مسابقة بين حافظة الثلج( الصباره)وبين الثلاجة التى تعمل بالبطارية.؟؟؟

[بركان]

السلام عليكم ورحمة الله

الكثير منا سبق له استخدام اما حافظة الثلج ( الصباره) اوالثلاجه التي تعمل على بطارية السياره او كلاهما.
بالنسبة لي تخلصت من الثلاجة واشتريت حافظة الثلج (صباره )حجم كبير من ماركة مشهورة بمبلغ 300 ريال.
اعبيها ثلج قوالب وتجلس ثلاثة ايام بلياليها وافتكيت من غثاها لان الثلاجة التي تعمل بالبطارية حجمها كبير ومساحة تخزينها اقل , اضافة الى انها تحتاج الى وقت طويل حتى تبرد.
كما ان فتحها باستمرار يقلل من كفاءة تبريدها.
وبعد استخدام الحافظة ارتحت كثيرا خاصة وان ثلج المكعبات متوفر في كل محطه وافتكيت من غثاها .


هذا مالدي
عطونا رايكم في الافضل لديكم الثلاجة ام الحافظة.؟؟

[كتكوت مفترس]

الصباره انسب لان الثلاجة تحتاج الى بطارية اضافية ومعرضة للعطل في وقت الحاجة لها.

[المترو]

السلام عليكم ورحمة الله وبركاته

هلا وغلا ابو البراكين

اقول الله مير يسلمك بالصيف الثلاجه برأيي افضل بكثير و لانه احيانا يكون االجو حار والثلج لن يسعفك كثيرا وتكون بعيد عن محلات بيع الثلج :

اما الحافظه او الصباره فهي مناسبه بالشتاء لبقاء الثلج فتره تصل الى اسبوع ولو قل الثلج او حتى انتهاء يمكن بقاء المحفوظات بدون ثلج لفتره يوم او يومين لكن بالصيف الله يخلف على قميرياتك او طويراتك او حتى هريفيك او دجيجاتك لو انتهاء الثلج او قل يا رجعه للديره او خراب المعيشه
سوف ترمي الصباره باللي فيها :rolleyes:
لذلك اقول كلاهما له وقته :good: وكل شخص حسب تجهيزه للسياره وسعتها يعني اللي معه بطاريه اضافيه يحط ثلاجه صيف وشتاء وراعي طويله يجلس بالبر اسبوع او اسبوعين ليس للصباره صنع معه :no:
اما اللي ماعنده تجهيزات بالسياره ورحلاته يوم يومين او ثلاثه ورجعه للديره صباره وتفي بالغرض


وتسلم بركان مكشات الكريم على هذا الموضوع للتذكير بمثل هذه الامور القميري على الابواب والرحلات عموما قربت وهذا وقت اجابة هذا السؤال

ماهي تجهيزاتك وتجهيزات سيارتك للرحلات ؟؟؟؟؟؟؟؟؟؟؟؟؟


تسلم

ولكم جميعاً وافر التحايا
المترو

[أبو مسفر]

والله مشكلة لازم اتابعها بالثلج
صراحة بالنسبة لي الكهربائية من احسن مايكون الى من الواحد انتبه لتشغيلها والسيارة تشتغل والا والسيارة طافية
لاكن المشكلة الى من الواحد سوى سواة واحد من الجماعة يوم وقف عند تفتيش جمارك البطحاء ونزل الثلاجة وخلصوا مفتشين قام وركب الثلاجة ولحمها فيها لاكنه نسى يشغلها وما ذكر الا عقب ما تعدى الرياض بواجد والى يوم اروح اللحم بالثلاجة

[بركان]

هلا وغلا بابو ناصر

اجل تقول هذا وقت الثلاجات والصبارات.

اتفق معك في ما ذكرت ولكن مشكلة الثلاجة انها ما تكفي للصيد والماء والعصيرات ( سيزر برتقال بالجزر!!!) وغيرها ومثلك عارف في الصيف اللاهب اذا كنت انت واثنين او ثلاثة او اربعة من (جماعة ربعك) ماغير مطارد وركض كم قارورة ماء تحتاجون وهل باستطاعة هذه الثلاجة تأمين طلبكم خاصة اذا كانت تفتح كل دقيقه .!!!

فكر الله يسلمك ورد علي ودي اسمع رايك.

[alomairi]

اخواني

لو اشتريت لك فريزر يعمل على بطارية السياره شوف الفرق ----- بصراحه لا يقارن بين الفريزر و المبردة اللي يطلقون عليها اسم "كولر" عيب الفريزر الوحيد هو ان سعره مرتفع شوي و هناك نوع جيد مجرب ماركة "انجل" ياباني الصنع لا يعلى عليه.



وشكراً