حسبنااا الله ونعم الوكيل

[راكااااان]

سلام عليكم جميع استغفر الله وأتوب اليه بسم الله الرحمن الرحيم اخواني جميع كيف الحال اليوم اتصل علي واحد من خوياي يقول انا امس شريت طير قلتله ادري الف مبروك تعال تقهوه وخلنا نشوف المبروك معلش اتكلم بتفصيل قال جايك جايك وحسيت من نبره صوته في شي عند ماوصل شفت الطير وقوله مبروك قال آي مبروك يافلان افا ليه عسا ماشر قال انا شريت الطير من رجال قلتله طيب قال اليوم ارسلي رساله لابارك الله فيه يقول انا مالي بطيور وطير لقيته على حمامه ومسكته وقاص الحجل ومغير سبق الطير وهو كداد راعي لموزين وش الحل قلت انت وشدراك انه لاقيهةقال شف الرساله هاذي منه هو قلت اسمع خل الطير عندك يومين ثلاثه وعطيك العلم قال طيب ,,,فا يااخوان الي ضايع له طير من فتره او خابر شخص يبلغه وطير حر للمعلوميه يرسلي صوره واتسب فقط لطير الي ضايع منه ولايقول لون السبق ولا في حجل كلهن مغيرات المنطقه الرياض وضواحيها ،،،جوال 0502010509 ملاحضه في حال تم ايجاد الطير ليس مطلوب منه القيمه الي تم شرااء الطير فيهاااا ابد والله يعوض نشاءلله

[عواد الشمري2]

الله يجزاك خير ويعوضك ان شاء الله اطيب منه انت وخويك
والله يعقل الحلال للراعيه
والراسه اثبات على الشخص الي اخذ الطير .
اذا تبي تسترجع مالك

[بواردي سلمى]

اللـه يكثـر من امثـآلـــك انت وخويـك ، لكـن امسـك راعي الليموزيـن

وخلـه يعطيك الرقـم الي بالحجـل ، وقل له المال الحـرآم ما يـدوم وانصحـه اغديـه يقنـع ، وان ما اتعض عزالله انـه ماهو بخيـر ، ويبي يلقـآه قـدآمه

ولا بلـغ عليـه الشرطـه ، وعلمهـم بالسالفه كلّــه وورهـم الرسالـــه ، صدقنـي راح يتعاونون معـك ويقضبونـه

ما اقـول الا اللــه يعـوض عليكــم ، وعلى فاقـد الطيـر

[رعد المطر]

الله يعطيكم العافيه ويرزكم قد نيتكم ويكثر امثلكم
ااااااااااااااااااااامانه بفعلكم تاج على روسنا تسلمون
وحاول تلاقي الكداد وتنصحه وبالحيله حتى تحل على رقم صاحبه

[راكااااان]

عواد الشمري بواردي سلمى جزاكم الله خير لاكن هو يعرفه بوجهه بس ماشاف الموزين ولا يعرف عنه شي كان محلات الصقور واقف قدام الباب وسئله خويي للبيع قال اي للبيع وشراا الطير يقول الرجال يعرف بطيور وكلامه موزون ماتشك فيه ابد لاكن ربك أكيد يبي يطيحه بيدينا اليوم بكره الي بعده مومشكله نلقاه نشاءلله لاكن خويي بعد يستاهل ليه ما اخذ اي ثبات منه لاكن الله يعوضه نشاءلله بلي احسن منه والمصيبه الكبره والي خايفين منها نصدف راعي الطير ويشوف طيره موتر الرجال حرام لايدق لطمه ويمشي ويترك موتره هههههههه ولله وثم والله انه حمل ثقيل لاكن الله يعقله الراعيه بناخذه بكره للمستشفى عسا ان فيه شريحه ونخلص من هسالفه الي تغث البال

[راكااااان]

الله يعطيكم العافيه ويرزكم قد نيتكم ويكثر امثلكم
ااااااااااااااااااااامانه بفعلكم تاج على روسنا تسلمون
وحاول تلاقي الكداد وتنصحه وبالحيله حتى تحل على رقم صاحبه

هلاه بخوي رعد جزاك الله الف خير على الكلام وماعليك زود ونشاءلله نحصل راعيه ونخلص هههههههه الرجال كل شوي داق علي يقول يفلان. حرام بالله تقول معي ممنوعات وخايف احد يشوفني نشاءلله سهلات

[الغرشوب]

راكان ،، بيض الله وجيهكم ، يارجال خويك مامن غلط عليه ،، وثاني شي اذا شاف راعي الطيرر ولا تنقد عليه من قصة الحجل ابد المنتدي اكبرر شااهد علي بلاغك ،،، والله يوفق الجميع لما يحب ويرضى

[صقر الجنوبي]

مادام اعلنت عنه في المنتدى مايلحقك لوم لانت ولاخويك واما الطيور واجد فيه طيور ظايعه وطيور مسروقه

على العموم الله يجزاك خير ويكثر من امثالك والله يعوض خويك بخير منه. والله يعقل الحلال لراعيه

[شرمان99]

بيض الله وجيهكم وكثر الله من امثالكم ويربي لك الحمد الدنيا لسى بخير اللي فيها امثالك وشروى اللي يقرون

[برق المغيب]

ابيض وجه ياراكان انت وخويك ولاقصرتوا والطيب ماينكر على اهله وصدقني ان راعي الطير من رواد المنتديات واولها منتدى الرجال (مكشات) وراح يلقى بلاغكم هذا اللي حنا شهوده بان رايتكم بيضاء كثر الله من امثالكم

