النبهاني
28/12/2012, 08:55 PM
بسم الله الرحمن الرحيم
السلام عليكم ورحمة الله وبركاته
حياكم الله يالمكشاتيه
كنا طلبه في المدرسه السعوديه المتوسطه وما ادراك مالسعوديه المتوسطه صارت فيها سوالف
وهذي منها وهي قديمه فوق 35 سنه كنا شله في ثانيه متوسط وبيوم من الايام وفي الفسحه الكبيره وقدام المقصف معنا طراطيع اللي شكله مدور كبر حبة الحمص تصقعه بالبلاط او بالجدار وتطرطع اظن يسمونها الثوم
فناء المقصف مبلّط كأنه صاله ومفتوح من الجهتين الشرقيه والغربيه المهم الطراطيع هذي مع واحد منا والا تغافل الطلبه حذف وحده بالبلاط وطرطعت والطلبه تلخبطوا وانحاست السروات اللي قدام شبابيك المقصف ورفيقنا على هالطريقه
فيه مدرس حنا هكالوقت نقول عنه ملقوف راح وعلّم الوكيل يوم اخذنا شوي وحنا نشوف الوكيل نازل مع الدرج وعرفنا ان المدرس موصله العلم وجاي يمنا والوكيل شديد ويضرب وهو ولد حاره وعارف حركات الفهلوه ومايفوته شي وهو الشخصيه الاولى بالمدرسه وشلتنا بالقائمه السودا عنده
المهم الطراطيع قضت ومابقت الا وحده مع خوينا وهو يوم شاف الوكيل خاف وعطانياه انا اخذته وبلشت به متحسف لجدعه ومدري وين اوديه المهم قرب الوكيل ومدري وشلون تصرفت وحطيته بذني أيه هي دخلت بذني والهواجيس قامت براسي تدور
واقعد افكر قلت ياولد هالحين لو يصكك الوكيل بمخمس مع الصابر اللي من جهة الاذن الملغمه وش يصير .. كان تنفجر الاذن وتشتب الشوشه واصير فرجه للي يسوى واللي مايسوى المهم وصل الوكيل وقعد يفتر قدام المقصف وعيونه تفتر بوجيهنا وانا حالي ينطبق عليه المثل ..كاد المريب ان يقول خذوني .. صراحه ما انلام اللغم بوسط الراس
الوكيل شك بخمس اشخاص من ضمنهم المريب وطلّعهم على جنب وخذ ياتفتيش انا ماخفت من التفتيش انا خفت من الكف وكل شوي اعطي الوكيل صابري السليم وابعد عنه الصابر الملغم علشان اتحاشا الطامه وحتى ماتجي الطوبه بالمعطوبه
وتمت عملية التفتيش بسلام وبدون كفوف ولله الحمد وبعده ودانا الوكيل لمكتبه واخذ علينا تعهد بمضاعفة العقوبه اذا صدرت منا اية مشاغبه ورحنا للفصل واللغم لم يتم تفجيره وستر الله عليه وعلى حامله
انتهت السالفه غفر الله لنا ولكم
محبكم
النبهاني
السلام عليكم ورحمة الله وبركاته
حياكم الله يالمكشاتيه
كنا طلبه في المدرسه السعوديه المتوسطه وما ادراك مالسعوديه المتوسطه صارت فيها سوالف
وهذي منها وهي قديمه فوق 35 سنه كنا شله في ثانيه متوسط وبيوم من الايام وفي الفسحه الكبيره وقدام المقصف معنا طراطيع اللي شكله مدور كبر حبة الحمص تصقعه بالبلاط او بالجدار وتطرطع اظن يسمونها الثوم
فناء المقصف مبلّط كأنه صاله ومفتوح من الجهتين الشرقيه والغربيه المهم الطراطيع هذي مع واحد منا والا تغافل الطلبه حذف وحده بالبلاط وطرطعت والطلبه تلخبطوا وانحاست السروات اللي قدام شبابيك المقصف ورفيقنا على هالطريقه
فيه مدرس حنا هكالوقت نقول عنه ملقوف راح وعلّم الوكيل يوم اخذنا شوي وحنا نشوف الوكيل نازل مع الدرج وعرفنا ان المدرس موصله العلم وجاي يمنا والوكيل شديد ويضرب وهو ولد حاره وعارف حركات الفهلوه ومايفوته شي وهو الشخصيه الاولى بالمدرسه وشلتنا بالقائمه السودا عنده
المهم الطراطيع قضت ومابقت الا وحده مع خوينا وهو يوم شاف الوكيل خاف وعطانياه انا اخذته وبلشت به متحسف لجدعه ومدري وين اوديه المهم قرب الوكيل ومدري وشلون تصرفت وحطيته بذني أيه هي دخلت بذني والهواجيس قامت براسي تدور
واقعد افكر قلت ياولد هالحين لو يصكك الوكيل بمخمس مع الصابر اللي من جهة الاذن الملغمه وش يصير .. كان تنفجر الاذن وتشتب الشوشه واصير فرجه للي يسوى واللي مايسوى المهم وصل الوكيل وقعد يفتر قدام المقصف وعيونه تفتر بوجيهنا وانا حالي ينطبق عليه المثل ..كاد المريب ان يقول خذوني .. صراحه ما انلام اللغم بوسط الراس
الوكيل شك بخمس اشخاص من ضمنهم المريب وطلّعهم على جنب وخذ ياتفتيش انا ماخفت من التفتيش انا خفت من الكف وكل شوي اعطي الوكيل صابري السليم وابعد عنه الصابر الملغم علشان اتحاشا الطامه وحتى ماتجي الطوبه بالمعطوبه
وتمت عملية التفتيش بسلام وبدون كفوف ولله الحمد وبعده ودانا الوكيل لمكتبه واخذ علينا تعهد بمضاعفة العقوبه اذا صدرت منا اية مشاغبه ورحنا للفصل واللغم لم يتم تفجيره وستر الله عليه وعلى حامله
انتهت السالفه غفر الله لنا ولكم
محبكم
النبهاني