الفزعة يا اهل الخبرة عندي مشكلة في الشروكي

[hgfvkss]

السلام عليكم جميع...

عندي مشكلة في السيارة ولا لقيت لها حل..

جيب شروكي موديل 99 سبورت قير تماتيك..

المشكلة ظهرت فجأة وانا مسافر لمكة وقبل ما اوصل ب 150 كيلو فجأة ما صار يقبل بنزين ويطرقع لين وقف وطفى اشغلة يشتغل ويتفتف واذا دعست له بنزين طفى وخليته 10 دقايق وشغلته واشتغل عادي ومشيت حوالي 10 كيلو وصار نفس المشكلة
وتكرر الامر لين وصلت لمكة
كل شوي يطفى واخليه 10 دقايق وامشي...

بعد ما وصلت رحت غيرت طرمبة بنزين
وللاسف ما تغير شي

وشلته في سطحة لين جدة بعد ما قطع على السريع..

وغيرت حساس الكرنك ويسمونه حساس الحذاف ولا تغير شي

وغيرت الابلتين ولا تغير شي..

وكشفت عليه بالكمبيوتر ولا بان لنا فيه اي عله..

السيارة لا رفعت ولا ترفع حرارة ولا فيها اي عيب يذكر...

وش الحل يا اهل الخبرة..

؟؟؟؟؟

[SGL]

غيرت الصفايه أنا ماقول هي بس نفس الحركه بهايلكس وطلعت الصفايه

[الدليقان]

الكتاوت مايوصل كهرب افحصه وناظر

[قروب عسول]

اذا سيارتك ديلكو فالمشكله باذن واحد احد من حساس الديلكو

افتح مسامير غطاء الديلكو راح تحصل صحن دائري اسود مع فيشه اشتر جديد وركبه وشوف

وباذن الله يطلع منه

واذا مانفع ولا تغير يصير المشكله من الديلكو نفسه
وتاكد بعد من مسامير الديلكو اللي تجي تحت الديلكو اللي تمسك الديلكو كامل اذا هي منحله شدها

وباذن الله تنحل

لان هالمشكله كانت معي وعانيت لين قلت بس والحين صرت عارف لها على طوول