المساعد الشخصي الرقمي

مشاهدة النسخة كاملة : بعد تغيير الجنوط من 16 إلى 17 الدركسون يلف يمين لحاله


الأمير ksa
29/12/2012, 11:58 PM
السلام عليكم

أخواني ركبت جنوط 17 على كراون فكتوريا

و اللي كانوا عليها اول 16

طبعا الجنوط تجارية جديدة لكن الكفرات مستعملة و الوضع مؤقت كم يوم

اللي حصل إني لما اعشق d و امشي الدركسون يحذف يمين ويلف لحاله

مع العلم اللي ركبوها لي ما رصصوا حتى ترصيص عادي يعني بدون ترصيص

و غير كذا هل الاذرعة تحتاج وزن لإنها كانت جنوط 16 و الحين 17
mifleh
30/12/2012, 12:06 AM
حياك الله يا الامير

اول شئ ضروري ترصيص الكفرات ومهم بعد والمفروض ان الترصيص من ضمن التركيب رجعها لهم

الامر الثاني اكيد لازم يشيك على وزن الاذرعه لأنه بتكون موزونه على الحجم الاول ويمكن يصير فيه انحراف عن الوزنيه

اعمل ترصص وشيك على وزن الاذرعه
الأمير ksa
30/12/2012, 12:14 AM
الله يحييك أخوي mifleh

في العادة ارصص عند أي مكان لكن هذا كنت مستعجل و طلعت وقالي رصص أرضي أحسن لك

لكن السيارة ما تنساق الدركسون يلف لحاله و فيها نفس الرجه و الركسون يلف لحاله شوي شوي

لكن على قولتك بدون ترصيص و وزن اذرعة اكيد ما بتكون متوازنة

أي شي يستجد معاي بعطيك خبر
التعـ King ـديل
30/12/2012, 12:16 AM
مر على ميزان المجد بالصناعيه القديمه وامورك طيبه
بن الزايد
30/12/2012, 12:27 AM
اخوي هذا يبغى له وزن مقص علوي يمين جب ميزان البلاط وشف وين الميول وعدله المقص علوي مره المسمار اليسار مره مسمار يمين
ولا توزن الكفر مرفوع عن الارض
الأمير ksa
30/12/2012, 11:24 PM
تم حل المشكلة

طبعا الجنوط جديدة و الكفرات مستعملة وما هي مرصصة

رحت اليوم و اشتريت كفرين جدد ركبتهم قدام و الخلف تركت المستعملة و سوالي ترصيص عادي

والحمد لله رجعت السيارة لا حذفية ولا رجه

والمشكلة من الكفرات الامامية اللي كانت راكبه المستعملة و كذلك الترصيص له دور كبير

و بالنسبة لتجربتي لجنوط 17

السيارة قست شوي مع المطبات و الحفر لكن ثابته ما شاء الله على سرعة 120 طبعا ما تعديت أكثر من كيذا لإني ماني راعي سرعة و ارتفعت السيارة كاملة و الشكل مية المية

ومشكورين على الردود و التجاوب الطيب الله يعطيكم العافية


أجمل تحية ,,