المساعد الشخصي الرقمي

مشاهدة النسخة كاملة : كيف تختار خويك للمكشات


&ذيب الحره&
28/08/2006, 03:13 PM
كل واحد يبي يلقى خوي على الدين وهاذي انواعهم


اليا متى ودموع عيني محابيس**لابد منيوم تهامل دموعي

بيض اليالي مقتفيهن معابيس** وماراح لاتطري وراه الرجوعي

مايفيد لو كافحت بعض الهواجيس**يسري على اليل وانا مركاي كوعي

لقيت في بعض المخاوا نواميس**رجال عرف وللمواقف فزوعي

للنار زند وللمساري مقابيس** خوه وتنهضني من محازم ضلوعي

مجالس تعطيك من غير تدريس**علم يسند بك طوال الفروعي

لين الفروخ يخالطن القرانيس**تاخذ طبايعها نهار الطلوعي

ولقيت في بعض المخاوا هداريس**حثال قوم ولاتعرف السنوعي

تشخص نواضرهم على ارخاية الكيس**مستسوره مثل النسور الوقوعي

وفوق الرخامه ياكلون القراطيس**بهايم تاكل وترقد وتوعي

في وقت يضد القرم ويقدر الهيس**وان عودت كل بعقله قنوعي

اللحوسه سلم الوجيه المفاليس**ماهي بسلم لي ولاهي طبوعي

وان شفت مايجلب على الوساويس**سميت باسم الله وهديت روعي
أبو شعلان
03/09/2006, 05:27 PM
بسم الله الرحمن الرحيم

أخوي ذيب الحره ... ألف شكر على القصيده الأكثر من رائعه :good: ... وقصيده جزله بالحيل ...:good:

:confused: وأستغرب عدم الردود :confused:

عموماً لاتبخل علينا بالأحسن ....:good:

,,,,,,,,,,,,,,,,,,,,,,, وتقبل تحياتي ,,,,,,,,,,,,,,,,,,,,,,,,,,
:j
راعي الكرك
03/09/2006, 06:01 PM
السلام عليكم ورحمة الله وبركاته (بيض الله وجهك ) اخوي ذيب الحرة عز الله انك وفيت وكفيت وعزالله انه قصيدة جزلة المعاني وكما ذكرت فيها اصناف الناس والف الف شكر ونطمع بالمزيد
المحدرة
04/09/2006, 12:39 AM
احذر من اللي لاانتهوا منك طفوككككككككك00



.
ولـد الدوادمي
04/09/2006, 12:56 AM
صح السانك والله يكثرنا من امثالك
جرير
04/09/2006, 01:48 PM
بيض الله وجهك وصح لسانك

كفيت وفيت كلام جميل وانت اجمل

الله يرزقنا بالرفيق السنع

وتراهم عمله نادره هالايام

يقول رضا طارف حول الموضوع ابيات جميله




ياسرت في ليلٍ كثير ضبابه

اتبع طريق اللى طريقه يدلك

وجنب عن اللي مثل طبع الزلابه

لو كان بايام الرخا جايزٍ لك

ماهو سليمٍٍ لو ضحك لك بنابه

يقضى بك الحاجة وثم يحبل لك

ورفيقك الصاحي تحمٌل عتابه

خله أليا شان الزمان افزع لك

ولا تستمع لمفرقين القرابه

تكره طويلين الشوارب محلك



الحر مسكانه عوالي هضابه
وابا حقب بارض الطمان ايتدلك
من لاادرك الطولات بأول شبابه
خاب وخسر بالمرجله ما تملك
هاوي الله
04/09/2006, 01:57 PM
صح لسان شاعرها &

والأبيات 9-10-11 جميله جداً جداً والرخوم نعرف إنهم موجودين وكلهم راضين بعقولهم ويحسبون إن مسك وتجميع الفلوس يحسبونها شطاره والمساكين مادروا إنها رخامه لكن نقول الله لايكثرهم &
&ذيب الحره&
05/09/2006, 09:05 AM
اشكركم على الردود على المشاركه مع انها تأخرت شوي ؟؟؟لاكن مايخالف تستاهلون وترقبو مجارات القصيده السابقه لشاعر عاشق الغربه
ابوهديل 8
05/09/2006, 11:04 PM
بيض الله وجهك ياذيب الحره قصيده اكثر من رائعه وتصور الواقع تصوير حقيقي ينبئ عن براعة قائلها.وبهذه المناسبه ارجو من الشاعر يقبل مني هذه الابيات الثلاثه والعذر والسموحه على التأخر في الرد:

