صوت تك تك تك والسيارة باردة وإذا سخنت يروح

[Hummer-H2]

السلام عليكم ورحمة الله وبركاته



سيارتي همر H2 موديل 2005 مكينة 6.0 فورتك

نفس مكينة الجموس 2500


ماشي 205 آلاف كم

إذا شغلته الصبح والسيارة بارده يطلع صوت تكتكه لمدة 3 إلى 4 دقائق ثم يختفي تماما بعد ماتحمى السيارة

ضغط الزيت فوق النص بشعره إا السيارة بارده واذا حميت يصير على النص بالضبط

والصوت أسمعه من الجهة اليسرى للمكينة (( جهة السائق )) وأحسه من تحت مو من فوق

وأسمعه بوضوح من عند الكفر الأمامي الأيسر

أما الجهة اليمنى لايوجد صوت أبدا

وش ممكن يكون سبب الصوت ؟؟

القزوز أو التكايات أو غيرها ؟

وهل الوضع عادي ؟

طبعا مثل ماقلت 3 إلى 4 دقائق ويختفي الصوت

والشي الثاني سيارتي ممشاها 205 الاف كيلو
استخدم زيت الترا 7 لزوجة 20 50

وش رايكم استمر عليه ولا اغيره ؟

علما بأني قبل فترة قلت بأجرب 10 30 ولاحظت ان امبير ضغط الزيت نزل بين الربع والنص

ورجعت لـ 20 50 ورجع الامبير للنص مثل أول

ولكم خالص الود والتقدير

[Hummer-H2]

وحبيت أضيف إذا كانت السيارة باردة والصوت موجود ودعست بنزين يروح الصوت إلين يرجع الـrpm لوضعه الطبيعي ويرجع الصوت وإذا احتمت السيارة خلاص يختفي نهائيا

[Bleazr]

اخـوي انا نفس مشكـلـتك بس الموتر بـلـيزر

والـصوت هادي وطقه خفيفه من يومين معاي واليوم اشتغلت لمبة المكينة ؟؟؟

[هواوي بس]

اخوي كان عندي كابرس وفيه نفس الصوت وديته لورشه وسوها لي والي غيرته اتكيات والنجزير واشدادت وطرمبة ازيت واهم شي تنضيف مجاري الزيت وذا بغيت الوصف وصفته اذا انت في جده وسعره حلو وشغلهم ممتاز اتمني اني افتك وانتضر اراء المختصين ان شاء الله يفيدونك افضل

[ابوفهيدان]

شي عادي وطبييييييييييييييييعي
هذا الزيت يكون ناااازل ولما تشغل السيارة
تسمع صوت الصبابات (طبعا التكايات) تطقق لان الزيت للحين ماوصلها عن طريق الطرمبة
بس لما تدعس يرتفع الزيت ويوصلها ويختفي الصوت
يكثر بالشتاء لان الزيت يبرد ويصير ثقيل الحركة

[ls1.5700]

اضم صوتي لاخوي لابو فهيدان
عادي الوضع كل الجموس والشفرات وغلب السيارت الامريكيه فيها التكتكه
ولا لها ضرر ابد ابد لو تجلس العمر كله بس اهم شي يكون ضغط الطرنبه تمام
اذا كان الامبير على النص وما فوق بش بسيط فالوضع تمام التمام

[العطاوي a511]

هاذا طبيعي وتحصلها بالسيارات اللي توها طالعه من الوكاله

بس في سبب اخر انك حاط زيت ثقيل يخلي الصور يطول لين السياره تحمى اذا مكينتك نظيفه حط الزيت الموصى به من الوكاله وعاده يكون خفيف

[شاووش]

سبق وجاني نفس الصوت لما سافرت لمنطقه بارده ..
وسالت قريبي يقول انها من الصبابات وهذا شيء طبيعي ومامنه ضرر

[ابوراكان تبوك]

مع اني ما لي خبرة في الهمر لاتفك اي شيء اذا كان الصوت ايام الصيف غير موجود واتوقع الزيت ثقيل وهو اللي يسبب صوت البلوف مع انه عادي اغلب السيارات كذا

[العابر2222]

اخوووي السبب طرنمبة الزيت يخف دفعها بسبب ثقل الزيت

والسبب انك تحط زيت ثقيل لموترك ٢٠ / ٣٠

وهذا خطاء

حط زيت ٣٠/٥ او ٣٠/١٠ ورايح يتغير الموتر ويروح الصوت

واذا ما راح معناته الطرنمبة تعبت او فيها تنسيم لازم تغيير

[بدوي جنوبي]

سيارتى 2012 تطلع أنواع الاصوات :)
واعتبره شيئ طبيعي لانك الحديد مع الجو البارد يتقلص
ويحدث فراغات (خلوص ) بين أجزاء المحرك ويطلع الصوت
طبعا من وظائف الزيت الأساسيه انه يقوم بالتزييت وسد الخلوص

فلا تقلق طالما ان المحرك بعد ما يحمى تختفى كل الأصوات .

