من هالحين اعلمكم اللي ما اقتنع له الخيار انه ما يتفاعل

[دسم الشوارب]

السلام عليكم
ترى الموضوع بسيييييط جداً
وما يستاهل انك تنحاش
الموضوع اسخف من ان يحط له هالمقدمه
أنا أعطيك (س) وانت تعطيني (ج)
خذ :س1: ما كنيتك؟
س2: منذ متى وانت تخرج للبر ؟
س3: ما نوع سيارتك؟ (مع صوره إذا أمكن)
س4: مانوع رحلاتك البريه ؟صيد اوهروب او تطعيس او تمشي اوغيره؟
س5: ماهي أكلتك البريه المفضله؟
س6: ما هو مشروبك المفضل؟
إلى البيت :)
س7: ما هي أكلتك المنزليه المفضله؟
س8: ماهو برنامجك التلفزيوني المفضل ؟ و قناتك التلفزيونية المفضله؟
س9: ماهو حيوانك المدلل؟ >>>>> (اي بالله يالخواجه)
اكرر اللي ما اقتنع له الخيار انه ما يتفاعل
والمسأله ما تتعدى كونها تهدف إلى تقوية أواصر المحبه و الترابط بين البلدين
بين البلدين ! :confused:
عفواً بين الأعضاء :p

[دله وفنجال]

السلام عليكم...
يالله يادسم الشوارب استلم,,,,,
ج1: ابو حسين.
ج2: منذ نعومة اضفاري.
ج3: للخليان باترول 97 والديرة غير.
ج4: رحالاتي مكشاتية لاهيب صيد والامقناص يعني تمشي وتفرج على عجائب خلق الله والاستمتاع بلاجواء الهادئة ...
ج5: اما من ناحيت الاكله البرية فهي اللحيمات حاشي بلكاتم مع اشوي ثوم وحبحر وقرع . وكذلك مطيزيزات والله ياهي اتدفيك بعز الشتاء لاصار معه حبحر حااااار...
ج6:اما من ناحيت المشروب فأنا مقاطع الغازيات ون احتديت فما اشرب منهن الا السفن اما الباقي من المشروبات فلابأس اذا كان حليب ولبن وغيرة(طبعن القهوة والشاهي من الاساسيات)...
ج7:الاكلة المنزلية على حسب لاكن الغداء رز بتأكيد والباقي مايهم الا القرصان فلهذة الاكلة طعم خاص...
ج8:التلفزيون ما ادقق علية كثير ونشفة اخبار الطقس مع حسن كراني ولا ابو عيوني..
ج9:هذا ماله محل عندنا ...
والله اعلم...

[خليف العيد]

بسم الله الرحمن الرحيم
السلام عليكم ورحمة الله وبركاته
شكرا لك اخي دسم الشوارب على هذا الموضوع الجميل
1- ابوسامي
2- منذ الصغر
3- طلعتي للبر ابحث عن الأثار
4- لم اخرج للأكل
5- مشروبي المفضل المويه والقهوة والشاي
6- طبعاً الكبسه والمرقوق
7- التلفزيون اذبحني عند الأخبار قنات الاخباريه والعربيه
8- حيوان في المنزل كثر منها

اخيك ابوسامي



(( الـزلـــــــــ باحث اثارـــــــــــفي ))
اللهم انت الشافي المعافي اشفي اخينا(الباهي)

[مراويح نجد]

:no: :no: :no:



سأجيب علىالبعض فقط :mad: عفوا ;)



ج1/بو فيصل

ج2/ منذو مبطي

ج3/ تايوتا أما نوعها سر(كان تحوس الحي حوس تدورها)

ج4/ ترفيه

ج5/كبست لحم

ج6/ قرقاص

ج8/مكرونه

ج9/لا أشاهد ولا أتابع أي مسلسل أو برنامج ولله الحمد والمنه :no2:

ج10/لا أدلل الحيوانات ولا أربي الهمه أعلى من ذلك ولله الحمد



ج11/ تصدق أنك خفيف الدم

ج12/ عندك دورات في اللكاعه

[دسم الشوارب]

اخوي دله وفنجال : ياهلا ويا مراحب فيك
اجاباتك اكثرها بلا مبالغه كأنك تحكي عني
وهذا واحد يشاركني نفس الاهتمامات تقريباً :good2:
اشكرك لمرورك وتفاعلك
اخوي باحث آثار : ياهلاوغلا ..انت بالذات اعرفك مظبوووووط انت ذلحين صرت من المقربين ;)
وشرفني تفاعلك يالغالي .
ولاتحرمنا من طلاتك الحلوه

[مراويح نجد]

وأنا على الهامش

الشره على الذي يرد على موضوعك:) :D

[كاتم اللهب]

السلام عليكم ورحمة الله وبركاته

تشكر يا اخي دسم الشوارب على الموضوع وجزاك الله خيرا على قدر نيتك

عزيزي ضمار اللهب

:no2: وش جاك يالغالي احسن الظن يمكن اخونا دسم الشوارب نزل الرد في نفس الوقت اللي انت كتبت فيه ردك وعشان كذا مارد عليك

وشف وقت الرد مابينكم الا دقايق .

