وين تباع الخيام الكويتيه

[قليقلان]

السلام عليكم ورحمة الله وبركاته
يا اخوان فيه مايسمى بالخيام الكويتيه او الصباحية
وين تباع بالشمال وكم سعر ام عمودين ؟؟
وايضا كم سعر ام عمودين غاطين باكستانيه؟؟
ولكم جزيل الشكر

[راعي المطافيل]

الي اعرفه انهم يجيبونهاااااااااااا من الكويت

[قليقلان]

يعطيك العافية ياراعي المطافيل
الخيام صناعه كويتيه
لكن سؤالي اذا لها وكيل بالسعودية
رفحا -الحفر-عرعر-الجوف؟؟؟

[فياض الخير]

أولا خيام الصباح أكثر من مصنع
إذا مالك خبره يبيعونك مقلد صباحي ونوعيه جيدة وأرخص بنسبة بسيطة
أم عموديين مقاسات تبدأمن 2*3 إلى 6*8
وأسعارها من 4000 إلى 12000 حسب أختيارك

وأي خدمة أن تحت الطلب

[صخب]

اووووف تبدا من 4000 ؟؟؟!! والله كثييير

يعطيك العافيه اخوي فياض الخير وماتقصر

شكلي اشوف المستعمل منها

[ابوماجد-1]

على حد علمي واحد من الشباب قبل شهر تقريباً

راح الكويت واشترى عمودين باكستاني الظاهر غاطين

180 دينار

[حائل.]

حائل على طريق المدينه قبل محطة المشعان وانت وجهك للمدينه على يدك اليسار عنده جميع المقاسات والله اعلم والاسعار اعذرن ماعندي خلفيه عنها

[abu-turki2009]

بحفر الباطن على طريق الكويت.ويفيدونك أهل الحفر اكثر

[Xtreme a400]

يوجد في الكويت شركت الصباح وأسعار الخيام عمودين يبدأ من 400 واصعد على حسب المقاس وهي الشركه اللي عليها العلم
ويوجد شركة الصباحيه وهي قريبه للاسم ولذالك الناس تخطئ بينهم وهي اقل من الصباح وتبدأ الاسعار من 180 واصعد وسلامتك

[ســـرحـــان]

السلام عليكم ....
بعد اذن الاداره هذا رقم مصنع الصباح للخيام في منطقه صبحان مقابل المطار 24716950 00965
.. كلم واحد مصري اسمه ابوعادل رجال طيب وراح يفيدك خذ منه العلم مباشره عن القياسات والاسعار واذا في له وكيل في السعودية ...
وعلى فكره خيام الصباح خام باكستاني وتصنع في الكويت في هذا المكان بالتحديد ... ولهم معرض فيه اغلب الخيام منصوبه جنب سوق الجمعه والمشاتل في منطقه الري ... طبعا معروف ان اسعارهم غاليه لكن جودة الخيام ممتازه اذا تم تخزين الخيمه بشكل جيد في حال عدم الاستخدام فانها تعمر معاك ... وجنب معرضهم هذا لك الخيار في معارض اخرى للخيام الباكستانية الجيدة وارخص بالسعر واخص بالذكر خيام (مضحي البصمان) معزوله ومجربة حتى بالمطر اللي جانا الاسبوع اللي فات واللي قبله وكان بكميات وفيره ولله الحمد وماخرت خيامهم وهذا عن تجربة وماتوقعت انها تكون بهالشكل ... بس نصيحة راح تلقى اشكال من الخيام عند المعارض المختلفة ... لا تاخذ الا اللي مجرب سواء اللي نصحتك فيه او احد غيري نصحك فيه ...
واعذروني على الاطاله ....

[قليقلان]

اشهد بالله ان مكشات منتدى الكفووووو
يعطيكم العافيه ياشباب واحد واحد

اخوي سرحان لاهنت على التوضيح واللي راح يستفيد منه الجميع ان شالله

اخوي صخب اذا تبي تدور مستعمل رح تتعب انا قبلك دورت لين دخت
لان ماشا الله اللي يجرب الصباحيه مستحيل يفرط فيها
والزين يستاهل ولك وللزمن

مشكورين جميعا...