[بدوي جنوبي]

موضوع قديم ان شاء الله يفيدك :good2:
بحث عن أسباب صوت المكينه عند التشغيل صباحا فقط لاغير (http://www.mekshat.com/vb/showthread.php?t=355694) ‏

[Hummer-H2]

الله يعطيكم العافيه جميع ويطمنكم

أخوي بدوي جنوبي بخصوص الزيت ينفع ارجع لزيت الوكاله 5-30 خصوصا ان السيارة ماشيه 205 الاف كيلو ؟

وأنا سبق اني غيرت 10-30 ونزل ضغط الزيت عن العاده والتغييرة اللي بعدها 20-50 رجع ضغط الزيت طبيعي

[المستحيل277]

افادوك الاخوان مامنه خوف ابدددددددددددددددددد والزيت ايقئ علئ الاول ازين للك

[Hummer-H2]

أخوياني بخصوص الزيت ينفع ارجع لزيت الوكاله 5-30 خصوصا ان السيارة ماشيه 205 الاف كيلو ؟

وأنا سبق اني غيرت 10-30 ونزل ضغط الزيت عن العاده والتغييرة اللي بعدها 20-50 رجع ضغط الزيت طبيعي

[بن الزايد]

اسمعني زيت وطربه شلهم من راسك
سباب الاول بيكون من انسداد في احد الصبابت
الثاني بيكون من صمام بيكون بين قزوزو ماسورة العادم مركب عليه لى صغير به بوابه تفتح وتسكر عند تشغيل

[hawsawi]

كان لدي هذا الصوت في سيارتي الجمس 2003 ولم اهتم به كثيرا

في رحلة قمت بها من جدة الى حقل اضطررت للمبيت في ضبا وفي الصباح عندما شغلت السيارة زاد الصوت بشكل واضح جا ولم يختفي

زرت بعض المهندسين في ضبا وسألتهم عن الصوت قالو عادي هذا صوت التكايات فقلت يا جماعة انا اريد الذهاب الى حقل وهي تبعد حوالي 500 كم فقالو عادي اذهب وانطلقت الى حقلثم بعد بضعة ايام الى تبوك حوالي 200 كم وفي تبوك زرت الناعية وذهبت الى ثلاثة ورش مختلفة واجمعوا على انالصوت صوت تكايات ويمكن يغيروها اذا تركت السيارة وعدت لها غدا

فقلت انا غدا اريد الذهاب الى جدة فهل يمكنني السير بها الى جدة فقالوا نعم
وهكذا انطلقت الى العلا وذهبت الى مدائن صالح ثم منها الى المدينة وبعد بضعة ايام في المدينة عدت الى جدة

ثم قضيت حوالي خمسة اشهر نعم خكسة اشهر او اكثر وانا استخدم السيارة للدوام والذهاب الى مكة او الطائف ولكن الصوت ازداد واصبح مزعجا للآخرين فكلا يسألني ايش هذا الصوت انتبه السيارة ستخبط

عندها بحث بسؤال الزملاء عن افضل ورشة وانا استعد لدفه ما يتطلبه الامر من مال

فدلني احد الزملاء الى ورشة وبعد الكشف قال هذا صوت تكايات والعملية تحتاج الى تغيير طربة الزيت

فقلت اصلح السيارة بارك الله فيك واي خراب آخر تجده فاصلحه غفال اذا اوقف السيارة وغدا نشتغل فيها فقلت اسمح لي ان احضرها في وقت متأخر من الليل لاني احتاجها اليوم فقال وهو كذلك واعطيته المفتاح الاحتياطي واحضرتها آخر الليل والورشة مغلقة وذهبت وفي اليوم التالي بعد العشاء اتصل بي المهندس وقال تعال خذ سيارتك

ومن حينها وانا احس انني راكب سيارة جديدة وحتى الآن

قصة جميلة وطويلة

اتمنى ان يوفقك الله في مهندس يصلح ما بسيارتك وباقل التكاليف

[بدوي جنوبي]

خلك على نفس الزيت أفضل طالما ان الضغط مناسب

[saudisale1]

أخي ابن الزايد الله لايهينك الصمام اللي عند القزوز ممكن معلومات اكثر منه ؟؟
أنا قرأت في مواقع أجنبية انه ممكن يسبب صوت الطقطقة وبما إن عندك معلومة ودنا الله يسلمك تفيدنا والله يعطيك العافية هل هو مسبب للطقطقة على طول ؟ ولا بس والسيارة باردة عند بداية التشغيل وبعدين يروح الصوت ؟
وهل تقصد فيه انه صمام ال EGR ؟ ولا واحد ثاني وهل هو موجود في اليوكون دينالي علما ان مكينته 6.2 ؟
وجزاك الله خير والله يوفقك .
ولصاحب الموضوع أقول أتمنى لك التوفيق من كل قلبي .

