خيمة البيرق للخبراء ؟؟

[الكامن]

السلام عليكم ورحمة الله وبركاته
إغاث الله قلوبنا وقلوبكم بالإيمان كما أغاث بلادنا بالأمطار
لدي أيها الفضلاء خيمة القاضي البيرق
بصراحه حلوه ووذفه وخفيفه وسهلة البناء ...الخ
لكن بصراحه فيها عذروب غاثني جدا
الأرضية البلاستيك المدمجه مع الخيمة !!
هل استطيع قطعها والتخلص منها أم أن الخيمة تقوم تقنيتها على الارضية ؟؟
مع الشكر المسبق لكل من سيساعدني

[web]

والله مادري وانا خوك بس انا اشوف انها من مميزات الخيمه
الماء مايوصل للفرشات وقت المطر .

وفي اعتقادي انها تجي لان السبت الي تتثبت بلاوتاد بالارض ماهي مع الارضيه هي مع الخيمه نفسها واذا مخربها مخربها وناوي تقص خل فيه زود داخل الخيمه مع الاطراف زود من البلاستك شبر او اقل شوي

[الكامن]

الله يرضى عنك دنيا وآخره وبيض الله وجهك على التوجيه
انا اعتقد ايضا مثلك ان الأرضية لها علاقة بالاوتاد :)
لكن اللي غاثني فيها ياطويل العمر انك ماتقدر تشب الضو داخل الخيمة :(
يعني كود معك منقل ومع المنقل يبي لك تحته شي يوقيه من الحراره :(

[ابولولو]

اخوى مميزات الارضيه تحميك من الرطوبه والمطر وتساعدك على الدفاء

شى ثانى تقدر تقص حوالى متر وتخليه للشبه وقصه من 3 جهات فقط علان اذا قظيت شبه ترجعه مكانه

[web]

الله يرضى عنك دنيا وآخره وبيض الله وجهك على التوجيه
انا اعتقد ايضا مثلك ان الأرضية لها علاقة بالاوتاد :)
لكن اللي غاثني فيها ياطويل العمر انك ماتقدر تشب الضو داخل الخيمة :(
يعني كود معك منقل ومع المنقل يبي لك تحته شي يوقيه من الحراره :(

بس !! هذي المشكله بشبت الضو !!

الان الموجود من خيام البيرق فيه فتحه لشبت الضو
تبي نصيحتي !! لاتخرب الارضيه رح لم القاضي او شفلك احد عنده من خيامهم الجديده الي فيها فتحه لضو وصلح مثلها وترا سهله ماتعووق

اتوقع نص متر في نص متر قصه مع ثلاث جهات والجهه الرابعه اتركه لانك تبي تصفطه وركب ( والله مدري وش اسمه ) الظاهر اللزيق نفس طريقة الابواب بحيث اذا خلصت سكره
وصلت الفكره !! ولا الله يعيننا نفك الخيمه ونصوره لك :)

[uaest]

السلام عليكم

البلاستيك مهم جدا لميزانية الخيمة وقت التركيب

بس انا لما اشب النار تحت مضلة يذبحني الدخان مش متخيل كيف بيكون الدخان في خيمة


Sent from my Galaxy Nexus using Tapatalk 2

[غازي الاسمري]

بسيطة يا ذيبان

خذ خيمتك ورح الغرابي
وشف لك خياط فاهم ،،،
( الله يعينك بتتعب الين تحصل واحد ، كلهم يقولون لك مشغولين )
تعرف زحمة الشتاء ، رواقات و فرشات و مدات و اكياس نوم ..

رح واشرح له القصه

وخله يقص الارضيه ،،،
ويخلي بس حق ٥ سم
الـ ٥ سانتيمتر هذي ،،، ركب عليها لزاق ،، و الارضيه حقت الخيمه يزيد عليها هو بطريقته ،، اهم شي يزبطها
ويركب عليها الوجه الثاني للزاق ،،

وتصير الارضيه تنفك و تتركب ،،، لاكن احرص على اللزاق يكون نوع قوي و جييييد

لاكن نصيحة ،، البيرق عمودها فالوسط ،،، عشان كذا ما راح تستفيد من فك الارضيه !! يعني ما بتستفيد اذا بتخلي الارضيه تنفك و تتركب

لاكن انا اشوف انك تحط مكان حق شب ضو ،، يعني حول فتحت التنظيف ،،، تروح للخياط وتخليه يكبر فتحت التنظيف ،، بحيث تشب الضو فيها ،،

لاكن احرص تسوي فتحه تهويه علويه فالخيمه فوق فتحت شب الضو
عشان الدخان ،،

اتمنى الفكرة وصلت لك ،، و فالك التوفيييق ..

[علي العساف]

انا عندي خيمة فيها مكان للنار
بعدين نصيحه لا تقصها امس كاشتين يوم فكينا الخيمة
والله كل الارض رطبة ومويه ولا جاء الفرشات والفرش اي نقطة ماء
بالاضافة الى انها انظف للفرشات و الاغراض