استفسارات عن سنارات ماركة GMC

[goldenrife]

مين الي بي بيعها في المنتدى

والله انا مضيع و ابغاها لواحد من الشباب فافيدوني بارك الله فيكم

[aglanco]

تلاقيها في
الدمام = محل السنارة الذهبية
السعر=280 ريال
الوصف بجوار المطعم الصيني
ومحل عالم البحريات بنفس الشارع في عمارة بن علي
اللي فيها خبيزاتي
الخبر
محل عرفة بفرعيه :
1-عرفة سوق السمك
2-عرفة طريق الملك عبدالله بجوار كوبري المشاة
اتمنى اكون افدتك

[goldenrife]

شكر و تقدير بارك اله فيك

لو تزودني برقم التلفون لاني حاولت اجيبه من الاتصالات ما عندهم

اسف على كثرة الاستفسار

[حداق الخبر]

سعرها كالتالي

5 م = 180 ريال

5.50 م = 200 ريال

اللي يقولك غير هالشي فماعنده سالفه تلقاها في محل عرفه بالخبر في شارع السمك

او في المحل اللي وراه مع الجنب

المتوفر بالسوق اللون الازرق

اذا تبحث عن سناره جيده وحلوه عندك البايلوت جداً روعه واحذر من التايواني والصيني
النوع الكوري تلقاه بنفس محل عرفه

بالتوفيق


ارقام محلات الدمام كالتالي

عالم البحريات = 038093846
عالم البحريات فاران = 038095950
الربان البحري = 038096410

والمعذره ع القصور

[aglanco]

ياحداق الخبر
احشم نفسك وخلك من الخراط حقك
الgmcالحمراء اللي قبل الزرقاء ب280 وشريت ثنتين منهااول مانزلت
،،،وعندي من الgmcالزرقاء بكتابة حمراء
اللي قبلهم كلهم ....
وخلك محترم واعرف تكلم

[raaad]

السلام عليكم اخواني انا من عشاق ال GMC الاصلية الحمراء الكاربون المضغوط وسعرها لا يقل عن 380 ال 5 متر
ةتقبلو مروري

[raaad]

عفوا 280 ريال

[قائد الاسطول]

ال gmc اللي بالسوق الان كلها تقليد في الخبر ولا غيرها
اذا لقيت الزرقاء اللي كتابتها بالاحمر ممتازة بس انتبه لا تكون تقليد
نزل بعدها نوعبن عنابية وزرقا بكتابة صفرا كلها تقليد وانكسرت عند اكثر اللي جربوها

والوكيل هو محل الفاران بصفوى والمديلات قديمة انقطعت من السوق

اتنمنى اني افدتك

[حداق الخبر]

aglanco (http://www.mekshat.com/vb/member.php?u=217411)



شوف ياغالي مايحتاج حاشم نفسي ومحترم نفسي قبل لا اقابلك واشوفك وكلامك يبينً مستوى عقلك


وللعلم انا ماكنت اقصدك انت انا اقول اللي يبعها بأكثر من 180 فماعندهه سالفه


عين خيير وهونً على نفسكـ ،،،

الجي ام سي كل اللي بالسوق تقلييد ووكيلها الفاران بنفسه الان يبيعها تقليد خذها ورح اي محل ولك اللي تبي اذا يفرق شي ووتأكيد عندك بالخبر 3 محلات كلهم يبيعونا بـ 180

[accentkool]

الجي ام سي الموجودة بالسوق سواء الزرقاء بالكامل او الحمراء بالكامل فاشلين جدا لانهم تقليد البركودا والبايلوت اطلق منهم بكثير

اذا حبيت الجي ام سي الزرقا كتابتها حمرا موجودة المقطوعة حاليا مستخدمة

[broken_hrt_]

هلا والله اخوي ..

صحيح سعر ال GMC
اللي بالسوق حول 180 ريال .. تزيد او تنقص
بس جودتها تعباااااانه جداً جداً ...

في قصبه اسمها كروبر (هاموره) وسعرها لل 5 ونص متر حول 275 ريال بس ماشاء الله عليها .. 100%
تقريباً احسن قصبه موجوده بالسوق حالياً ..

يعطيك العافية
و
تقبل مروري

[sniper33]

اخوي حداق الخبر كلامك صحيح والأخ هم بعد كلامه صحيح بعلمك الاخ جاي يستفسر مو جايين نتهاوش هنا ال GMC القديمه جات الرصاصية هذي للمعلومه يعني طيب وجات بعدها الحمرا كتابة ذهبيه وجت بعدها الزرقا كتابه حمرا كلها كانت اسعارها متفاوته 250 الى 280 تقريبا هذا القديم طيب الجديده الي جات الزرقا ام كتابه ذهبيه بصراحه وبكل امانه انا من الناس الي جربها بلد 7 و جوافه انكسرت معاي لأنها تقليد الزرقا ام كتابه ذهبيه اما الجديده الزرقا ام كتابة حمراء هذي اهي التقليد لشبه الأصليه والي مايعرف سالفتها يتصل ويستفسر وانا اعلمه بكل شي انشاء الله
اخوكم
sniper 33
رقم جوالي 0567567398
:good2:

