امس الضحى عديت راس الوعيرة ...........الحل قبرص ...........حله الرايق

[صقر السديرات]

السلام عليكم ورحمة الله وبركاته

اسعد الله اوقات الجميع بالخيرات


امس الضحى عديت راس الوعيره
مدهال خفاق الجناحين لا زاع
ارسل لابو ماجد اشواق سريعه
تسبح في جو الفضاء مع كل ذعذاع
غطاها السحاب وفراشها الوسيعة
تنصى قرم من خاواه ما ضاع
ابو ماجد وعلمي ابغيك تذيعه
وانشدك فيه عن بنت بمرباع
ان شلت الراس ورد في الشريعة
ذكره وماجور من له كتاع
وان راح الذيل بارض وسيعة
كل من شافه اكيد منه يرتاع

وســـــــــــــــــــــــــــــــــــلامتكم
خيمة الالغاز
مكشات
صقر السديرات
ابوفيصل
الرياض

[تميمي.1]

صح لسانك يابوفيصل
كفو ومسند على كفو
وش رايك في:
نمره
نمر
مره

تحياتي

[صقر السديرات]

صح لسانك يابوفيصل
كفو ومسند على كفو
وش رايك في:
نمره
نمر
مره

تحياتي

هلا وغلا بتميمي
ابرك الساعات
وصح بدنك
وما عليك زود
الرمعة خيرها بغيرها
دمت بخير

[راعي العجراء]

يامعدي المرقاب وقت العصيره = عساك ماتشكي غرابيل ووجاع
عسى خفوقك يستقر عن مطيره = عساه يركد ساعة الحوم شلاع
وكانه غدى ياصاح بالامر خيره = لاتتبع المقفي اليا صار وداع
هذا كلامي ولا قصدت المعيره = قبلك انا ياصقر غادي بالاطماع
ياما غدى من حاج وغدى بعيره = وعود لربعه مكسبه مايجي صاع
ورزقه على اللي ماسجدنا لغيره = اللي جعل بحره لموسى كما القاع

[صقر السديرات]

يامعدي المرقاب وقت العصيره = عساك ماتشكي غرابيل ووجاع


عسى خفوقك يستقر عن مطيره = عساه يركد ساعة الحوم شلاع
وكانه غدى ياصاح بالامر خيره = لاتتبع المقفي اليا صار وداع
هذا كلامي ولا قصدت المعيره = قبلك انا ياصقر غادي بالاطماع
ياما غدى من حاج وغدى بعيره = وعود لربعه مكسبه مايجي صاع
ورزقه على اللي ماسجدنا لغيره = اللي جعل بحره لموسى كما القاع

صح لسانك ابو جلنبو
كحلة اللغز بهالرائعة
لله درك يا راعي العجراء
معلمك عندك مخزون اعظم من ميزانية ذا السنة
ما شاء الله تبارك الله لاتقول ينحت
بس متى الله يا مرك تطلعه
يا شاعر الوجد
دمت نجما لامعا

[راعي العجراء]

صح لسانك ابو جلنبو



كحلة اللغز بهالرائعة
لله درك يا راعي العجراء
معلمك عندك مخزون اعظم من ميزانية ذا السنة
ما شاء الله تبارك الله لاتقول ينحت
بس متى الله يا مرك تطلعه
يا شاعر الوجد


دمت نجما لامعا


صح السانك وصح بدنك
المخزون اللي عندي مايجي ربع ماعندك
نمشي على اثرك ياعمي وجدي

[ابو ماجد 2]

امس الضحى عديت راس الوعيره=
مدهال خفاق الجناحين لا زاع
ارسل لابو ماجد اشواق سريعه=
تسبح في جو الفضاء مع كل ذعذاع
غطاها السحاب وفراشها الوسيعة=
تنصى قرم من خاواه ما ضاع
ابو ماجد وعلمي ابغيك تذيعه=
وانشدك فيه عن بنت بمرباع
ان شلت الراس ورد في الشريعة=
ذكره وماجور من له كتاع
وان راح الذيل بارض وسيعة=
كل من شافه اكيد منه يرتاع

صح لسانك يابو فيصل
رفع الله قدرك بالدارين
جزل من جزل
الف شكر للاسناد
لغز متكتك
لم استوعب كتاع ان كان لايكشف اللغز يالغالي ليتك توضحها
وجدتها بقوقل ( مابالدار كتاع ) اي مابالدار احد وحيرتني زياده

[صقر السديرات]

