لاهــــل الـــــخـــبره تــكــفوووووون الفزعه

[lowly]

موتري باترول كلبليتر 96 عيبه الصبح لاجيت اشغله والجو بارد مايشتغل الا بعد معانااااة .... ومع الدعس للبنزين ودق السلف يشتغل .. لكني تقل بيطفى ويقعد دقيقتين ويصفى .. وش الحل مع المشكله ذي ؟ وجزاكم الله كل خير

[SGL]

والله أللحين أغلب سياراتنا مثلك مع البرد بس أذا دعسته واطيه أرفع فيها شوي وذا ماظبط أذا بنزينك أخضر حول على الاحمر وشيك على البواجي

[lowly]

اعبي بنزين احمر ..لكن هب فيني الصبح لاجيت اشغله لازم ادعدس للبنزين وادق سلف ويقوم لكن لو ارفع رجلي يطفى .. مشكله صراحه

[SGL]

طيب كيف بواجيه ودعسته نازله ولا مظبوطه خلها تحت الواحد على قد الخط اللي تحت الواحدأو تحت الخط بشوي

[lowly]

دعسته يلبى قلبك تحت خط الواحد بشوي .. دعسته زينه بالحيل .. عيبه بس لاجا الصبح يضيق صدري

[SGL]

طيب في حلين الاولى تدعس دعسه قبل ماتشغله وتشغل بعدها تخله ينفض شوي وبعدها يصفى والحل الثاني في قطعه سودا راكبه ورا الكربريتر نسميها السخانه أو الحمايه رح سويها أوغيرها وترتاح تخليه أول مايشتغل صوته عالي كنك داعسله طبعا تكون قبلها معطيه دعسه خفيف وأول مايسخن تفصل من حالها

[lowly]

في قطعه سودا راكبه ورا الكربريتر نسميها السخانه أو الحمايه رح سويها أوغيرها وترتاح تخليه أول مايشتغل صوته عالي كنك داعسله طبعا تكون قبلها معطيه دعسه خفيف وأول مايسخن تفصل من حالها هذي وين احصلها من وين اشتري الحماي وهل الحماي القاه بالوكاله ؟

[SGL]

والله سمعت أنه ينباع لحاله باالوكاله بس شوف اللي عندك أمكن مفصول سلكه يمكن شغال أو يبغاله وزن رح أي مكنيكي وقله شوفه لي شغال ولا

[lowly]

جزاك الله خير اخوي ماقصرت .. وشاكر تفاعلك يالغالي .. بوديه لميكانيكي يشوفه لي وان شاء الله يزبط معاي

[SGL]

أنشاء الله يظبط وروح وقلبي داعيلك

[ابوسند9]

اخوي ما ازيد على كلام اخونا sgl
لكن قبل تشغل وخاصه بالشتاء لازم تدعس بانزين للاخر اكرر للاخر قبل التشغيل والدعس شي بسيط ما راح تستفيد
والقطعه البلاستيك اللي تتكلمون عنها على ما اعتقد لونها ابيض وبجانب الكبليتر
ومهمتها انك لما تدعس للاخر تسكر لهات الهواء الخارجي وبعد ما ترتفع الحراره ترجع من نفسها او تدعس تدعسه خفيفه اذا حسيت ان السياره ارتفعت الحراره
وتقدر تشيك عليها بنفسك وتفرها بيدك وتشغل
لكن غالبا تنكسر واحينا تكون تحتاج بخاخ تنظيف