[الربان البحري]

اخواني واعزائي
حداق الخبر . aglanco .sniper 33
اللة واكبر على الجي ام سي القديمة
وسلمت مشاركاتكم
ممكن اشارك بالموضوع واضيف
واستند لارئيكم عن عصاة الابو العنابية الجديدة
اربعة متر
اربعة ونصف متر
خمسة متر
خمسة ونصف متر
ستة متر
وباسعار في متناول الجميع

هل قمتوا بتجربتها وهل لديكم اي ملاحضة عليها

يمكن تكون متل الجي ام سي القديمة او احسن
انا شهادتي مجروحة

متعطش لردكم

ابو عبد اللة
الربان البحري

[ربان الخليج]

اخوي شف اخونا اكسنت كول عنده مستعمل ونظيف جدا واسعاره زينه /تحياتي

[مشاري1427]

http://im17.gulfup.com/ASCq2.jpg
قبضة اليد الا طواله 180
الجي ام سي كل اللي بالسوق تقلييد ووكيلها الفاران بنفسه الان يبيعها تقليد خذها ورح اي محل ولك اللي تبي اذا يفرق شي ووتأكيد عندك بالخبر 3 محلات كلهم يبيعونا بـ 180 نوعان من قبضة اليد منها يجي طوال منها قصير

[hunter78]

أنا اشتريت الجي إم سي الزرقاء مع كتابة حمراء 5 متر من حوالي السنة من شارع سوق السمك بالخبر و بعد المراعاة والمكاسرة ومعي صديق غالي من الدمام يعرف صاحب المحل حصلناها ب200 ريال ,القصبة ممتازة وتحملها ممتاز لكنها ثقيلة
الاسبوع الماضي شريت الأبو التي ذكرها أخونا أبو عبد الله (الربان البحري) أخذت 4 متر ب140 ريال مكتوب عليها وزن البلد(الثقل) 80-150 غرام يعني حتى ثقل 5 وجربتها بالرمي مع ثقل 5 ما شاء الله ممتازة و وزنها خفيف ومرنة جدا والأيام القادمة ستكشف مدى جودتها

[baracuda]

القصبة ABU ماجربنها لكن شفتها مع اكثر من واحد قصبات ممتازة
وهي واحدة من 5 شركات رائدة في عالم القصبات

[الربان البحري]

الاخ هنتر 78
تشرفنا فيك
والقصبة الاربعة متر خيار موفق وربي يباركلك فيها
ويعطيك خيرها ويكفيك شرها

بس بطلب منك طلب
لا تحطها وتتركها بشنطة السيارة عشان لايجيها الحر وينكسر الابوكسي
الي عليها

وفقك اللة يالغالي
وشاكرا على التعليق

الربان البحري

ابو عبد اللة

[الربان البحري]

الاخ الغالي بركودا
اسعدتني مشاركتك وتعليقك

وياريت تجرب الابو
ونحن في الخدمة

الربان البحري

ابو عبد اللة

[hunter78]

الاخ هنتر 78
تشرفنا فيك
والقصبة الاربعة متر خيار موفق وربي يباركلك فيها
ويعطيك خيرها ويكفيك شرها

بس بطلب منك طلب
لا تحطها وتتركها بشنطة السيارة عشان لايجيها الحر وينكسر الابوكسي
الي عليها

وفقك اللة يالغالي
وشاكرا على التعليق

الربان البحري

ابو عبد اللة


بارك الله بك وحفظك أخي أبو عبد الله ,والشرف لنا بمعرفتك علما لم نلتقي أبدا رغم مروري المتكرر لمحلكم ,خلص المرة الجاي بسأل عنك مشان تعمل لي خصم خاص :D
لا توصي حريص ,عدة الصيد ما أتركها أبدا بالسيارة وبعد كل مشوار صيد يجي تنظيف العدة والقصبات ومسحها من أثر زفرة السمك والملح
جزااااااااااااااك الله كل خير

[ذوالجناح7]

مشاء الله الشباب ماقصرو معاك


لاكن عندي نصيحه أشتري من أي مكان ولا تشتري من عالم البحريات...:no2:


والسبب أن أسعاااااره نـــااااار :f وآنــــا ماقول لك هذا إلا بالدليل


وهذا فقط مثال بسيط لأني تعاملت معاااه كم مره وآخر مره كانت القاضيه


قبل كم يوم جيت أشتري ملعقه للفاح اللماعه ولقيت سعرها 27 ريال


شريتها متكيسل أروح سيهات لأن الأسعار فيها أنسب


وبعد ين صار عندي شغل في سيهات قلت خليني أدخل المحل وأشوف سعرها


تدري كم ..؟؟ 15 ريال والله قهر وشريتها أحتياط وقلت خلاص مااراح أشتري بعد اليوم


وانت جاي من الجبيل شوف محلات سيهات في عندك محل صغير عند سوق السمك


أو عند أخونا المصري محله في الزاويه عند سوبر ماركت المنتزه


او محل السيار قبال كبتن رابح وعندك بعد محل الحلال أنت شوف الأسعار وبعدين روح الخبر


