المساعد الشخصي الرقمي

مشاهدة النسخة كاملة : ابو سالم الليلة جمدة وش السوات مع هالبرد ......... حله ( المزيدي ) .. الحل ( طربوش )


صقر السديرات
27/12/2012, 11:43 PM
السلام عليكم ورحمة الله وبركاته
لتحريك الدماء في العروق اليكم التالي

ابوسالم الليلة جمدة=وش السوات مع هالبرد
اشب ناري والناس خمدة=واجمع افكار غدن شرد
ورعن يبي سيف من غمده=والا من يريحه بفرد
اخره رئيس فات لدولة=واوله يمرد الحيا مرد

وسلامتكم
صقر السديرات
خيمة الالغاز م
مكشات
ابو فيصل
من العاصمة
الرياض
المزيدي4
27/12/2012, 11:50 PM
هلا مليون بالعمدة
هلا مليون وازود
هبوب البرد مشتده
تبي طربوش قبل ترقد
والا سافر لجدة
على الساحل يخف البرد
وابو سالم راعي المدة
ويستاهل وهو ينعد
صح لسانك الرمعة : طربوش
جهز لي غار في ضلعنا المحبوب ويكون صاد من البرد !
صقر السديرات
28/12/2012, 12:21 AM
بيض الله وجهك يا ابو سعد
كفو كفو كفو كفو
نعم
طربوش
دمت بخير
المزيدي4
28/12/2012, 12:26 AM
بيض الله وجهك يا ابو سعد
كفو كفو كفو كفو
نعم
طربوش
دمت بخير

وجهك أبيض
يا أبو فيصل
وكفوك الطيب
وشرف لي حل لغز لمبدع ألغاز مثلك

دمت محبوبا للجميع
ابوماريا
28/12/2012, 04:40 AM
سلمت ياصقر على اللغز الرائع
وابو سالم كفووو ويستاهل

وكفوووووو يابو سعد على الحل
المزيدي4
28/12/2012, 01:34 PM
سلمت ياصقر على اللغز الرائع
وابو سالم كفووو ويستاهل

وكفوووووو يابو سعد على الحل


كفوك الطيب يا أبو فايز
الله يرفع قدرك ويسعد قلبك
النبهاني
28/12/2012, 02:44 PM
صح لسانك يابو فيصل
والله يرفع قدرك
وصح لسانك يابو سعد وكفو
وسلمت يابو فايز ولاهنت
بيض الله وجيهكم جميع