الفخار او الزير في الرياض

[ابوفهد سليمان]

السلام عليكم .... وصبحكم الله بالخير جميع

اسال ياربعي عن زير الماء النوع الجيد ... وين ينباع بالرياض ؟؟

لان اغلب الموجود الان شغل اي كلام ... سمعت انه اللي يجي من المدينه هو النوع الممتاز

ويقال من نجران او جيزان ... لكن خبرتي في هالاشياء تكاد تكون معدومه

والموضوع العجيب اللي عشانه ودي اشتريه ..... هو في الرابط اللي بتشوفونه للدكتور علي كيالي

فهو يقول الماء اللي نشربة في بيوتنا ماء ميت ... وعشان نعيد الحياة له .. لابد من وضعه

في الزير ( الفخار )... فالقضية عندي ماهي عوده للماضي ... القضية سبحان الله

اثاريها مهمه لصحتنا وكثير منا يجهل بهذا الكلام ...

وهذا رابط لكلام الدكتور .. يمكن الكثير قد شافه ... لكن للفائدة للي ماقد اطلع عليه

http://www.youtube.com/watch?v=CxdY4ODT040


موفقين لكل خير ......... ابوفهد

[مهندس مكشات]

جزاك الله خير على رابط المقطع


شكرا لك

[قلقانش]

حياك الله أخوي

في الرياض والمتخصصين بالفخاريات واشياء كثيره وعندهم عدة انواع

هم المتواجدين في حي الشفاء قبل مفرق الدايري الجنوبي ومدخل طريق الملك فهد من جنوب

تحصلهم صفة محلات ابو اربع خمس محلات ابد مرهم وان شاء الله بلقى ظالتك

أطيب التحيات

[ابو طاهر]

مثل ما قال أخونا قلقانش

والزير الطيب هو زير مكة لأنه اكثر واحد يحفظ البرودة قليل كبة للمياة من تحت والجوانب من خلال تجربتي له

ولونه يميل إلى الفاتح وليس الون الغامق

[ابوفهد سليمان]

بارك الله فيك اخوي قلقانش ... ولاتهون اخوي مهندس مكشات وابوطاهر

[سوالف]

طلبك تحصله على الرابط
تقرير عن احد المحلات الفخاريه بالرياض
http://www.mekshat.com/vb/showthread.php?t=267076

والله يوفق الجميع

[مكشاتي مدني]

اخوي محلات الفخار بحي الشفاء اذا دخلت الشفاء لاتنزل مع النفق ارقى فوق مع الخدمة اول يوتيرن فتحة مخرج ارجع معه يسار وتتعدى البريد السعودي وبنك الراجحي قبل محطة الجميح يجيك على اليمين محلات فخار افضلها الرويلي عندة كل شيء وبالتوفيق

[ابوفهد سليمان]

اخوي سوالف ... مكشاتي مدني

لاهنتوا يالغالين ... يطول لي بااعماركم جميع