المساعد الشخصي الرقمي

مشاهدة النسخة كاملة : لمبة الزيت تولع وتطفي (ترمش)


walol
30/12/2012, 05:05 AM
السلام عليكم ورحمة الله وبركاته
اخباركم يالوجيه الطاهرة
انا قبل اسبوع تقريبا شريت ابيكا 2009 من الحراج
بعد ما شريت السيارة طلعت فيها كم مشوار
واكتشفت هاللمبة وايضا مشكلة في موية الرديتر تنقص بدون تهريب مما يتسبب في ارتفاع درجة الحرارة
والمكينة فيها صوت تكتكة ولا تقبل الدعسة فوق الثلاثة ( rpm )
رحت يم الصناعية الشمالية (جدة) واختلفوا
ناس قالوا غير طرمبة الزيت بعد ماتسوي غسيل للمكينة بزيت الغسيل
وناس قالوا لي توضيب ( مع العلم ان التوضيب مكلف نوعا ما ) بسبب ان المكينة وصخانة والسبايك لازم تفتك وتتظف قطعة قطعة
وانا صراحة ماني خبير صناعية ولا لي ذيك العلاقات في الصناعية


و الي شجعني اشتري السيارة مشيها قليل و موديلها حديث وسعرها كان حلو نوعا ما
وبحكم ان صاحبها يقول مافيها الا دعسة البنزين توكلت على الله وشريت
وصار الي صار
الحين ماعرف ايش اسوي بالضبط
افيدوني يالربع
DBAAS
30/12/2012, 06:59 AM
تاكد من سبب نقص ماء الرديتر ثم غير السيفون لان الزيت يمر من خلاله بعد الطرمبه وراقب اللمبه خاصة بعد خفض سرعة المحرك اذا ولعت الله يعينك تبتدي بفك الكرتير وتغيير الطرمبه و اعادة الفحص اذا استمرت المشكله افحص مجاري توزيع الزيت من خلال السلندر اثناء التوضيب ,,

هذي الخطوات اللي اشوفها والاخوان ماراح يقصرون

لان البداء بالتوضيب مباشره دون فحص مسببات تلف السبايك واذرعة البساتم الصادر منها الصوت سوف يتكرر !

وفقكم الله
SGL
30/12/2012, 12:25 PM
أنتبه لاتسويلها غسيل باالزيت نقص من مكينتها علبه وضيف علبة قاز وشغل السياره لمدة10وبعدها غيره مع السيفون بس لاتنسى10دقايق
بن الزايد
30/12/2012, 01:06 PM
http://www.liqui-moly.de/liquimoly/mediendb.nsf/gfx2/8374.jpg/$file/8374.jpg

25 ريال
خالف تعرف
30/12/2012, 04:41 PM
لوسمحتوا الي عنده خبره يفيدني وجزاه الله خير
عندي جيب اكس بلورر2007 لمبة الزيت كل ما اطفي السياره والشغلها مره ثانيه تولع لمبة الزيت (يجب تغيير الزيت) وانا مغير الزيت كيف البرمجه مع تحياتي لكل منهو مشارك في هذ المنتدى ابو ثامر
walol
30/12/2012, 07:16 PM
بارك الله فيكم يارجال
انا باجرب وارد عليكم
بس بخصوص الزيت الي بخمسة وعشرين ريال
وين الاقيه
وسالفة القاز بحاول ابدا فيها
walol
31/12/2012, 02:25 AM
للاسف يا اخوان :(
الزيت حصلته ب 20 ريال في ساكو جربته بس مافاد
واثناء تغييري للزيت سمعت صوت جوة المكينة يكون قوي عند التشغيل ولكن يخف بسرعة رهيبة

وشكل مالها الا توضيب
لكن ابي اعرف شغلة التوضيب من دون قطع (مخرطة وشغل يد)
كم تكلف تقريباً؟
وهل فيه ورش في جدة تنصحوني فيها؟؟
جوزيتم عني خير الجزاء :)
التمسساح
31/12/2012, 06:54 PM
اذا كانت ترمش اللمبه تأكد اول من حساس الزيت صارت معاي نفس المشكله وطلع السبب من ساعه الزيت مع ان الميكانيكين قرروا انها من طرمبة الزيت
خالف تعرف
08/01/2013, 06:03 PM
لوسمحتوا الي عنده خبره يفيدني وجزاه الله خير
عندي جيب اكس بلورر2007 لمبة الزيت كل ما اطفي السياره والشغلها مره ثانيه تولع لمبة الزيت (يجب تغيير الزيت) وانا مغير الزيت كيف البرمجه مع تحياتي لكل منهو مشارك في هذ المنتدى ابو ثامر
انتظر الرد الله يوفق الجميع
يا اخاوان المشكله عندي من البرمجه من لديه خبره يفيدني وجزاه الله خير
najd star
09/01/2013, 01:43 AM
للاسف يا اخوان :(

الزيت حصلته ب 20 ريال في ساكو جربته بس مافاد
واثناء تغييري للزيت سمعت صوت جوة المكينة يكون قوي عند التشغيل ولكن يخف بسرعة رهيبة


وشكل مالها الا توضيب
لكن ابي اعرف شغلة التوضيب من دون قطع (مخرطة وشغل يد)
كم تكلف تقريباً؟
وهل فيه ورش في جدة تنصحوني فيها؟؟

جوزيتم عني خير الجزاء :)





لا لا لا توضب انتبه

مشكلتك اخوي صارت لي بمازدا وطلع الخلل فيه قطعة بالكرتير (والله نسيت اسمها) اللي تسحب الزيت من الكرتير إلى المكينة كانت عندي منكسره وماتسحب زيت كافي وكانت تولع عندي لمبة الزيت خاصتاً إذا لفيت يمين.

أنت جرب ماراح تخسر شيء لان قطع غيار المازدا اغلى منها وبـ 120 ريال فما بالك بسيارتك اكيد ارخص
ls1.5700
09/01/2013, 02:43 AM
ياراعي الايبكا المشكله عندك من ثلاث نقاط
اول شي افحص حساس الزيت قد يكون راخي ماهو ماسك صح
او قد يكون الشخال منكسر داخل الكرتير
او الطرنبه على وشك خراب
بقولك شي عن الطرنبه لو فيها شي او خربانه ماتدفع الزيت ماياخد موترك خمس دقايق
الا تسمع صوت السبايك وبعدها تجيم مره او يطلع البستم من المكينه
نصيحه اذا ماتسمع صوت سبايك او طقطقه قويه لاتوضب ابد
فـ تكون المشكله بسيطه بأذن الله
ls1.5700
09/01/2013, 02:49 AM
انتظر الرد الله يوفق الجميع
يا اخاوان المشكله عندي من البرمجه من لديه خبره يفيدني وجزاه الله خير

حياك الله يابو ثامر
ماعندك مشكله بأذن الله لاتخاف
بس انت غيرت الزيت وماصفرت العداد
والعداد يحسب على الزيت الاول 00 ويطلع لك يجب تغيير الزيت
ماعليك منه مامنها ضرر
بالنسبه للبرمجه ماعندي علم فيها 000 ان شاءالله يفيدنا احد الاعضاء بطريقة البرمجه
او اكتب بالقوقل طريقة برمجه جيب اكس بلور