استطلاع عن الطبخ على الحطب والدافور

[الوافي.]

السلام عليكم
الثلاثاء الماضي كنا في البر وطبخ لنا المعزب على الحطب بدون كاتم ولن اقول رأيي فيها حتى اشوف ردودكم عن الافضل
الحطب او الدافور
القدر العادي او الكاتم
عطونا تجاربكم

[شاب طموح]

اكيد الحطب اخوي

[النهايد]

احسن رأي

الحطب مايقارن بالدافور ولا غيره

واذا كان قدرك فخار شي طيب


وبالتوفيق

[ابراهيم بريده]

حياك اخوي ونشكر لك هذا التساؤل

الطبخ على الضو:f فيه شمه وكيف ويدخل فيه العامل النفسي ان الطبخ عليها يعطي

الاكل مذاق خاص 00 والحقيقة ان الدافوع يتغلب على الضو في الطبخ فيعطيك الحرية

بالتحكم بنوعية الطبخة نثريه او قطنية او صتمية 00 وهذي مصطلحات قصيمية لدرجة

نضج حبة الرز0

اما الكاتم والقدر 00 فالقدر احسن لان كل ماطالت فترة الطبخ وخوصآ اللحمة طلع طعمها

صح ومرقتها ايضآ والرز بالقدر احسن لان الحبة ترتاح وتطول000

لكن لاننسى فضل الكاتم فقد اراحنا من العنا والغثاء وسلم لي على الي صنع كاتم السيف

وسلامة تطولك

[Al3rands]

لاصرت عجل الكاتم يمدحونه بس الطبخ على الحطب يكفيك ريحه

[د.سهم]

الطبخ على الحطب اكيد افضل
بكثير من الدافور

تقبل مروري

[تساهيل1]

لا والله

الطبخ على الحطب غثا ومرض ووصخ قدور. سنا وفحم

يازين الدافور بس سغل نظيف

وجهة نظري


وشكرا

[سعيد المعمري]

الحطب افضل

و للحفاظ على القدور من اللون الاسود بسبب الحطب ادهن القدر بزيت من الخارج بالكامل و اطبخ ......

[yaaahiaaa]

الحطب ازين وله نكهة خاصة اذا انت منت مستعجل ومستعد تتقبل اي نتيجة للطبخ

الدافور مريح وسريع

وجهة نظري ،،، خلك مع القدر على الحطب وعيش جوك

[الوافي.]

فعلا الطبخ على الحطب الذ واطعم وعن تجربة
وطريقتي بالطبخ هو طبخ اللحم بالكاتم على الدافور وبعد ذلك نصب المرقة على الرزونحطه على الحطب وخذ ياطعم
اذا صرنا بالبر وش ورانا الوقت وسيع وانتفنن بالطبخات

[الطبخ نفس]

الحطب مع القدر العادي يعتبر فن الطبخ ومذاقه الجميل ----- اما الكاتم مع الدافور شغل العجازين ومشي حالك ----- لان الحطب بالقدر العادي فيه لذه وطعم غييييييييييييرررر بالراس

[al_shahen]

من وجهة نظري إذا أنت مطول بالك وراعي كيف أنا أشهد ان الحطب هو المقصور أما إذا أنت تبي طبخك يخلص فقط ولا تبي تنظف قدورك يمدحون الدافور.

[اباالفضل]

الحطب له نكهه لما الاكل يصيد ريحته

غير ان بعض الناس وخصوصا الغرب لما يضبط الشوايه ويحط اللحم تشوفه يحذف كم قطعه خشب

يقال ان من خشب الليمون عشان اللحم يصيد ريحه الخشب ويعطي نكهه الذ

وان كان على ان الحطب يوسخ القدر فهذا شي طبيعي وان لاتستعمل الا القدور اللي شاريها للبر

نفس غوري الشاي اللي يكون لونه الاصلي ذهبي ولكن بعد الاستعمال تحلف انه ماعمره كان ذهبي :)

[مسافر شرق]

فعلا الطبخ على الحطب الذ واطعم وعن تجربة
وطريقتي بالطبخ هو طبخ اللحم بالكاتم على الدافور وبعد ذلك نصب المرقة على الرزونحطه على الحطب وخذ ياطعم
اذا صرنا بالبر وش ورانا الوقت وسيع وانتفنن بالطبخات
يا سلام عليك. خوش أفكار
صدق وش وراك يابن ادم وانت كاشت إلا التفنن في الطبخ والنفخ

[دهران]

بالنسبة لي فالطبخ بالكاتم لا يضاهيه طبخ
وخصوصاً التيربو
أما الحطب فلا أحبذه أبداً لأني أحارب الإحتطاب وأعارضه بشتى الوسائل
لكن ما يمنع من بعض العويدات للقهوة والشاهي وريحة الحطب أما الطبخ فإنه يحتاج إلى حطب أكثر لذلك لا أشجعه

ونستأذنك بنقل الموضوع للإستفسارات

[ياكريم رحمتك]

على الحطب وبالقدرالعادي ألذ
لكن ماكل احد يضبطه
بالتوفيق