من يعرف أين أجد محل لبرمجة حساسات الكفرات لسيارة تاهو 2007 في الدمام

[سوبرمان]

أخواني الأعزاء
السلام عليكم ورحمة الله وبركاته
خربت عندي بعض حساسات الكفرات في سيارتي التاهو 2007 وإضطررت لتغيرها ولكن لابد من برمجة لهذه الحساسات ، وسألت كم محل في صناعية الدمام ( الخضرية ) وكذلك القحطاني للكفرات ولم أتوصل إلى أي أحد يبرمجها .
آمل من إخواني الكرام من يعرف محل عنده برمجه للكفرات أن يدلني عليه وجزاه اللله خيراً ،،

[مخ سعودي]

السلام عليكم ....


كيف الحال .؟

اليوم جايب لكم طريقة برمجة حساسات الكفرات ولا يحتاج ترووح الوكاله ...

الطريقة ...


1- القير يكون في n

2 - ترص على الزرين في الريموت اللي يفتح الأبواب مع اللي يقفلها راح تسمع البوري ...

3- اول ما تسمع البوري ابدأ في الكفر الأمامي الأيسر اللي عند السواق ... طبعا تنسمه او تنفخه لين تسمع البوري ..

وبعدها باقي الكفرات على شكل عقارب الساعه يعني تبدأ من الأمامي الأيسر بعده الأمامي الأيمن وبعده الخلفي الأيمن واخيراً الخلفي الأيسر

ونفس الشي لازم تسمع البوري اربع مرات مره من كل كفر ...

اللمبه راح تظل شغال معاك بس انت عشق القير للـd واتوكل على الله وامش اذا كملت 3 الى 4 كيلو ما طفت اللمبه كل اللي عليك وقتها انك توقف وتطفي السياره وتشغلها ....


وفي طريقة ثانية و مذكورة بكتالوج الوكالة عن طريق مركز معلومات السائق و مجربها اكثر من مرة ...
لا تشغل السيارة بس فر السويتش لما يشتغل مركز معلومات السايق ..تضغط على الزر الثاني لما توصل لجملة ( اعادة ضبط الاطارات ) او tire relearning

عقب تسمع صوت الهرن ( البوري ) مرة وحدة .. تنزل من السيارة و تروح للتاير ( الكفر ) اليسار الامامي و راح تلاحظ ان لمبة السكن اليسار البرتقالية شغالة ( هذي علشان تعلمك اي تاير تبرمجه ) نفـّس على التاير او زيده هوا المهم ان في هوا يدش او يطلع من البلف تقريبا من 15-20 ثانية لما تسمع صوت الهرن ..

بعدين تروح للتاير الامامي اليمين و هم راح تشوف اللمبة اليمين شغالة و تكرر نفس العملية .. و بعدين التاير الخلفي اليمين و بعدين التاير الخلفي اليسار ..

اذا سمعت صوت الهرن مرتين معناه العملية نجحت و المولود سليم . بعدين تشغل السيارة و تتوكل على الله و طبعا لا تنسى تتاكد ان الهوا مضبوط ...

لو تلاحظ اخوي الكريم ان ترتيب التواير ( الكفرات ) نفسه اللي انت ذكرته اللهم الاختلاف بالازرار ..
تحياتي لكم ....
( منقول للفائده )









اتمنى اني افدتك يالغالي

[سوبرمان]

أخي الكريم مخ سعودي

السلام عليكم ورحمة الله وبركاته

جزاك الله خير على المعلومة ، ولكن هذه الطريقة تمشي معاك في حال لم يتغير أحد الحساسات ، وإنما الحساسات الموجودة في السيارة شد بلد ، ولكني غيرت أحد الحساسات بجديد وهنا نحتاج لبرمجة الحساس وليس الكفر .

[مكشآتي للآخر]

يالغالي تآكد من الزر الي في الحساس نفـسة .. وشيك على الاعدادات يمكن فية خيار برمجة حساس جديد او شي نفس الريموت