افيدونا ياهل الخبره

[راعي شلفاء]

السلام عليكم اسعد الله اوقات الجميع ياخوان وش افضل الشوازن امهات خمس من ناحيه الخفه بالاوزن ورمي الظغوط وحراره الرمي والتحمل يعني المكده الروسيه حليله لاكن مشكلتها متذبح طيرها قدمجربها مع اخوياي علما اني نويت اشتري بندق من سنين وان بلاكسريه ولاني مستغني عنها افدوني بالافضل والاسعار جديد ومستخدم ولواحد عنده شي للبيع يذكره لنا اسف علئ الاطاله

[الخديوى]

بالمواصفات اللى انت تبي مالك الا البنلي وأهم شى ارخ ريالك لان الاسعار فوق العشرين!

[a7beck]

اذا تبي حرارة الرمي والسوق عندك الونشستر سوبر اكس ثري او بنلي رافيلو او بريتا اكستريما تو طبعا الاسعار غاليه
اذا تبي من الاسعار المتوسطه من 15 ودون عندك البريدا 30 انش فل تشوك والا الفرانشي 30 انش

والتركيات زينات بعد عندك الستوقر 2000 و ام بطه

[صياد الليل]

والله وأنا اخوك اذا بغيت بندق تجمع العديد من المواصفات وهي :

1/ السوق وحرارة الرمي
2/ رمي الضغوط
3 / قلة الاعطال والتحمل والمكده

مالك غير :
1/ بريتا اكستريما 2
2/ ريفاليو

ولكن اسعارها من 22 الف وطالع
وموفق خير أن شاء الله

[يحيى 2400]

من وجهة نظري ما في مثل التركيات صدق عذاريبهن واجد بس اسعارهن زينة
وتفي بالغرض وعندي استعداد لو كل سنتين
اخذ وحده جديدة ولا اني اخذ بانلي ب٢٥ الف
واخر شي تنصادر من الدوريات
وتصير الغبنة مامثلها

[براء محمد]

عليك بالاستوقر 2000 خفيفه وتسوق لكن ترمي الى ضغط 40 وتتطربك اسعارها 7500 والله يرزقك