وش الحل معه

[صقار الدبدبه]

السلام عليكم ورحمة الله وبركاته

اخوااني ياليت تعطوني حل مع الطير

الطير اهده على حمام زي الدحل بس انه قوي شوي

الطير يهد ويصمل له شوي ويرتفع وارتفاعه طيب بس يكسر مدري ليه

لياقته زينه ولله الحمد اهده على قمري ولا اقصر منها شي يحولها تحويل ماعنده مشكله معها

صومته يوم وهديته عليه مره ثانيه نفس المشكله
ياليت تفيدوني اكون شاكر لكم

[معاشر الرجال]

يفيدونك الرجال اللي مثلك وشرواك

[كلي فخامه]

الطير يعرف نفسه انه مايمديه عليها

[رعد المطر]

مساء الخير ياخوي عود الطير على الحمام مره ومرتين لحد ما يعرف الحمام
وبعدها هده على منتوف واعرف وزن العلفه واذا كان يعرف الحمام تدرج مع الطير وان شاء الله تبشرنا

[صقار الدبدبه]

يطيكم العافيه وماقصرتو على الفاده

[ابرق آلريش]

رغب الطير فالحمام ولا تخليه يفلس نتف من الحمامه خله يصيدها بدون جهد وابدا مثلا تنتف 10 *10 وبكره 10*9 او 9*9 على حسب جناح الطير وذا افلس الطير من الحمامه يخرب طبعه ومعاد يلحق بيصير يتعود لا افلس وجاك بتعشيه بيخرب طبعه يدري انك بتعشيه ولا صاد الحمامه خله ينتف ونتفله وفرش ثنادي الحمامه له لا ترفعه الا لين يخلص خله يستانس بعدها بيموت فالحمام وبيلحق لحوق طيب

[الغرشوب]

هاوي القنص كفيت ووفيت .. ولا قصور في الباقيـــــــــــــــن ..

[صقار الدبدبه]

مشكورين على المعلومت الطيبه