(لاتعامل أخاك بمثل مايعاملك به , بل كن خيرا منه):good:
هذي الكتابه في توقيعك وياليتك تتحلى بها

لاتزعل مني اخوي ضمار اللهب ترى العائله وحده<<<<<<<<اللهب;)









تقديري........................

[دسم الشوارب]

هلا بك ياضمار اللهب
يا أخي مادريت عنك الا تالي
انت تدري ان مانت برخيص
اشكرك لتفاعلك ولا تقطعني من مداخلاتك ..انت تدري اني ما اقدر اعيش من دونك ;)
ياهلا فيك يا كاتم اللهب
عسى ما يطلع بكره واحد اسمه (كاتم الشوارب) الله يستر
ليش ما جاوبت لاتكون خجول
ياحليلك ياليت ولد عمك ضمار مثلك ..ذاك مير وجهه مغسول بمرقه
عزالله انك هجدته بكلامك وانقلب السحر على الساحر
وين كنت ياكاتم اللهب .عدد مشاركاتك في المئات وانا اول مره اقرا اسمك لامؤاخذه
تشرفت بمرورك وارجو ان تجيب عن الاسئله التسعه لأن هذا هو الهدف منها (التعرف على من يشاركك طباعك و اهتماماتك)

[خليف العيد]

دسم الشوارب
اخوي الكريم تبي الصحيح انا متذبذب
مافهمتك شكلك اقشر في معانيك
لكن يالله
الله يجمعنا في جنات النعيم وجميع المسلمين
ومن احبنا واحببناه
و
قول امين
اخيك
ابوسامي


اللهم انت الشافي المعافي اشفي اخينا (الباهي)

[مدالنظر]

هلااااا وغلااااا بأخوي دسم الشوارب
أبشر يأخوي نبي نجاوب ولاتزعل ولا يصير خاطرك الا طيب

لكن أنت وين أجوبتك ؟؟؟؟؟؟وشلووووون ماجاوبت وانت راعي الفكره !!!!

:confused:

الله لا يهينك يادسم ...حطّ أجوبتك مع ردّك على هالمشاركه...<<<<زررررررب

وهذي اجوبتي طاااال عمرك وبالتفصيل.....

س1: ما كنيتك؟
ج: أبو عبدالعزيز أو أبو(عـزيّـز)>>مافيه مشاكل كله واحد عندي.

س2: منذ متى وانت تخرج للبر ؟

ج: شـــدّ بــلـد :D .


س3: ما نوع سيارتك؟
ج: للـبـرHILUX 2700 ...وللديره والخطوط (فــرخ أبآتــشي);) .

س4: مانوع رحلاتك البريه ؟صيد اوهروب او تطعيس او تمشي اوغيره؟
ج: صيد وتمشي و(أو غيره)كههههه...لكن هروووووب !!! هذي زينه بالحيل كهههههههههههه
من اليوم وطالع أبى أهرب للبر...كهههههه
لكن سين سؤال؟؟؟ لك أنت أخوي دسم؟؟ متى يبدا موسم الهرووووب ؟؟؟؟؟ .

س5: ماهي أكلتك البريه المفضله؟
ج: صـتسـمـيّــة دخيخيلات + قميري (بشاوريه)>>>>متعبه هالطبخه جداً جداً وأبداً .

س6: ما هو مشروبك المفضل؟
ج: والله يارجال مدري بالظبط وش تقصد !!!يعني بالبر ولاّ بالديره ولاّ صيف ولاّ شتاء ولاّ متى؟؟؟؟
حـنّــا طال عمرك ماهنا شي الاّ وله وقت ومناسبه..طبعاً بأستثناء الشاهي والقهوه ..هذولي مايبيلهن مناسبه ولاّ وقت معيّن،طوال السنه وعلى مدار الـ24 ساعه
لكن أبا أقول لك عن مشروب اللي توّي طايحٍ فيه <<<<والله من الطفرات والتصانيف))
الا وهـو الشمبانيا السعوديه وحـطّ خطين وأمسح الثالث تحت السعوديه ..لايروح بالك لغيرهااااااااا:no2:
وهي عباره عن (7آب أو ديـو +ربع حبة تفاح + ربع حبه برتقال+ورقتين نعناع+فــلــج :cool: )
ولو تقدر تحصل من فلج بو صالح ترى أوفق ههههـ:Dـههههه لأن هالعبيله ماتزززبط الاّ مع الفلللللج:good:.

