الطيره تقذف علفها

[C_J_O_JI]

اسعد الله اوقاتكم بكل خير
عندي تركيه 14*13.5
لي تقريبآ 15يوم ملواح فقط والاربعاء الماضي هديتها على كروان وطرحته مع الارض ما ارتفع والخميس هديتها على كروان ويوم ارتكز حلت عنه وهديتها العصر على حمامه وكان جناح مره ثقيل
اعطيتها يومين عسل في ماء بالبرواز حليتها واعطيها حلبه مع العلف وفي الصباح
قذفت نصف علفها قبل امس واعلفها امس الليل واليوم الصباح قذفت نصفه
والشيهانه علفها حار ووجها حي
ووزنها 720

[كلي فخامه]

ماعليك وانا اخوك اكيد انك مكثر الحلبه او العسل مدام رجعت اكلها ان شاءالله مابها شي ريح الطير ولا تععطيه علف واجد ولا تكثر الحلبه ...

[رعد المطر]

مساء الخير ياخوي العلف به شحم ياخوي وزاد العلف على الطير
لكن خذ حليب السعوديه وحط عليه سكر وبلله بالعلف وعلف الطير باذن الله تبشرنا عنا بالعلم الطيب اخوك رعد المطر

[C_J_O_JI]

كلي فخامه
رعد المطر
بيض الله وجهيكم
بالنسبه للعلم ما زودتها ولا به شحم
اول مره فخذ دجاجه صافي
ثاني مره ثنادي حمامه صافي
اليوم الصبح عطيتها رجلين حمامه بعظم ولما رجعت من الدوام لقيتها مقذفه وحده من الرجلين

[رعد المطر]

ياخوي اذا خذ حليب السعوديه وحط عليه سكر ورش به على ثنادي حمامه وخلها تعلف منه وباذن الله يعجبك وضعها وموفق خيييير0

[راكااااان]

سلام عليكم الأخوان كلهم خير وبركه ,,, لاكن منسر الطير له ريحه ولا لا وأذا مافي ريحه ,,,طيرك مافي اله العافيه يكون التهاب بسيط في المعلف وعطه علف بدون عظم وبعد عن الحمام يومين ثلاث عطه نص سمان فري بدون عظم ونشالله تبشرني عنه