ياللي كتبت الشعر قافك على القيس*********وصفت والوصف المقنن يروعي
انشهد انك جبتها بالمقاييس *********واضح ترى وصفك وزايد سطوعي
يالله عسى القايل فداه الحراسيس**********اللي على دروب الرزايا تفوعي

وسلامتكم .
ابوهديل 8
06/09/2006, 01:25 PM
ياذيب علمني واعلمك ياذيب ********الذيب مايترك خويه بمكشات
ابغاك في ردك تجيب المناديب********اللي عليك ارسلتها قطع مرات
وسلامتك
مقدور
06/09/2006, 07:55 PM
صح لسانك ولا تحرمنا جديدك يالغالي

ورد جميل اخوي ابو هديل واستغرب ان ماتحفتنا بقصيدك في مكشات !!؟
ابوهديل 8
07/09/2006, 04:37 AM
بارك الله فيك اخي مقدور ومشكور على مرورك اما بالنسبه للقصيد فابشر بالخير ولو سمحتلي ماشفت ذيب الحره ابطا ماشفناه ولارد علينا عسى المانع خير.
مارشال
07/09/2006, 04:49 AM
صح لسانك وقصيده ............. ممتازه
الصمان
08/09/2006, 10:09 PM
مشكور والله يبيض وجهك ويكثر من امثالك :good:
الساهر1
08/09/2006, 10:27 PM
ابيض وجه ما قصرت الله يعطيك العافيه
مهاجر11
09/09/2006, 10:48 AM
مشكور صح لسان القايل والناقل

عز الله انها في الصميم
نقا هشال
10/09/2006, 02:21 AM
هلابك ياغالي

مرحبا ومسهلا

يعطيك العافيه

وصح لسانك مليوووون
الشــامخ
11/09/2006, 09:41 PM
مجالس تعطيك من غير تدريس**علم يسند بك طوال الفروعي

لين الفروخ يخالطن القرانيس**تاخذ طبايعها نهار الطلوعي








صح لسانك واعتلى شانك وسلمت يمناك ولا عدمناك
سيف كحيلان
04/10/2006, 01:21 PM
ماقصرت وصح الله لسانك

بصراحة في ذا الزمن صارت الرجولة والأخلاق الفاضلة نادره ومعاد تلقى صديق على الكيف وينشد به الظهر في زمن الماديات الا بصعوبة

تحياتي للجميع ؟؟؟؟؟؟؟


سبحان الله وبحمده سبحان الله العظيم
أبوزيد
25/10/2006, 11:22 AM
ماقصرت
عز الله إن كلامك صحيح
وافي الهقوات
26/10/2006, 06:17 AM
صح لسانك

قصيدة رائعة من رائع دوماً

تقبل فائق التحية والتقدير

أخوك وافي القهوات
راعي الهـــدد
26/10/2006, 06:36 AM
بصراحة في ذا الزمن صارت الرجولة والأخلاق الفاضلة نادره ومعاد تلقى صديق على الكيف وينشد به الظهر في زمن الماديات الا بصعوبة



صدقت سيف كحيلان






اخوي الغالي هل انت من قال القصيده او ناقلها عن احد

ارجو التوظيح ونخوك

نريد نعرف صاحب القصيده جعلك تسلم

قصيده جزله وقويه وتحمل معاني كل معاني
كحيلان 11
26/10/2006, 10:26 AM
صح لسانك
جزل ما تجيب غبر الجزل
&ذيب الحره&
28/10/2006, 11:30 AM
كل عام وانتم بخير الله يرزقنا بالسيل
&ذيب الحره&
28/10/2006, 11:31 AM
الى الاخوة الكرام كل عام وانتم بخير وعساكم من عواده انشالله&&& بالنسبه للي يسأل عن القصيدة اعتقد ماكتبت منقول ولا اسم الشاعر معناها القصيده لي والي عنده احد قالها قبلي يقول لأن هالايام سرق القصايد حامي ما أستغرب احد يلطشها عيني عينك وانا صاحبها:d :d