وشوف أسعارهم وقارن وبعدهااا قرر من وين تشتري....:good2:


وأي أستفسار أعتقد عندك رقمي


وبالتوفيق إن شاء الله


تحياتي أخوك / بوحبيب

[الربان البحري]

الاخ هنتر 78
شكرا على مداخلتك وردك
اخوي انت الداخل واحنا الطالعين

محلات الربان البحري تحت تصرفك وتصرف المكشاتية
ونتشرف بشوفتك
وابشر بالخصم الطيب

الربان البحري

ابو عبد اللة

[مالك مجال]

السلام عليكم ورحمة الله وبركاته

بخصوص الجي ام سي اللي لونها ازرق وكتابتها باللون الاحمر فيه منها نوعين نوع وهي الاصليه كانت بسعر 260-280 لمقاس 5.5 متر
اما النوع الثاني سعرها 200-180 لنفس المقاس وهي التقليد
اما كيف تفرق بينهم فصعب جدا تفرق لكن تقدر تفرق بلون الراس التقليد لونها افتح جاي على وردي اكثر

وبخصوص الابو الجديده شكلها طيبه بس ما جربتها للامانه ونطلب من ابو عبدالله يوفر القصبات القطع حجم 4.5 لانها بصراحة ممتازه عن تجربه

وهد اعصابك يا العجلان

تحياتي لكم
ابوراكـــان

[goldenrife]

مشاء الله الشباب ماقصرو معاك



لاكن عندي نصيحه أشتري من أي مكان ولا تشتري من عالم البحريات...:no2:


والسبب أن أسعاااااره نـــااااار :f وآنــــا ماقول لك هذا إلا بالدليل


وهذا فقط مثال بسيط لأني تعاملت معاااه كم مره وآخر مره كانت القاضيه


قبل كم يوم جيت أشتري ملعقه للفاح اللماعه ولقيت سعرها 27 ريال


شريتها متكيسل أروح سيهات لأن الأسعار فيها أنسب


وبعد ين صار عندي شغل في سيهات قلت خليني أدخل المحل وأشوف سعرها


تدري كم ..؟؟ 15 ريال والله قهر وشريتها أحتياط وقلت خلاص مااراح أشتري بعد اليوم


وانت جاي من الجبيل شوف محلات سيهات في عندك محل صغير عند سوق السمك


أو عند أخونا المصري محله في الزاويه عند سوبر ماركت المنتزه


او محل السيار قبال كبتن رابح وعندك بعد محل الحلال أنت شوف الأسعار وبعدين روح الخبر


وشوف أسعارهم وقارن وبعدهااا قرر من وين تشتري....:good2:


وأي أستفسار أعتقد عندك رقمي


وبالتوفيق إن شاء الله



تحياتي أخوك / بوحبيب




اي والله انهم ما قصر بارك الله فيهم جميع لكن ماتوصل المواصيل لحد ما وصلت

عموما" بارك الله فيكم يا اخوان فوالله ما هوا الا ابليس كان بيخربها علينا فلعنوا الشيطان و تعوذوا منه

اعوذ بالله من الشيطان الرجيم

بيض الله و جيهكم

[goldenrife]

سعرها كالتالي

5 م = 180 ريال

5.50 م = 200 ريال

اللي يقولك غير هالشي فماعنده سالفه تلقاها في محل عرفه بالخبر في شارع السمك

او في المحل اللي وراه مع الجنب

المتوفر بالسوق اللون الازرق

اذا تبحث عن سناره جيده وحلوه عندك البايلوت جداً روعه واحذر من التايواني والصيني
النوع الكوري تلقاه بنفس محل عرفه

بالتوفيق


ارقام محلات الدمام كالتالي

عالم البحريات = 038093846
عالم البحريات فاران = 038095950
الربان البحري = 038096410

والمعذره ع القصور



ابد ابد الله يسلمك ما عليك قصور والله

[goldenrife]

ياحداق الخبر

احشم نفسك وخلك من الخراط حقك
الgmcالحمراء اللي قبل الزرقاء ب280 وشريت ثنتين منهااول مانزلت
،،،وعندي من الgmcالزرقاء بكتابة حمراء
اللي قبلهم كلهم ....

وخلك محترم واعرف تكلم





aglanco (http://www.mekshat.com/vb/member.php?u=217411)



شوف ياغالي مايحتاج حاشم نفسي ومحترم نفسي قبل لا اقابلك واشوفك وكلامك يبينً مستوى عقلك


وللعلم انا ماكنت اقصدك انت انا اقول اللي يبعها بأكثر من 180 فماعندهه سالفه


عين خيير وهونً على نفسكـ ،،،



الجي ام سي كل اللي بالسوق تقلييد ووكيلها الفاران بنفسه الان يبيعها تقليد خذها ورح اي محل ولك اللي تبي اذا يفرق شي ووتأكيد عندك بالخبر 3 محلات كلهم يبيعونا بـ 180



الي حصل سوء فهم و الخطاء مردود

وانا اعتذر من كلى الطرفين بالنيابة

جزاكم الله خير

:s