هل تذكر أول رحلة قنص طلعت فيها ؟؟

[راعي ساموده]

السلام عليكم ورحمة الله وبركاته ..
طبعا كلنا مر بهذه التجربه الرائعه ولكن تتفاوت المشاعر بين هذا وذاك بعضنا مع الوالد والاخر مع عمه والثاني مع اصدقاه ولكن المميز ان لها وقع كبير على النفس فياليت تشاركونا تجاربكم وشعوركم لهاذيك اللحظات

[م-ت-ن-ا-ث-ر]

اول رحله كانت وعمرى ولا زالت فى الذكرى لانها مريره عليه طلعنا مع الوالد الله يرحمه واعمامى وصديق الوالد واخوانى فى مقناص كراوين وبنينا الخيام وزبطنا العزبه ووقت الحمى رحنا ندور الكراوين ويومتها ضاع حبيبت الوالد جمره طير ما ياخذ الكروان خمسين متر الا وهيه تفرس فيه لوزوكرها ظايق تهد تهد المهم الطير له مذكريه فى الفعل وراح الطير ايامها مافى اجهزه تتعقب الطير بها المهم راح الطير ورحنا معاه الطير تعلق بسبوقه نبات لصيق ودحرج ولعبك فيه رش ويوم قامت تهد جت الغربان ورى الطير ودقتها حومه المهم من الساعه 10الطير راح وحنا وراه تركنا العزبه وبتلنا بعيد المهم تركنا ابو سويد السودانى مربع فى العزبه وحنا ورالطير حلف الوالد ما رجه الابجمره والسيارات فاضيه الا كيك وما حار لا قهوه ولا تمر ولا شى مويه وكيك المهم جاء الممسى ومسينا ويامها برد السياره كشف والله نمنا على الرمال وحفرنا عشان نتغطى بالرمل من البرد ومارجعنا الا اليوم الثانى خلاص الكيك انتهى والماء قرب ووصلنا الرحله اليوم الثالث وحنا نهدد جت جمره تشابط على الهدد وطرحناها بحمامه ورجعت لغليه لمغليها
اما شعورى وقتها وبصراحه تمنيت ماخلقت اصلا خفت من العقارب والحلابيب والثعابين وتعلمت ان الرحله تقدر تحدد بدايتها بالزمن بس النهايه فيه عوامل ثانيه تحددها وخسها ضياع الطير والماء يشيلك ماتشيله