[بن الزايد]

جميع الناس تغير 5\30 ب10\30
الاول ما ينفع في سعودية لان منطقة حاره وهو مخصاص للمناطق دون صفر
10-30 زين خفيف ويسحب الكربون العالق من نتيجات الحتراق
20 -50 مع مروار ساعة تشغيل تضعف البساتم تزيد حرارة المحرك في الصيف
جرب w20-30

[عبدالله العمرو]

مع التحية للجميع :

هذا صوت بلوف فاتحة وصبابات لأن الزيت إذا ارتفع اختفى الصوت بينما
يظهر الصوت اول ما تشغل لأن الزيت مترسب في الكارتير ..

ولأنها بعد ما تسخن يحصل تمدد بسيط فيها فتملأ الفراغ ويختفي الصوت ...


تحياتي

[بن الزايد]

أخي ابن الزايد الله لايهينك الصمام اللي عند القزوز ممكن معلومات اكثر منه ؟؟
أنا قرأت في مواقع أجنبية انه ممكن يسبب صوت الطقطقة وبما إن عندك معلومة ودنا الله يسلمك تفيدنا والله يعطيك العافية هل هو مسبب للطقطقة على طول ؟ ولا بس والسيارة باردة عند بداية التشغيل وبعدين يروح الصوت ؟
وهل تقصد فيه انه صمام ال EGR ؟ ولا واحد ثاني وهل هو موجود في اليوكون دينالي علما ان مكينته 6.2 ؟
وجزاك الله خير والله يوفقك .
ولصاحب الموضوع أقول أتمنى لك التوفيق من كل قلبي .
تم صنع الصمام للمناطق الباره مثل بلف الحراره تبريد يعمل بعكس تبريد يمتص الهواء الحار وتجد به ماصوره تصب في ثلاجه يمزجه بهواء البارد كي لا ينكسر سلندر او جزى من المحرك في مرحل سرعه المركبه في الثلوج يتحكم خروج العادم من المحرك
لما يكون ظعيف تنحشر الكربون في قز الايمن او الايسر وتضعف عمليت تنفيس وتصبح البلوف تضرب من جه عن الجه الاخرى
مثل هذا
http://static2.apwcontent.com/images/product_images/thumbs_100/standard/S7/siegv601_1.jpg
جميع المركبات موجود فيها

[بن الزايد]

تم صنع الصمام للمناطق الباره مثل بلف الحراره تبريد يعمل بعكس تبريد يمتص الهواء الحار وتجد به ماصوره تصب في ثلاجه يمزجه بهواء البارد كي لا ينكسر سلندر او جزى من المحرك في مرحل سرعه المركبه في الثلوج يتحكم خروج العادم من المحرك
لما يكون ظعيف تنحشر الكربون في قز الايمن او الايسر وتضعف عمليت تنفيس وتصبح البلوف تضرب من جه عن الجه الاخرى
مثل هذا
http://static2.apwcontent.com/images/product_images/thumbs_100/standard/S7/siegv601_1.jpg
جميع المركبات موجود فيها

اما اليوكن فوق 2006 يوجد وجه وماصورة بين قز وثلاجه
يتغير الوجه وتنظف الماصورة

[saudisale1]

أخي بن الزايد ألف شكر على المعلومة وجزاك الله خيررر ..
وفعلا هو موجودبالسيارات بس احيانا تختلف مسمياته او تقنيته ..
هو باليوكون اسمه pcv valave والتقنية تختلف عن التقنية القديمة حسب مافهمت من اخونا أصيل حجازي ..
والله يعيني احصل ميكانيكي يفهم بهالشغلات علشان انظفه ..
بيض الله وجهك وماقصرت والله يوفقك .

[Legen]

بالنسبه للصوت يا إخوان تراه مو ذاك الشي اللي يفجع كل الموضوع في الاقزوز وبالاصح في وجه الاقزوز اللي بالجهه اليسار. وفي خيارين الأول شراء وجه اقزوز جديد وتركيبه وبيختفي الصوت تماماً أما الحل الثاني استخدام نفس وجه الاقزوز بس تركيبه بالمقلوب اي بالجهه العكسيه له لان أصلا سبب الصوت هوا التواء بسيط في وجه الاقزوز والمموضوع بسيط وما يكلف ولا يخوف ولا ينضحك عليكم دعاويكم

[هاوي ترهيم]

السلام عليكم اخوي

المشكله تكايات وغالبا ما منه ضرر
لاكن استغرب من وضع الاعضاء يقولون طبيعي !!
ما فيه مشاكل صح لاكن مب طبيعي لو تغير التكايات يروح الصوت مثل وكالته ..

وسلامي .. هاوي ترهيم

[هاوي ترهيم]

وفيه احتمال لو تفك الروس وتنظف الاسياخ والتكايات يروح الصوت تماما (ممكن يكون فيه سدد بسيط)


ونصيحتي خل الموتر لا تفك شي الا اذا قوا الصوت مره وصار حتى بعد مايحتمي يطلع

هنا غير تكاياته باصلي ..