البواجي

[الشرقيه 03]

السلام عليكم ورحمة الله

وش حال كل باسمه

يا اخوان عندي ددسن 2010 غماره (( ماشاء الله )) على يدي مطلعها ووصلت 0 0 0 65 كيلو ولا ادري وش ابدل من زيت مثل القير والدفرنس وغيرها ؟؟؟؟؟

والبواجي اغيرها ولا لا ؟؟؟؟؟

واذا مثلا اخذت بواجي من الوكاله على طول اركبها ولا لازم وزن مسافة الخلوص في البواجي ؟؟؟؟ وكم المسافه ياخوان ؟؟

وما ادري اغير معها اسلاك البواجي يعني للحفاظ ولا لا ؟؟؟؟؟

والله لايهينكم ويجمل حال من يرد علي *_^

[عبقري91]

وعليكم السلام ورحمة الله وبركاته
لاتقرب زيت الدفرنس
وبعدين اذا مايقطع وصافي ليه تتعرضه
اخوي معه ٢٠٠٦ مشالله ماشيه٣٥٠ الف ماقالت شي ولا قرب شي اذكر صوت طلع فحمت القير بس
طبعن ددسن السياره
واذا فيه تقطيع اشرح وضع التقطيع

[الشرقيه 03]

يعطيك العافيه عبقري 91

ووين باقي الاخواااااااااان

[كاشت بالبر]

السلام عليكم ورحمة الله

وش حال كل باسمه

يا اخوان عندي ددسن 2010 غماره (( ماشاء الله )) على يدي مطلعها ووصلت 0 0 0 65 كيلو ولا ادري وش ابدل من زيت مثل القير والدفرنس وغيرها ؟؟؟؟؟

والبواجي اغيرها ولا لا ؟؟؟؟؟

واذا مثلا اخذت بواجي من الوكاله على طول اركبها ولا لازم وزن مسافة الخلوص في البواجي ؟؟؟؟ وكم المسافه ياخوان ؟؟

وما ادري اغير معها اسلاك البواجي يعني للحفاظ ولا لا ؟؟؟؟؟

والله لايهينكم ويجمل حال من يرد علي *_^

وعليكم السلام

اذا بتبدل زيت القير أو زيت الدفرنس .. أفتح كتالوج سيارتك وشف النوع المناسب واللزوجه المناسبه .. واحتفظ بالزيت القديم ( زيت المصنع ) للاحتياط
عشان اذا ما ضبط الزيت الجديد .. ترجع زيت الوكاله

فيه زيت موبيل 80W90 نوعه API GL-4 مناسب للقير العادي
وفيه زيوت 90 لكن ممكن يكون ثقيل شوي بالشتاء
والخ...

API GL-5 ما ينفع للقير العادي .. لأن فيه مواد قويه تسبب تآكل بعض أجزاء القير .. لكن ينفع للدفرنس ( اذا كتالوج سيارتك يقول استخدم API GL-5 أو API GL-4 )

نعم غيّر البواجي

انا مره اخذت بواجي من وكالة هوندا لسيارة أكورد .. البواجي تجي موزون خلوصها وجاهزه .. مسافه الخلوص المناسبه تلقاها بكتالوج سيارتك

وتقيس الخلوص بالفيلر قيج ( موجود بساكو )

وقبل تركب البواجي ثبتها بمفك البواجي .. وشدها شوي شوي بيدك الين توقف .. ثم شدها ربع او نص لفه بمفك البواجي

لأنك اذا ما راح تثبتها بمفك البواجي ثم تركبها .. يعني ترميها .. بيخرب خلوص البواجي لأنه ممكن يضرب بشيء


فلتر هواء + فلتر بنزين + بواجي = تحسن عزم سيارتك وتحافظ عليها


وما عندي خبرة بأسلاك البواجي .. لأني متعود على الكويلات ( كويل لكل بوجي )

[ls1.5700]

اخوي اترك عنك الحرص الزايد موترك موديله جديد ولايجتاج تغير فيه شي
والبواجي ماهو ضروري تغيرهم مادام الموتر صافي مافيه تفتفه لاغيرهم ابد
بالنسبه لزيت الدفرنس والقير لاتغيرهم نصيحه
ولا تسمع كلام اللي يقول غيرهم
اذا ناقص زيده بس وتوكل على الله
مع اني متاكد بأن الدفرنس والقير ماهو ناقص ولا ملي
احرص على زيت المحرك والفلتر مع كل تغييره
ارجو من الله اني افدتك

[الشوق بحر]

اللي يقول زيت القير والدفرنس ما يتغير غلطان وكل واحد يرجع لكتالوج سيارته ويتاكد

[ls1.5700]

لا يشوق البحر ماحنا غلطانيين انت قاعد تقرا مايكتب بالنت
بس بدون تجارب سابقه مع احترامي لك

[sgl2002]

زيت القير والدفرنس مايتغير

يزود فقط

واللي يبي يدخل بمشاكل يغيره

[بدوي جنوبي]

الزيوت تتغير
ودائما اقول اذا ما غيرت زيت الوكاله على وقته المحدد بالكتلوج لا عاد تغيره
او تحمل النتائج بعد التغيير مثل ظهور صوت ونه ولو بسيطه

وزيت الوكالات أشك انهم يغيرو زيت أصلى