س7: ما هي أكلتك المنزليه المفضله؟
ج: والله أي شي من البيت مفضّل(القناعه كنز لايفنى)<<<الاّ والله بلاك متخوبر من المطاعم

س8: ماهو برنامجك التلفزيوني المفضل ؟
ج: والله يارجال كثرت البرامج والقنوات تخلي الواحد يبتل وهو راااعصن زر الريموت،،مافيه شي معيّن لكن!!
البرنامج الوحيد اللي يشدّني ويجبرني أني أتحررراهـ هو(( ديوانية شعراء النبط))
وخاصّه أذا صارت الحلقه من تقديم الشاعر أحمد العزب<<<ياخي والله انه بطرررررران ذاا العزب(يعطيك)
و قناتك التلفزيونية المفضله؟
ج: بررررررضــوهـ (زررررر الريموت و ما يجيب لك ) .

س9: ماهو حيوانك المدلل؟
هههههههههههههههههههه
ج: والله يارجااااااااااال أنـــا عندي قعود(أشعلٍ أصل وفصل جاني هديه من رجل عزيزعلي) مفروووود من أمّه له تقريباً سنه أو أكثر بشويّ
ومحتااااااار ...مدري أنا أسمّيه،،،، علشان أفحّـله...وأصير طال عمرك من راعين الزمووول
أو أدلـله مثل ماقلت وأجيبله خبز ورودس وعسل
لكنّ التدليل والله أنه زييييييين بالحيييييييل ،،،وخاصّه هالوقت !!!
.واللي أزين منها بعد.....أنك تكرمه وتصخّـــــه من الشعيرررر
3أسابيع
طال عمرك وأجيبه أربعت أرباع للبيت بكترتوووون ثلاجه

مهووووب أوفق !!!

اخوي دسم وشاكرين لك على مواضييييعك الخفيفه والظريفه .....

تحياتي

[دسم الشوارب]

اخوي باحث آثار : لا تظلمني ...انا لست أقشراً
وآمين وجزاك الله خير
اخوي مد النظر : أشكرك لتفاعلك وشرفتني بمرورك
وابشر هذي إجاباتي :
س1: ما كنيتك؟
ج1: ابوسعد
س2: منذ متى وانت تخرج للبر ؟
ج2:اذهب إليه ولو لم أخرج إليه
س3: ما نوع سيارتك؟ (مع صوره إذا أمكن)
ج3: ددسن غمارتين م97
س4: مانوع رحلاتك البريه ؟صيد اوهروب او تطعيس او تمشي اوغيره؟
ج4: سهوًا
س5: ماهي أكلتك البريه المفضله؟
ج5: لا آكل شيء من خارج المنزل
س6: ما هو مشروبك المفضل؟
ج6: الماء البارد
إلى البيت :)
س7: ما هي أكلتك المنزليه المفضله؟
ج7: لايعجبني طبخ الخادمه
س8: ماهو برنامجك التلفزيوني المفضل ؟ و قناتك التلفزيونية المفضله؟
ج8: اتابع برامج مريم نور
س9: ماهو حيوانك المدلل ؟
ج9: أحتاج إلى من يدللني
أرجو اني اكون قد افدتكم

[مراويح نجد]

دسم الشوارب : أشكرك على مرورك وتفاعلك , وأجوبتك الأكثر من سخيفه :mad:,المفروض الي يحط الموضوع يكون أكثر صراح في أجوبته :no:,لا عاد تتعودها.

[شبح الصحراء]

فكرة ممتازة لكسر الروتين :good: .

خذ :س1: ما كنيتك؟
أبو مبارك

س2: منذ متى وانت تخرج للبر ؟
مع بدايات سن المراهقة .

س3: ما نوع سيارتك؟ (مع صوره إذا أمكن)
هللكس :rolleyes:

س4: مانوع رحلاتك البريه ؟صيد اوهروب او تطعيس او تمشي اوغيره؟
هروب وتمشي

س5: ماهي أكلتك البريه المفضله؟
كبسة رز ولحم

س6: ما هو مشروبك المفضل؟
كابتشينو النوع الجاهز 3 في 1 (صارت دعاية :p )


إلى البيت :)


س7: ما هي أكلتك المنزليه المفضله؟

شكشوكة ( لأنه بسرعة أصلحها ، محسوبك عزوبي :D )

س8: ماهو برنامجك التلفزيوني المفضل ؟ و قناتك التلفزيونية المفضله؟
البرامج الوثائقية عموماً ، الجزيرة طبعاً .

