ابرة الاجعال ..

[شراع]

السلام عليكم ورحمة الله وبركاته

ابسالكم يااخوان عن ابرة الاجعال

سمعت ان بعد ضرب الابرة ماتجعل السلقه ثانيه ..؟!!!

وفيه ابره ماهي زينه .. وابره اصليه كيف افرق بينها ..؟؟

واذا فيه شي معين او اكل معين لسلقه قبل الابرة ..؟؟

[ابن برقاء]

اخوي العزيز الابره خطره مره ترفع درجه الحراره وتطرش وانتم بكرامه تسهل ومامنها فايده ودها لاية واحد عنده سلوقي خله يتشممها وان شاء الله راح تجعل حتى لو كلب حراسه عشان تجعل ودها للسلوقي الي تبيه

[بواردي سلمى]

واللـه فيـه نـآس يستخدمـون الابـر ولا فيـه اي ضـرر ، ولكـن انا ما جربتـه نهـآئـي ، ولا راح اجربه ان شاء اللـه

اما بالنسبـه لكلآمك يابن برقـآء ، ما ضنتـي السلقـه تجعـل اذآ حطيتـه عنـد ذيـخ

انا حاط السلـق مع بعض ، الذيـخ والسلقـه ، ولكـن ما اجعلـت

السلقـه تجعـل وانتم بكرامـه كل 6 شهـور ، يعني بالسنـه تجعـل مرتين

وبعض السلـق تجعـل مره وحده بالسنـه

ويا ليت الي عنده خبـره بهالامـور يفيدنـآ اكثـر الله لا يهينـه

[الأكيدر]

انا مانصح بابره الاجعال كلش لان لها تاثير على الجراء تطلع ضيفه
واذا تبي السلقه تجعل عليك تسوي كمشغله وباذن الله بتجعل وهي
اول شي شبع السلقه من الاكل وخلها تصتصح حلو
والثانيه اعرضها على ذيخ بس يكون غريب عنها مايكون ذيخ متعوده عليه
او يكون معها بالشبك لا اعرضها على ذيخ ثاني خلها تلعب معه وشلها
واحشرها بشبك واعرضها عليه مره واستمر على هالشغله اسبوع او اقل
وان شاء الله بتجعل

وترى السلقه تجعل اذا شافت الظروف حلوه يعنى شبعانه وفيه مكان لها

وبالنسبه لاخوي بواردي سلمى اعزل السلقه فتره عن الذيخ واعرضها عليه بعد فتره وبتشوفها بتجعل

هذا وجهت نظري بالموضوع وهذا الي انا اسويه وناجح معي
تحياتي للجميع

[بواردي سلمى]

انا مانصح بابره الاجعال كلش لان لها تاثير على الجراء تطلع ضيفه


واذا تبي السلقه تجعل عليك تسوي كمشغله وباذن الله بتجعل وهي
اول شي شبع السلقه من الاكل وخلها تصتصح حلو
والثانيه اعرضها على ذيخ بس يكون غريب عنها مايكون ذيخ متعوده عليه
او يكون معها بالشبك لا اعرضها على ذيخ ثاني خلها تلعب معه وشلها
واحشرها بشبك واعرضها عليه مره واستمر على هالشغله اسبوع او اقل
وان شاء الله بتجعل


وترى السلقه تجعل اذا شافت الظروف حلوه يعنى شبعانه وفيه مكان لها


وبالنسبه لاخوي بواردي سلمى اعزل السلقه فتره عن الذيخ واعرضها عليه بعد فتره وبتشوفها بتجعل


هذا وجهت نظري بالموضوع وهذا الي انا اسويه وناجح معي
تحياتي للجميع



بيض الله وجهـك ، ومـآ قصـرت

ابجربـه ان تسنّـت لي الفرصه في المستقبـل ان شاء الله

[راعي قصايد]

بسم الله الرحمن الرحيم

السلام عليكم ورحمة الله وبركاته

اولاً- الأوبر انواع مختلفه أفضل نوع من الأبر اسمها Ost
ثانياً- زي ماتعرفون بعض السلق تمر بمرحلة الاجعال بالسنه مره وبعضها مرتين وبعضها ثلاث مرات
وتسمى كالاتي
1- الي تجعل مره وحده تسمى قليلة شهوه
2- الي تجعل مرتين اجعالها طبيعي
3- الي تجعل ثلاث مرات شهوتها قويه
ثالثاً- الابره مافيها اي مضره ولا ضرر لا على السلقه ولا علي الجراء وهي طريقه تكثر النسل بسرعه
يعني اذا عندك ذيخ طيب وكبير سن وتخاف يموت ولا انتجت عليه الي تبي اشتغل على السلقه بالابره اذا اجرة وكفت دق ابره
رابعاً- والي بعض الشباب مايعرفونه هذي الابره تستخدم للأبل والغنم والخيل والبقر .... وغيرها من الحيوانات عشان تقبل الذكر
والسلقه اذا دقيتها ابره تجعل اجعال طبيعي اول اسبوع حيض

ملأحظة..
انا استخدم الابر وانتاجي كله من الابر وطيب بالحيل

تقبلوو تحياتي
أتمنى اني فدتكم بقليل من الي عندي

[شراع]

لاهنتوا والله يعطيكم الف عافيه

[بواردي سلمى]

بسم الله الرحمن الرحيم



السلام عليكم ورحمة الله وبركاته


اولاً- الأوبر انواع مختلفه أفضل نوع من الأبر اسمها Ost
ثانياً- زي ماتعرفون بعض السلق تمر بمرحلة الاجعال بالسنه مره وبعضها مرتين وبعضها ثلاث مرات
وتسمى كالاتي
1- الي تجعل مره وحده تسمى قليلة شهوه
2- الي تجعل مرتين اجعالها طبيعي
3- الي تجعل ثلاث مرات شهوتها قويه
ثالثاً- الابره مافيها اي مضره ولا ضرر لا على السلقه ولا علي الجراء وهي طريقه تكثر النسل بسرعه
يعني اذا عندك ذيخ طيب وكبير سن وتخاف يموت ولا انتجت عليه الي تبي اشتغل على السلقه بالابره اذا اجرة وكفت دق ابره
رابعاً- والي بعض الشباب مايعرفونه هذي الابره تستخدم للأبل والغنم والخيل والبقر .... وغيرها من الحيوانات عشان تقبل الذكر
والسلقه اذا دقيتها ابره تجعل اجعال طبيعي اول اسبوع حيض


ملأحظة..
انا استخدم الابر وانتاجي كله من الابر وطيب بالحيل


تقبلوو تحياتي
أتمنى اني فدتكم بقليل من الي عندي



يعطيك العافيـه ومـآ قصـرت

بالتوفيـق