فزعه : ددسن (كلبريتر)

[ابو مقعد511]

السلام عليكم رحمة الله و بركاته
حي الله الجميع كلن بأسمه
ومبروكين الامطار ،،،،
،،،،،،،،،،

السالفه ومافيها عندي الددسن 2001 فالصبح اذا شغلتها بعض الاوقات تشتغل وبعضها ماتشتغل الا بعد عدة محاولات لاكن اذا اشتغلت تعال شف الدخان اسود وابيض وتفتف وتظفي اذا مادعست على الابنص دعسه جامده اخليها خمس الى عشر دقايق وانا داعس لها ،،،،،

واليوم الصبح خليتها ساعه شغاله عشان تحتمي لاكن فيه تفتفه ودخان اسود وابيض :D

استفسرت عن المشكله محد عطاني علم سنع ،،،،

اللي يقول نظف الكلبريتر واللي يقول جلد البلوف ووووو،،،،

مكاني الرياض ،،،،

فا داخل على الله ثم عليكم شوفو لي حل لها ،،،،،

[وطن العزة]

من باب تجربه بالددسن اطلع عليه مشوار وخل رجلك حاره شوي وامش فوق140 ويصفى ان شاء الله

اذا ما ظبط رح لواحد فاهم وخله ينظف لك الكبليتر بدون يفكه ببخاخ ايسدلكو واذا ما نفع

غير إصلاح كبليتر أصلي أذكره بحدود 300 تزود او تنقص + شغل اليد 100 >> بس احرص على واحد فنااااااان في

الكبليتر لأن مو أي واحد يضبطه عشان كذا حرصت في البداية على عدم الفك

وبالنسبة للدخان الأبيض اذا بس بالصباح >> عادي عشان الجو بارد

[SGL]

أول شي لازم تسوي القطعه السوداء حقت التسخين ثاني شي شيك على البواجي وصفاية البنزين ومن ناحية الكربريتر
خذلك علبتين مستوبيشي وحطها باالتانكي مع بنزين نص ومغطه خط والمعلومه هذي من أخوي أصيل حجازي وراح تظبط أمورك أن شاء الله

[ابو مقعد511]

من باب تجربه بالددسن اطلع عليه مشوار وخل رجلك حاره شوي وامش فوق140 ويصفى ان شاء الله

اذا ما ظبط رح لواحد فاهم وخله ينظف لك الكبليتر بدون يفكه ببخاخ ايسدلكو واذا ما نفع

غير إصلاح كبليتر أصلي أذكره بحدود 300 تزود او تنقص + شغل اليد 100 >> بس احرص على واحد فنااااااان في

الكبليتر لأن مو أي واحد يضبطه عشان كذا حرصت في البداية على عدم الفك

وبالنسبة للدخان الأبيض اذا بس بالصباح >> عادي عشان الجو بارد





عمي هل اقدر اسويها بنفسي التنظيف ،،؟؟
،،،،،،،،،

الله يسعدك لاهنت

[ابو مقعد511]

أول شي لازم تسوي القطعه السوداء حقت التسخين ثاني شي شيك على البواجي وصفاية البنزين ومن ناحية الكربريتر
خذلك علبتين مستوبيشي وحطها باالتانكي مع بنزين نص ومغطه خط والمعلومه هذي من أخوي أصيل حجازي وراح تظبط أمورك أن شاء الله


وش هي القطعه ووين محلها ،،،،،


البواجي مالها ثلاث شهور مركبها اما الصفايه <<<ااتوقع البلاء منها


والعلبه اسمها مستوبيشي والا لها اسم ثاني ،،،،؟

والله يجزاك الجنه ولاهنت

[SGL]

القطعه تجي خلف الكربريتر شكلها دائري والمنظف رح شركة مستوبيشي وقلهم عنه علبته حديد حق بخاخات والصفايه غيرها بعد ماتحط المنظف

[ابو مقعد511]

القطعه تجي خلف الكربريتر شكلها دائري والمنظف رح شركة مستوبيشي وقلهم عنه علبته حديد حق بخاخات والصفايه غيرها بعد ماتحط المنظف




الله يجزاك الجنه والحاضرين ،،،،،،


طيب وش رايك احط قاز قريت عنه بالمنتدى وناس قالو لي عنه ،،،،،،،؟

[SGL]

جرب بس أذا مانفع حط من المنظف الي قلتلك عليه والقاز عبي علبت مويه صحه أم ريالين وحطها مع بنزين أحمر 30ريال وذا أخضر20ريال

[ابو مقعد511]

تم وبحمدالله رجوع السياره كما كانت مثل اول صافيه ،،،،

التفتفه والدخان الاسود والابيض راح والعراوي صافي :D
بفضل الله ثم بفضل اخواني
وطن العزة و sgl

ما اقول الا الله يجزاكم الجنه ان شاء الله ويوفقكم لما تحبون وترضون ،،،

،،،،،،،،،،،،،،،،،،

[SGL]

مبروك والله وش سويت حطيت ببسي باالتانكي هههههه

[ابو مقعد511]

مبروك والله وش سويت حطيت ببسي باالتانكي هههههه

الله يبارك فعمرك الله يجزاك بالخير

والله حطيت علبه مستوبيشي وبخاخ اي سي ديلكو علبتين بالكربريتر .

وخليتهها يوم كامل ماشغلته ويوم جيت اشغله يالله يالله يشتغل وينتفض نفض احس المكينه تبا تطيح واحاول فيه الين اشتغل بالقوه وادعس بنزين ويالله يالله يدعس الموتر مكتم المهم وانا ادعس والدخان الابيض مالي الشارع تقل حق البلديات المهم وادعس له الين راح الدخان وامسكه خط واحرقه بالنمره 140 بالثالث. :eek:
اليين صفى والحمد لله ،،،،،،،،،،،

[SGL]

البخاخ ماينفع ماتحط منه الا وقت تفك الكربريتر بس لاكن ترش منه كذا يضر جلد البلوف ويعدم البواجي لاكن مره وحده مايضر بس لاتسويها مره ثانيه وشكرآ على الإفاده

[remz]

السلام عليكم ورحمة الله وبركاته
اخواني عندي مشكله بددسن موديل 2000 كبريتر المشكله هي لما اكون ماسك خط وارفع رجلي عن البنزين وادوس كلتش تطفي وتلوع لمبات الطبلون اازم انتعها على طول واذا ماطفت واذا هديت ورجعت دعست من جديد اسمع صوت ضرب من الشكمان ياليت من يعرف يفيدني مع العلم ان البواجي جديدة نوع تويوتالانهاافضل عزم واذا كنت مخطي افيدوني