يا شباب خدمة بسيطة

[بيكال الوشم]

السلام عليكم ورحمة الله وبركااته
اسعد الله اوقاتكم بكل خير
يا شباب انا معي بيكال و تعبت من ماصورتها و برودتها
ركبت عليها ماصورة بلجيك هرستال
و ما شاء الله تطرب و تبرد الكبد لكن قالي واحد من الربع ان لها وزن للغاز و تكون افضل من ماهي عليه
هل هذا صحيح يا شباب او لا ؟؟؟
يا ليت احد يفيدني بهالموضوع بأسرع وقت

[a7beck]

ياغالي الغاز ماله شغل

الغاز اذا كنت بترممي ضغوط تغير وزنة الغاز بس عشان تحذف الفارغ لانه اذا ماهو موزون ماتحذف الفشقه وغالبا هي تجي موزونه من المصنع على ضغط 42 ونازل اذا بترمي بضغط اكبر لازم تغير وزنة الغاز

[بيكال الوشم]

يعطيك العافية و ما قصرت

[كابتن غواص]

الله يعطيك خيرها ويكفيك شرها يا رب

[القناص 2012]

السلام عليكم ورحمة الله وبركاته بالنسبه لوزن الغازماله علاقه بحرارة الماصور وأنماء لعملية حذف الفوارغ لان الطلقات تختلف بها جرامات الملح وذالك اذاكان الغاز مفتوح بزياده تصير تلك اي( تعلق )بالقرامات الضعيفه مثل 23ومادونه ولابد انك ترمي بها 32 واقل وتشوف اذا علقت يكون الغاز مفتوح وتشد عليه باتجاه عقارب الساعه دوره كامله وتجرب حتى تزبط الامور وتكون عملية الشد والماصوره مركبه ودن ان تفك
* ملاحظه لا تقفل عليه مره يكسر الترباس (الاجزاء) والله يحفضك ويعطيك خيرها ويكفيك شرها
ولك مني نصيحه حسب خبرتي بالبيكال انك ترجع ماصورة البلد وتركب تشك 690 افضل من الترهيم وتجربها وبتدعيلي

[أبوصالح9]

تبي الشور خذ تشوك 680 امريكي على ماصورة البلد واذكرن بالخير

[الخديوى]

الرجال يقولك رهم وخلص ورميها يطرب ويبرد الكبد وأنت الله يصلحك تقول 690 او 780

[صياد الليل]

تبي الشور خذ تشوك 680 امريكي على ماصورة البلد واذكرن بالخير





وانا بعد اتفق في الرأي مع الاخ / ابوصالح9

رجع ماصورتها الاصليه و ركب تشوك 680
وهذا الشي زين للرمي و ضمان للبندق

وموفق خير أن شاء الله

[بيكال الوشم]

يالربع انا مارهمت الا وانا مجرب ماصورة البلد
رميت بها اكثر من ١٠ صناديق والله فقعت قلبي من برودتها
ارمي الصيدة تطيح و اذا رحت لها طارت و خلتني ماهي مرة ولا مرتين تصير معي
جربت تشوك ٦٦٠ و ٦٨٠ و ٦٩٠ كلها ماصلحت معي ارمي دسته كامله طيار ما يطيح الا ٢ الا ٣ اذا طاحن ميتات بعد
لكن يوم رهمت البلجيك ياخوك ديته وحدة ماراح منها الا ١٠ رصاصات و الباقي مثل الخرقة من السما
للعلم ( القوقسي اللي رميته بالبلجيكية اكثر ارتفاع من مرماي بماصورة البلد ومع ذلك تطيحهن خرقه )

[أبوصالح9]

الصيد ركادة يالغالي

وترى الفشق يلعب دور - والتصويب يلعب دور - ماراح اتكلم عن نفسي لكن فيه كثير من الاعضاء والربع اللي اعرفهم يرمون بالروسية ولا عندهم بأحسن منها صيدهم وافر ورميها طيب-ولولا اختلاف الاذواق لبارت السلع

الترهيم مشاكله واجد -لكن الله يستر علينا وعليك وفالك الدسم

[بيكال الوشم]

جزاك الله خير
لكن الصناعة الروسية للبيكال انا اتوقع مواصيرها ماهي واحدة
يعني تقريباً ١٠ شوازن بيكال ٦ منها مواصيرها طيبة و ٤ مالك سنع فيها ماصورتها ماتسوا ولا ٥٠٠

[RC4]

ويش نوع الماصوره ياغالي بلجيكيه أصيله
والا من المواصير الفرنسيه اللي نازله اليومين هذي

[بيكال الوشم]

والله يا بعدي ياللي تنشد عن الماصورة
فيه احد قال بلجيك و احد قال فرنسية
لكن اقرب مالها فرنسية لأن ماعليها ختوم و لا كتابات طول الفشقه و كم انش و و و إلخ

[الشمروخي]

يالربع انا مارهمت الا وانا مجرب ماصورة البلد
رميت بها اكثر من 10 صناديق والله فقعت قلبي من برودتها
ارمي الصيدة تطيح و اذا رحت لها طارت و خلتني ماهي مرة ولا مرتين تصير معي
جربت تشوك 660 و 680 و 690 كلها ماصلحت معي ارمي دسته كامله طيار ما يطيح الا 2 الا 3 اذا طاحن ميتات بعد
لكن يوم رهمت البلجيك ياخوك ديته وحدة ماراح منها الا 10 رصاصات و الباقي مثل الخرقة من السما
للعلم ( القوقسي اللي رميته بالبلجيكية اكثر ارتفاع من مرماي بماصورة البلد ومع ذلك تطيحهن خرقه )

كلامك صحيح بتشك البلد لاكن تشك 680 غير صحيح واتوقع ان التشك اللي جربته غير 680 او ماعرفت له ولاجربته واجد او ماصورت البيكال حقتك به بلا لاني مجرب 680 مع بلجيك ماصوره 32 مردا. على شينكو نفس بعض وعلى حمام 680 خبال

[بيكال الوشم]

للأسف يا الشمروخي كلامي اللي قلته صحيح و كلمة ماعرفت له هذي صعبه
ماني قبل امس ماسك السلاح ولا قبل شهر
لي ست سنوات ارمي او اكثر لكن للأسف البيكال ماهي كل ماصورة تصير حارة
اغلبها حار لكن انا اتوقع طحت بماصورة باردة
على العموم يعطيك العافية و ما قصرت

[الشمروخي]

للأسف يا الشمروخي كلامي اللي قلته صحيح و كلمة ماعرفت له هذي صعبه
ماني قبل امس ماسك السلاح ولا قبل شهر
لي ست سنوات ارمي او اكثر لكن للأسف البيكال ماهي كل ماصورة تصير حارة
اغلبها حار لكن انا اتوقع طحت بماصورة باردة
على العموم يعطيك العافية و ما قصرت

اسف ماهو مقصد امس او قبل امس وكلامك صح والمواصير توافيق معي ومع ابو صالح نجحت معك مانجحت توافيق