نقاط ماء داخل غطاء زيت المحرك ..!!!!

[مغلي]

امس ... ولعت لمبة كمبيوتر اليوكن 2002 بالطبلون ... وتقول ان مستوى الزيت منخفض ..!!!! ... ( انا مهمل شوي ... يمكن مر عليه 3 او 6 شهور ماغيرته ...لأنه معي سياره غيره ... وهو مع ولدي يروح به للمدرسه)
.
.
وعلى طول لبقت بمحطه لتغيير الزيت ... ولما عايرته حصلت الزيت بطرف العيار ولم يصل للشبك حق العيار
.
والغريب بالامر ... لما جا العامل يعبي الزيت الجديد ... حصل نقاط ماء صافي داخل غطاء غيار الزيت ... وارضية الغطاء مصديه... صار لونها بني


http://www.mstaml.com/imagesData/i134564805943420045.jpg


http://img.alibaba.com/photo/537171716/engine_oil_caps_for_performance_car.jpg


فالعامل خوفني وقال يبيله توضيب ..؟؟؟؟

ونادى الفني بالورشه وسالناه وشاف نقط الماء وقال ... لا... مدام انه ماخلط الزيت بالماء ... فلسه المحرك زين ... والمشكله يمكن من وجه الراس او الثلاجه ... فقط

فهل امور المحرك .. زينه ولا خطيره ... الان

[عبقري91]

ان شاء الله سهله ياوجه يامبرد الزيت فيه تنديه او تبخير
او يمكن غسل السياره والعيار تعبان ودخل مويه
لاكن شف غطا ارديتر اذا عليه زي الرغوه معناته خالط من الاسباب الي ذكرتها وانشالله الامر هين

[مغلي]

http://www.mekshat.com/pix/upload05/images249/mk50190_66665gg.jpg

هذي صوره للغطا بعد مشوار ساعه

الغريب بالامر الان ... ان امبير ضغط الزيت صار تحت النص ويهتز بكثره ... ولما ادعس وامشي يثبت بالنص

نقاط الماء صافيه ولم تختلط بالزيت

[صدى الاطلال]

هذا بخار ماء من الحرارة
عادي ان شاء الله

[بدوي جنوبي]

لازم تودى السياره الورشه بسطحه
ويكشوفو على جميع الطبات وعلى مبرد زيت المحرك ان وجد

أذا طلعت الطبات سليمه ممكن يكون من وجه راس السلندر متآكل ويحتاج تغيير
وسببه الماء العادى

[عبقري91]

هذا غطا المكينه او غطا الرديتر

[مغلي]

^
^
هذا غطاء الزيت حق المحرك

[التمسساح]

ياخوي خذ العلم هذا من وجه الثلاجه

[مغلي]

وجه الثلاجه
او
وجه الراس
.
.
بعدين امس واليوم امبير ضغط الزيت مهوب عاجبني ... يلعب ويهتز بقوه وتحت النص الى الربع ... ولما امشي وادعس بنزين والسرعه تصل 120 كم ... ضغط الزيت بالكاد يثبت بالنص ... بينما قبل شهر يثبت عند 3\4

[عبقري91]

انت برياض برسلك لواحد عنده فحص ويطلع لك المشكله وين حتى لو الغطا خربان يطلعه

[م.العبيدي]

السلام عليكم ورحمة الله
هذى التندية من وجة الثلاجة وقد صارت لي في سيارتي اليوكن . ...

[عبقري91]

بصناعيه القديمه يقاله دكتور حراره رجال شامي كبير بسن ومعروف هناك
خذ الوصف انت جاي من الشمال مت جهت ملعب الملز لين تجيك اشارة الصناعيه الي تحت الكبري اطلع يسار مع طريق الامير سلمان (طريق المدينة مخرج١٧) المهم طلعنا يسار لين تجيك الاشارة حقت قطع الغيار او شارع الصبات سنها الي تبي اذا طلعنا يمين اول لفه او ثاني لفه على يمينك خشها بتحصله يمينك علمه مشكلتك وانشالله تلقي الحل عنده

[مغلي]

شكرا لك يالعبقري ... انا بالرياض ... وان شاء الله امره

[مغلي]

السلام عليكم ورحمة الله
هذى التندية من وجة الثلاجة وقد صارت لي في سيارتي اليوكن . ...


وعليكم السلام


كيف حليت المشكله ... وهل فيها خطوره لو اهملت تصليحها شهر او شهرين

[سلسيف]

اخوي شيك اول شي على مبرد الزيت او الوجه حق مبرد الزيت اللي يجي تحت السيفون مباشره لان المويه تدخل عن طريق مبرد الزيت على المكينه .

[التمسساح]

اخوي شيك اول شي على مبرد الزيت او الوجه حق مبرد الزيت اللي يجي تحت السيفون مباشره لان المويه تدخل عن طريق مبرد الزيت على المكينه .
مبرد الزيت يسبب خلط المويه مع الزيت انا اذا كان تبخير في الغطاء فقط يكون من وجه الثلاجه

[مغلي]

الحاله الي عندي ... فقط نقاط مويه صاااافيه جدا في الغطاء من الداخل
.
.
والزيت طبيعي لونه ... ومقاس لزوجة الزيت 10-30 بترومين

[مغلي]

مبرد الزيت يسبب خلط المويه مع الزيت انا اذا كان تبخير في الغطاء فقط يكون من وجه الثلاجه




لو صار خلط بينهم ... راح يتحول لون الزيت الى اللون الحليبي

بينما ولله الحمد ... الزيت عندي الان لونه طبيعي

ونقاط الماء صافيه جدا داخل الغطاء حق الزيت

http://www.mekshat.com/pix/upload05/images249/mk50190_66665gg.jpg

[التمسساح]

ياخوي انت شكلك تبي تسولف من يومين قلنا لك من وجه الثلاجه بس انت ماتيبي تقتنع وانت بنفسك تقول ان الميكانيكي قالك من وجه الثلاجه

[مغلي]

اخوي التمساح

الموضوع مهوب سواليف

انا مابي تكون سيارتي حقل تجارب يمكن ويمكن ويمكن ... ابغى ... كلام واحد واثق وفني ممتاز ... وخبير ... ومجرب

فالى الان والكل يقول يمكن ويمكن ... وهذي سمعتها من كذا ورشه والفني بالورشه قال لي يمكن وجه الثلاجه ويمكن الراس ... ولو دخلته عندهم يمكن يلعبون فيه ؟؟؟




ارجوا ان كلامي مايزعلك

[عبقري91]

الله يسهل امرك الاحتمالات كثيره
وقلتلك رح للورشة الي ذكرت لك
انت الخراب داخلي
ثلاجه وجهيه طبات مبرد يعني كل واحد مرت عليه مله زي كذا
محد يقدر يعطيك الاكيد

[التمسساح]

لو من الرأس او من مبرد الزيت راح يخلط الزيت مع المويه اما اذا كان بس نقاط مويه على الغطاء فهذي من وجه الثلاجه اتمنا انها وصلت المعلومه وانت حر

[ابوعقيل81]

علمنا بالنتيجة :D

[فضل محرز]

عندي نيسان سيدرك 2000 ، واعاني من نفس المشكلة لو يفيدنا صاحب المقالة وش كان الحل اللي توصل له وكيف عالج المشكلة .
يجزاه خير .