س9: ماهو حيوانك المدلل؟
البس :D احب أن اربي القطط الصغيرة .

هاه فيه أسئلة ثانية؟ وش رايك تسكن عندي أحسن :D :p .

[كبريت]

دسم الشوارب : أشكرك على مرورك وتفاعلك , وأجوبتك الأكثر من سخيفه :mad:,المفروض الي يحط الموضوع يكون أكثر صراح في أجوبته :no:,لا عاد تتعودها.



هههههههههههههههههه

وراك يا ضمار اللهب عسا ماشر؟؟

شكلك خسران في الاسهم وحاط زعلك على دسمم

الله يعينك يادسم


انا مالي دخل :o

[كبريت]

س1: ما كنيتك؟
ابو محمد
س2: منذ متى وانت تخرج للبر ؟
حول الـ 6 سنوات
س3: ما نوع سيارتك؟ (مع صوره إذا أمكن)
جيب باث فندر اما الصورة فهي في التوقيع
س4: مانوع رحلاتك البريه ؟صيد اوهروب او تطعيس او تمشي اوغيره؟
احيان صيد واحيان هروب
س5: ماهي أكلتك البريه المفضله؟
الكبسسسسه ;)
س6: ما هو مشروبك المفضل؟
الشاي بالحلييييب سكر زياده
إلى البيت :)
س7: ما هي أكلتك المنزليه المفضله؟
(((عريكة))) - سليق
س8: ماهو برنامجك التلفزيوني المفضل ؟ و قناتك التلفزيونية المفضله؟
البرنامج : الجانب المظلم في قناة المجد
س9: ماهو حيوانك المدلل؟
والله ياحنا مبتلشين بـ 5 قطاوه في البيت لكن اجر ان شاء الله

[escape_man]

س1: ما كنيتك؟

ابو المثنى

س2: منذ متى وانت تخرج للبر ؟

من عشرين سنة يعني كان عمري 10 سنوات مع الوالد الي هو مدمن برية ونفود.

س3: ما نوع سيارتك؟ (مع صوره إذا أمكن)

بلاك باث فايندر- الصورة مثل توقيع اخوي بلاك باث BlackPath

س4: مانوع رحلاتك البريه ؟صيد اوهروب او تطعيس او تمشي اوغيره؟

تطعيس- الصيد والتمشي مالي فيه.

س5: ماهي أكلتك البريه المفضله؟

مرقة ضبان .

س6: ما هو مشروبك المفضل؟
إلى البيت :)

للاسف مدمن شاهي ربيع تلقيمة.

س7: ما هي أكلتك المنزليه المفضله؟

مالي اي حرية اختيار. الي يحط قدامي آكلة غصب.

س8: ماهو برنامجك التلفزيوني المفضل ؟ و قناتك التلفزيونية المفضله؟

ماعندي وقت اشاهد تلفزيون.

س9: ماهو حيوانك المدلل؟

احب الاسماك لكن خوفي من ربي اطلع مكشات كم يوم ويموتن يخليني اشوفها بس بالمطاعم الفخمة والكوفي شوب.

[عجرم]

س1: ما كنيتك؟
ابو العجارم ( واللي ماله عقال تسري )
س2: منذ متى وانت تخرج للبر ؟
قل متى خرجت من البر
س3: ما نوع سيارتك؟ (مع صوره إذا أمكن)
هيلكس( لايمكن )
س4: مانوع رحلاتك البريه ؟صيد اوهروب او تطعيس او تمشي اوغيره؟
اروح لقرب محطه اتنقذ
س5: ماهي أكلتك البريه المفضله؟
متبلسه ( لاتنشدوني وشي )
س6: ما هو مشروبك المفضل؟
دله قهوه
إلى البيت
س7: ما هي أكلتك المنزليه المفضله؟
دبس وسمن او زبد وفنخا
س8: ماهو برنامجك التلفزيوني المفضل ؟ و قناتك التلفزيونية المفضله؟
خذ وخل
س9: ماهو حيوانك المدلل؟
ما كل مايطري على البال ينقال :no2:

[دسم الشوارب]

اخوي شبح الصحراء : اشكرك لتفاعلك .وتسكن معك العافيه :D

اخوي ابو محمد : اشكرك لمرورك وتفاعلك . تقول عندك قطاوه مزعجتك ..بعد هذي فايده اخونا شبح الصحراء يحب القطاوه .عطه اللي عندك وبكذا نكون ريحناك منها ولبينا هوا اخونا شبح الصحراء :)
اخوي escape_man : هلابك واشكرك لمرورك يا ابو المثنى
اخوي عجرم : هلابك يا ابو العجارم :good2: .(ما كل مايطري على البال ينقال :no2: )وش المناسبه :confused: