثر اليوم هههـ



وادري انك تقصد البعض والكثير فيهم الخير والبركه وهم رمز للعفاف والشيمه والنخوه ومكشات يتشرف ببعضهن كأعضاء


حياك الله يابو ناصر وعساها ضحكه تدوم وأنا احب الجميع ولكن الشعر مثل منت خابر زينته في بعض المشاكسات لبعض مايهم المجتمع ولا هو قصور في أحد من الجميع.


تشرفت بزيارتك للموضوع وترى مجلة الخطوط السعودية ناشره في عددها الجديد موضوع خاص عن الصيد بالصقور وذكرت المجيرمه وبعض المناطق المتعلقه بالموضوع. وهي فرصه انك تحجز من جده وتزورنا ومنها تاخذ المجله مجانا ( أهلا وسهلا) بك. وهو ايضا اسم المجله :D

[ابوقشعان]

حلووووووووووووو

[س.س.التميمي]

خفف القصف يابو نادر عليه(ن) صح اللسانك ويستاهن ام اركب ... تقبل مروري يالامير

[قرم التميمي]

السلام عليكم ورحمة الله وبركاته


هلا والله وغلا


بأخوي ابونادر


اخبارك يالشيخ عساك طيب وش القصيده الطيبه وتراني ماضحكت كثر اليوم هههـ


وادري انك تقصد البعض والكثير فيهم الخير والبركه وهم رمز للعفاف والشيمه والنخوه ومكشات يتشرف ببعضهن كأعضاء


كلام صحيح انا اوافقك الرأي

[مكرم الضيف]

حلووووووووووووو

شكرا لك اخوي على ماقلت ودمت بخير وعافيه

[مكرم الضيف]

خفف القصف يابو نادر عليه(ن) صح اللسانك ويستاهن ام اركب ... تقبل مروري يالامير


حياك الله اخوي وصح بدنك وهن الام والاخت والزوجة لكم ولهن وللجميع كل محبه وتقدير

[مكرم الضيف]

كلام صحيح انا اوافقك الرأي

شكرا لك اخوي على ماقلت والنعم فيك وفي ابو ناصر وبالجميع

[الهواويه]

صح لسانك يا اخوي
بس عندي احساس انه بينفتح باب لرديات بعد هالقصيده
عاد الله يعينكم ههههههه
تحياتي لك

[مكرم الضيف]

صح لسانك يا اخوي

بس عندي احساس انه بينفتح باب لرديات بعد هالقصيده
عاد الله يعينكم ههههههه

تحياتي لك


صح كلك أختي وان شاء الله ينفتح باب خير والمعونه من الله.
وللاخوات جميع بالمنتدى او خارجه كل احترام وتقدير

[نديم المجره]

امتنع عن التعليق