هلا بك ابو ماجد
كتع يكتع كتعا
اكتعه اي اضربه او افغصة في هالمعاني

[صقر السديرات]

انا ما عاد اشوف ابرقد
وبا كر على خير نستانف
دمتم متلحفين

[ال-رايق]

السلام عليكم /
للتوضيح:
طبعا اسمع اللهجه عندنا من اهل الرياض المحترمين:
قال:
اكتع راسه(تنطق مع حرف سين=اكستعه) يعني اقطع راسه
وشكرا

[ال-رايق]

وصح لسانك
ولاهنت اخي الغالي صقر
ماشاء الله
عدت كما انت وكما طالبتك به ايام زمان الله يذكركم بالخير كلكككككككككككككككم
وكفو لابوماجد ويستاهل
وراع العجرا ماقصر بالمجاراة الفائقة الجودة وعوايده الجزل
------------------------------
الرمعه:
قبرص
برص
قبر
--------------
دمت مشعللا

[صقر السديرات]

وصح لسانك

ولاهنت اخي الغالي صقر
ماشاء الله
عدت كما انت وكما طالبتك به ايام زمان الله يذكركم بالخير كلكككككككككككككككم
وكفو لابوماجد ويستاهل
وراع العجرا ماقصر بالمجاراة الفائقة الجودة وعوايده الجزل
------------------------------
الرمعه:
قبرص
برص
قبر
--------------

دمت مشعللا


ياهلا وغلا بابو مهند طخيمان
اجل عرفته من التستعة
كفو كفو كفو كفو كفو
نعم
هي ما ذكرة
جزيرة قـــبــــرص
وابشر بالشعللة اليوم ودوم
ان شاء الله
بس هي توقف على الفضاوة
ولو بعد الله يهدي ادارة المنتدى
تعطيني مكافأ شهرية يا سلام:D
دمت مبيدا للالغاز

[ابو ماجد 2]

ياهلا وغلا بابو مهند طخيمان
اجل عرفته من التستعة
كفو كفو كفو كفو كفو
نعم
هي ما ذكرة
جزيرة قـــبــــرص
وابشر بالشعللة اليوم ودوم
ان شاء الله
بس هي توقف على الفضاوة
ولو بعد الله يهدي ادارة المنتدى
تعطيني مكافأ شهرية يا سلام:D
دمت مبيدا للالغاز



صح لسانك يالغالي
وصبحك الله بالخير
وصح لسان ابو مهند
وابو مهند ماشاء الله نبي نسميه الكشكول كل لهجة يعرفها
لهجة اهل القصيم ابخص منا فيها . لهجة اهل الرياض احسن منكم . لهجة اهل الجنوب . واهل الشمال واهل الغربيه ملم فيهن
صح لسانك مرة اخرى انت والكشكول

[ال-رايق]

ياهلا وغلا بابو مهند طخيمان
اجل عرفته من التستعة
كفو كفو كفو كفو كفو
نعم
هي ما ذكرة
جزيرة قـــبــــرص
وابشر بالشعللة اليوم ودوم
ان شاء الله
بس هي توقف على الفضاوة
ولو بعد الله يهدي ادارة المنتدى
تعطيني مكافأ شهرية يا سلام:D
دمت مبيدا للالغاز


تسلم تسلم يالغالي
وايه كذا نزود حماس(ابوفيصل عائد بقوة-وانا احل له لغز)
الله يديم الخوة الطيبة للجميع
والمكافأة وانت الصادق تستاهلها ويستاهلونها خويانا,,,لكن مانبي المنتدى يتوقف او يعلق مع اني متأكد ان القائمين جزاهم الله خير باذلين الجهد وزود الله يوفقهم.لكن خفافيش الظلام والتهكير الله يمحاهم مايتوبون.
تحياتي

[ال-رايق]

صح لسانك يالغالي
وصبحك الله بالخير
وصح لسان ابو مهند
وابو مهند ماشاء الله نبي نسميه الكشكول كل لهجة يعرفها
لهجة اهل القصيم ابخص منا فيها . لهجة اهل الرياض احسن منكم . لهجة اهل الجنوب . واهل الشمال واهل الغربيه ملم فيهن
صح لسانك مرة اخرى انت والكشكول



ياااااااااااااااااه
الف شكرا ومرحبا
بالزعيم ومدحه تاج راس
الله يسلم عمرك يابوماجد
وصح كلّك

[المزيدي4]

صح لسانك يا أبو فيصل
وكفووووووو يا رايقنا أبو مهند
الله يزيده من فضله
ولكم تحياتي جميعا