[BO-SARA]

لا حول ولا قوة الا بالله

الله يعينكم ويسهل اموركم

[راكااااان]

راكان ،، بيض الله وجيهكم ، يارجال خويك مامن غلط عليه ،، وثاني شي اذا شاف راعي الطيرر ولا تنقد عليه من قصة الحجل ابد المنتدي اكبرر شااهد علي بلاغك ،،، والله يوفق الجميع لما يحب ويرضى

وجهك ابيظ وماقصرت جزاك الله الف خير

[حشّار]

بيّض الله وجهك ياراكاااان انت وخويك ولاهي غريبه عليكم الطيب انتم من اهله
×

[راكااااان]

مادام اعلنت عنه في المنتدى مايلحقك لوم لانت ولاخويك واما الطيور واجد فيه طيور ظايعه وطيور مسروقه

على العموم الله يجزاك خير ويكثر من امثالك والله يعوض خويك بخير منه. والله يعقل الحلال لراعيه


اخونا الكبير صقر الجنوبي جزاك الله الف خير وماقصرت

[راكااااان]

بيض الله وجيهكم وكثر الله من امثالكم ويربي لك الحمد الدنيا لسى بخير اللي فيها امثالك وشروى اللي يقرون

اخونا شرمان وجهك والحمدالله على كل حال وعيال الحلال واجد ونا اخوك

[راكااااان]

ابيض وجه ياراكان انت وخويك ولاقصرتوا والطيب ماينكر على اهله وصدقني ان راعي الطير من رواد المنتديات واولها منتدى الرجال (مكشات) وراح يلقى بلاغكم هذا اللي حنا شهوده بان رايتكم بيضاء كثر الله من امثالكم

برق المغيب كلامك ينقش من القلب عله بيظ الله وجهك

[راكااااان]

لا حول ولا قوة الا بالله

الله يعينكم ويسهل اموركم

بو سالم جزاك الله خير

[راكااااان]

بيّض الله وجهك ياراكاااان انت وخويك ولاهي غريبه عليكم الطيب انتم من اهله
×

هلا حشار يامرحبا وجهك طال عمرك وجعلك ماتشوف شر انت وكل مسلم أمين يارب

[دولاار]

بيض الله وجهك
وانت اعلنت عن الطير ومايلحقك وانا اخوك لوم
اقنص بالطير وتنومسبه وان قابلت راعيه علمه السالفه وعطيه اياه
وبالنسبه للي باعكم اتوقع انه كذاب لالقاه لاعلى حمامه ولاهم يحزنون تلقى راعيه موصيه يوصله وهو الذمه عنده وسيعه قص حجل الطير ونحره السوق

[راكااااان]

الحمدلله سبحانه وتعاله تم ايجاد صاحب الطير الذي اعلنت عنه سابقآ وستلم طيره اليوم بعد العشاء ونعم الرجل الله يوفقه نشاءلله

[السهم النحال]

الله يوفقكم جميعا
الحلال ما يروح

ونعم الرجال وربي يعوضكم خير

[alaaly]

السلام عليكم ورحمة الله وبركاته،،،،،

الله يبيض وجهك انت وخويك ، وموضوع الشريحه اعتقد بيسهل عليكم الموضوع

وعلى نياتكم ترزقون

[ah1122]

السلام عليكم
اود ان اتقدم بالشكر للصقار راكان ورفيقه أبوعلي فهم فعلا رجال نادرين بهالزمان وعلومهم علوم صقاقير
فقد شرفوني بزياره مساء البارح رادين لي طيري بعد ان اشتراه أبوعلي بحر ماله ، رافضين العوض او قيمه الطير
وهاذي علوم غانمه من صقاقير غانمين
واشكر المنتدي لمساهمته برد الطير

[ال معلى]

الله يجزاك خير وانا اخوك

واذا لطير شيهانه جبليه مقاسه ان ماخاب ظني 13.13 وزد

معلن عنها قبل شهرين

علمني ارسل لك الصور

[C_J_O_JI]

والنعم في راكان وخويه وهذا من طيب المعدن

وللاسف اصبح فعلهم من نوادر الرجال اللي يفعلونه وهو واجب علينا شرعآ وعرفآ

والله يعوضهم بطير اطيب منه

الله يجزاك وخويك الجنه ويجعل كل من اقتدا بكم في فعلكم في ميزان حسناتكم

[االنايف]

بيض الله وجهك يا راكان ولا هب غريبه عليك ويجعلها في ميزان حسناتك

[saifahmed]

جزاك الله خير

[موسى المعيدي]

الله يوفقك راكان وجزاك الله الف خير

مثل هالحداث صايره وبكثره والله يهديهم الواحد يطرح الطير ويدري انه لغيره يقوم يبيعه ومايدري ان فلوس الطير حرام

[راكااااان]

الله يوفقك راكان وجزاك الله الف خير

مثل هالحداث صايره وبكثره والله يهديهم الواحد يطرح الطير ويدري انه لغيره يقوم يبيعه ومايدري ان فلوس الطير حرام

صدقت الله يهدي الجميع نشاءلله على مايحب ويريضاا

[جلاد الحباري]

ليت كل من عين طير ضايع سوى سواتك كان الناس بخير الله يكثر من امثالك

[مشرف الخيل]

راعي الاوله بيض الله وجيهكم عزالله ماقصرتو وكثر الله من امثالكم