مالحل مع دودة الهايلوكس؟؟؟

[ابو ناصر2011]

مساكم الله بالخير...

معي هايلوكس 2008 خربت علي الطرمبه حقت الدركسون وغيرتها تشليح

بعدين خربت ثانية وصارت الدوده تهرب زيت وكلنا يعرف ان الهايلوكسات من 2006

وفوق الدوده تجي طولية يعني تختلف عن اللي قبل والمشكلة ان الوكاله غاليه بالحيل

فوق ال3000 والطرمبة كذلك بالف وشوي وقالي كم واحد انك لو غيرتها وكاله بترجع

عليك وتخرب لانها المنيوم


المهم ناس اقترحو علي ارهم لها حقت جيب وناس قالولي خل الطاره عادي يعني

ماتصير هواء واعجبتني هالفكرة لاكن قلت ابشوف اخواني اعضاء مكشات يمكن

عندهم علم ثاني واسف على الاطاله وشكرااااا..

[SGL]

لو قلبتها عايدي راح تصير ثقيله

[ابو ناصر2011]

طيب وش الحل ؟؟؟؟؟؟

[SGL]

روح جرب مثله طاره عايدي أذا أعجبتك سويها وبخصوص التهريب شكلك تحط زيت من الخايس والتهريب هذا من الصوف خذلها أصلاح ورح واحد خبره فيها وخله يسويها أو محلات الهدروليك أسمع فيها باالرياض

[محمدعبدالمجيد]

ودها عند الناس اللي توضب طرمبات (مختصين الهيدروليك) ووضبها ركب لها طقم اصلاح
فيه كل الصوف والربلات وووو إلخ مكن تحتاج مخرطة اذا كان العمود فيه شموخ
شغل اليد حوالي 300 ريال ويعطونك ضمان على الشغل بعد
ونصيحة ابعد عن اليمنيين والسواريه لان النصابين منهم كثير شوف لك هندي او فلبيني يضبط لك الشغل وقبل لا يشتغل بالسيارة جبله بيربيكان خله يمخمخ هههههههههههه يعني ادهن سيره

[SGL]

نسيت ماأقولك يوم تفكها الدوده قبل فكها خلي الطاره مقفله أنتبه لاتنساها

[ابو ناصر2011]

الله لايهينكم لاكن الرياض بعيده علي ماتخبرون ورشة بالقصيم تضبطها لي

افزعولي الموتر يخر زيت مهب سهل

[الصقرmom]

فيه ورشة ببريدة تعاملت معه ..صلحت عنده دودة أكورد و ضبطت و صلحت عنده جيب جي أكس بعد ..صراحة شغله مضبوط ..ورشة يوسف السلمي ..بريده .. حي خضيراء ..

[ابو ناصر2011]

فيه ورشة ببريدة تعاملت معه ..صلحت عنده دودة أكورد و ضبطت و صلحت عنده جيب جي أكس بعد ..صراحة شغله مضبوط ..ورشة يوسف السلمي ..بريده .. حي خضيراء ..


بس ترى دوده الهايلوكسات من 2006 وفوق تختلف..طيب ماعندك لهم رقم ولا وصف

اذا ماعليك امر..

[ددسن2005]

اتوقع ان مالك الا الجديده .لاكن انشالله الاخوان يفيدون مايقصرون