وين الصقارين !!!!!!

[عاشق رهو]

السلام عليكم ي أعضاء المنتدى ومشرفينه

أنا اليوم العصر ماشي بسيارتي إلا واصادف صقر يفترس يمامه تحت سمرة

ف وش تشورون علي وهل الصقر ممكن بكره تحصله فنفس المنطقه ولا لا

وماهي أسهل طريقة يمكن أجيب فيها الطير علما باني ما عمري جربت

[رعد المطر]

مر نفس المكان وان شاء الله تلاقيه
شبكه وقمري

[عاشق رهو]

الله يسمع منك بس وش أفضل وقت له
فيه ناس تقول الصباح الباكر بعد الفجر دور عليه

[حشّار]

والله ماظنيت بتلقاه بنفس المكان
لكن اذا حولك جباك او ابراج مر عليها مع الزراق بدري
الطير احيان تشوفه في مكان وهو يهد من ماكر بعيد ومايتوقعه الا الصقار
دور بكره والله يرزقك

[عاشق رهو]

فيه جبل شاهق جرف قريب من المنطقة اللي حصلته فيها

[برق المغيب]

خذ العلم من حشار والله يكرمك

[عاشق رهو]

والنعم ب حشار وبكره الصبح بعد الفجر ناوي أدور عليه والله يجيب الخيرر

[القصير111]

بشرنا عساك طرحته

الله يرزقك وتبشرنا

[عاشق رهو]

اليوم كان عندنا عج وهوا ماطلعت لكن الله ييسر الأمور

[كلي فخامه]

الله يكتبها من نصيبك

[راعي كريم]

الله يرزقك

[عاشق رهو]

سبحان الله الواحد ماله إلا نصيبه فالدنيا ذي
على سالفة الطير مريت يم المكان اللي لقيته فيه وكان فيه غنم يرعاها سوداني
السوداني يحكي لواحد من عيال عمي كان معي يوم لقينا الطير
يقوله السوداني أنا لقيت طير مدري هو صقر ولا عقاب ولا شنو يقول كان عالق فشبك ملفوف عليه
وفكيته وعتقته هههه
جاه رزقه وكفحه تظنون يكون نفس الطير اللي لقيته ؟

[رعد المطر]

جاك علمي
والله يكرمك

[قناص خليص]

جاكم الأبرق اللي ماحد يلحقه