ضروري لاهل السلق

[شطبان]

السلام عليكم

اخواني اهل الخبره هل السلق ياكل التونه ! وهل الاستمراررعليه يضره
وابي وش ياكل غير الللحم !
واذا كان عمره سنه تكفيه وجبه باليوم ؟

[بواردي سلمى]

واللـه ياخـوك من تجربتـي قبل اسبـوع ، حطيت للسلـق تونـه مع الـرز

ويا علّـي ما حطيتـه لهن ، وانت بكرامه رجعن كل الي كلنـه

وعقبـه توبـه احط لهـن تونـه ، شكلـه ثقيلـه على بطونهـن

[ثمان طعش]

اخوي شطبان انا اعطي السلوقي الي عندي اكل البيت الزايد وهو عباره عن عظام الغنم او دجاج مع الرز الباقي والحمد لله صحته تمام فل الفل وهذا اغلب الي يملكون سلق يعطونهن الاْكل هاذا والتونه ماعندي علم عنها

وانا اعطيه من عصر لعصر واعتقد انه كافي له لاْن الكلاب( الله يعزك ) يبقى الاْكل في بطنه 12 ساعه على حسب الي قريته

وشكراً واي خدمه انا موجود واخواني اعظاء مكشات مايقصرون :type: والله يحيك بين اخوانك :heart:

[شطبان]

الله يجزاكم خير ماقصرتووا " بس الرز والدجاج الباقي لازم على طول اوديه ولا عادي لا قعد بالثلاجه كم يوم ؟

[ثمان طعش]

الله يجزاكم خير ماقصرتووا " بس الرز والدجاج الباقي لازم على طول اوديه ولا عادي لا قعد بالثلاجه كم يوم ؟


على طول وانا اخوك
:good2:

[شطبان]

بالنسبه للماء انا شريت جركل ماء ابو ٧ ريال حق البرادات تعرفه وقصيته من النص '
تشرب منه ولا لا !

اعذرن على الاسئله بس والله واحد اهداه لي وبلشتت ههههه

[ثمان طعش]

بالنسبه للماء انا شريت جركل ماء ابو 7 ريال حق البرادات تعرفه وقصيته من النص '
تشرب منه ولا لا !

اعذرن على الاسئله بس والله واحد اهداه لي وبلشتت ههههه



هههه عادي اساْل ماعندك مشكله ايه يشرب منه حتى انا مسويله كذا :good2: بس وانا اخوك اهتم فيه لانه اذا مااهتميت فيه يجيه امراض الله يكفيه الشر ولازم اذا محله مو مفتوح يجيه هوا لازم تنضف محله

[شطبان]

هههه عادي اساْل ماعندك مشكله ايه يشرب منه حتى انا مسويله كذا :good2: بس وانا اخوك اهتم فيه لانه اذا مااهتميت فيه يجيه امراض الله يكفيه الشر ولازم اذا محله مو مفتوح يجيه هوا لازم تنضف محله



اي انا حاطه بشبك مفتوح من كل مكان تهويه

الله يجًزاك خير ماقصصصصرت

[ثمان طعش]

اي انا حاطه بشبك مفتوح من كل مكان تهويه

الله يجًزاك خير ماقصصصصرت



هاذا محله افضل من الاْماكن المغلقه لنه يصير مكتوم وعلى طول امراض طيب هو سلوقي ولا سلقه مدرب ولا لا ويااااااااك ياغالي

[شطبان]

هاذا محله افضل من الاْماكن المغلقه لنه يصير مكتوم وعلى طول امراض طيب هو سلوقي ولا سلقه مدرب ولا لا ويااااااااك ياغالي



عمره سنه ونص تقريبا ومدربه من قبل يقول راعيه كثير الي صادته ما شاء الله

[بواردي سلمى]

بالنسبـه للأكل لآزم توكلـه يوميـآ ، يعني مثل من صبح الى صبح

او من ظهر الى ظهر ، او من عصر الى عصر وهكذآ

لكـن المـآء ، انصحك انـك تحط له المـآء بـ إنـآء فـخـآري ، افضـل من البلاستـك والحديـد بكثيـر

والله يقنيـك بركتـه وتاكـل من صيـده

[شطبان]

بالنسبـه للأكل لآزم توكلـه يوميـآ ، يعني مثل من صبح الى صبح

او من ظهر الى ظهر ، او من عصر الى عصر وهكذآ

لكـن المـآء ، انصحك انـك تحط له المـآء بـ إنـآء فـخـآري ، افضـل من البلاستـك والحديـد بكثيـر

والله يقنيـك بركتـه وتاكـل من صيـده


الله يجزاك " كفيتو ووفيتو ي الربع '

[رفيق الأمل]

وعليكم السلام
اخي الكريم الشطبان من الاهمية ابعاد الاكلات البحرية كمثل الاسماك والتونه وغيرها لانها ضارة على الكلاب وخصوصاً الجراوة وانصحك بتنوع الاكل على الاقل في الاسبوع مرتين
هل تعرف ان الاكل اللين كمثل الرز والدجاج من كل يوم يؤثر على امعاء الجراوة اذا اعطيتهم الاكل بنفس الشي بصفه مستمرة 0 عليك ان تعطيهم مرة خبزا يابس مكسر صغار مع تمراً يكفيهم ليوم كامل واليوم الي بعده من باقي اكل البيت ونصيحتى لا تكثر لهم رز من كل يوم وان شاء الله تتهنى من صيدهم

[شطبان]

الله يجزاكم خير
وصلتي ابشركم لكن شافها واحد قال هذي جرو عمره ٦ شهور اكبر منها جسم وهي عمرها سنتين ونص
نحيفه مره ي الربع قالي عطها حلبه اذا تعرفونها ولا ابرة هرمونات ' شرايكم !

[ابن برقاء]

من اهم شي الحليب اذا عندك غنم ولا نياق الصباح بدري والعصر حليب تراه زين للسلق والاكل تخليه متاخر شوي وجبه وحده تكفي رز لحم دجاج العظام

[الأكيدر]

ماقصرو الاخوان وتعقيبا عليهم
الاكلات الي ياكله السلق
1 - الباقي من الغداء من رز وعضام
2 - حليب وتضيف عليهه بيض او حلبه
3 - خبز لحاله او مع الحليب
4 - التمر لحاله او مع الحليب
وجبه وحده تكفيه باليوم لاكن احرص ان يكون الماء متوفر عنده
موفق اخوي