ارجوا الحذر من التعامل مع هذا الشخص

[yaser7654]

بسم الله الرحمن الرحيم
السلام عليك ورحمة الله وبركاته
اود افادتكم اعضاء منتدى مكشات اني قبل يومين اشتريت طير من صاحب المعرف
" صقار اول " وشرط علي سلامه الطير وانه لا ينقل العلف.
وعند فحصه اكتشفت ان الامواس لم تسقط بعد وان الطير ينقل العلف فاتصلت عليه اريد ارجاعه ولكن رفض وبدأ يتلفظ بكلام بذي وهذه ليست بشيم الرجال.
واسأل الله ان يعوضنا خير
واسأل الله انه لايبارك له في ماله وان يكون خصمي يوم القيامه
ارجو الحذر من التعامل معه
واسمه ابراهيم القرون
ورقم جواله 0546414628
وهذا رابط الموضوع
http://www.mekshat.com/vb/showthread.php?t=553075

[كلي فخامه]

مشاكل الله يكفينا شر المشاكل ... ياناس ياعالم لحد يشتري الطير الا فاحصه بنفسه ويهد الطير ويشوف جناحه
ويشوف بعينه هو ينقل ولا ماينقل يصيح والا يكوش وذا هو جديد بصقاره يأخذله صقار يفحص الطير هذا هو الي لازم يصير والي بيأخذ على كلام الراعي الطير يتحمل الي فيه ولا يشتكي لناس .. الا اذا كان الرجال معروف وتعرفه زين

[yaser7654]

بيننا انا والرجال شرط فحص عند العويدي ووافق ويشهد بذالك ابو مشعل اللي بالمنتدى وحاول التدخل ومحاولة اقناع راعي الطير لكنه رفض .....

[(التوقيع)]

لاحول ولا قوة الا بالله

اسال الله ان يصلح بينكم

الدنيا دنيه ومنزلة ارتحال ماتنفع ملذاتها .

وان شاء الله تلقى اعتذار واللي يطيب خاطرك من ابر اهيم القرون .

[yaser7654]

الله يجزاك خير يا " التوقيع " على الرد
صح انها كلها كومة ريش ولاتسوى لكن يغبنك انه غاش ويصر على فعله ،،،،

[راكااااان]

ماقول اله الله يهدي الجميع بس ,,,لاكن الرجال ماعليه حق ابد ونا اخوك دامك شفت الطير ليه مافحصت وليه ماشفت طياره بل مدعى اكيد مو قايلك لا لو انك فاحص انت تحمل المسئوليه والله يعوضك نشالله بلي احسن ,,,وكلشي واضح بعد البيع لايوجد ترجيييييييع وفي عباره لازم ماننساها جميع ,,,,,,,,,,,الألمَ الذيٌ لانتعلم منه نسَتحقه مجددآ,,,,,الله يستر عليك

[راكااااان]

وبعدين الله يهديك شريت قبل لا تنزل الصور ومنبهين اكثر من مره لاحد يسوم قبل يشوف الطير حتمال كبير لو انك منتظر الصور اكيد واحد من الأخوان المخظرمين يلاحظ جناح الطير او الموس ويفيدونك او على الأقل ينوهون على الموس وتصير عندك ملاحظه انك تفحص موس الطير لاكن انت ستعجلت وهذه خطاك الثاني لاكن الله يعوضك هذه الي اقدر عليه

[بواردي سلمى]

يا والله البلشـه ، ان تسان كلامك صحيح وبمـتـمّــه


عزالله انه ماهو رجل وطقوعـن امسـح الي يشوه سمعتـه علشـآن كومة ريش، والتسـذب ماهو من شيـم الرجـآل وعيـب وحـرآم ، وان كان كلامك ماهو صحيـح ، فإن كلامـك مـردودن عليـك


اللـه يصلـح بينكــم ، ويجيـب العواقـب سليمــه

[حبـران]

ماقول اله الله يهدي الجميع بس ,,,لاكن الرجال ماعليه حق ابد ونا اخوك دامك شفت الطير ليه مافحصت وليه ماشفت طياره بل مدعى اكيد مو قايلك لا لو انك فاحص انت تحمل المسئوليه والله يعوضك نشالله بلي احسن ,,,وكلشي واضح بعد البيع لايوجد ترجيييييييع وفي عباره لازم ماننساها جميع ,,,,,,,,,,,الألمَ الذيٌ لانتعلم منه نسَتحقه مجددآ,,,,,الله يستر عليك

من موضوعه نلاحظ انه جعل الرد غامض في رقم واحد
وجعل المستشفى شرط !!
يعني يتحمل المسؤلية ويرد الطير ...


1وجد في الطيرعيوب (الارتفاع,الكوشه,نقل العلف,الصياح)؟؟ لا ولله الحمد طبوعها طيبه لاتكفخ ولا تصيح ولا تكوش×
18: هل توافق على فحص الطير بالمستشفى ومشاهد طياره بالمدعى : ( نعم اوفق ملاحضه ماعرفت انزل الصور الي من الاخوان يعرف ينزلها ولا يبيني ارسله صورها على الوتس اب0546414628×)

[عواد الشمري2]

ماقدر احكم الا ان اسمع الطرف الثاني بس دامك تقول تدخل ابو مشعل عشان يحل
الموضوع وهذاك رفض
أقول الله يقلل هنمونه الي لو نسلم منهم مابنا بلا
ويعطيك العافيه على التنبيه والله يعوضك اخير منه

[راكااااان]

خالي بل مختصر انا رجال يوم افكر افكر اشري كوم ريش ومشي تركني من كلام صايد وجب معك حمامك ومن هل كلام ,,,ون بغيت العلوم الزينه اتعب نفسك شوي وطلع المدعى وشف بعينك اما داق ركبه ونص وبي وبي ماتنفع وشي الزين معروف مايجي بل هين ورجال هذاك ماندري عنه يمكن عنده كلام ثاني الرجال ليه بسرعه هجمتم عليه ونتم ماسمعتم منه شي ولي يبي يشري كلام الكلام واجد والي يبي فعل يتعب نفسه الله لايهينه شوي ويشري الي بخاطره ولاتلعب عليه الناس حيشاكم ومن يقرا النصابه وبياعت الكلام وعقبها يجي يدودل راسه يقول فلان نصاب وفلان فيه ومافيه ,,اي شخص ماعرفه ولا سمعت عنه شي ماأوثق بكلامه اذا بغيت مصلحت نفسي والحق مافي شخص يستحي منه ابد ودنيا الكل عارف فيها الطيب وفيها الردي حيشاكم ,,

[(هزاع)]

ياخوان الموضوع بختصار
ان الرجال انغش والسلام وهو قليل عرف
نعم اني تدخلت في الموضوع من البدايه للنهايه
حيث عرض الشيهانه علي بالتلفون وسمتها 2700 شرط السلامه وقالي خذها ب 3000 قلت ماتخارجني بالقيمه ذي
ونت ياراعي الموضوع قد طلب مني ادورله على شيهانه
ويوم اخذت الاهم متواصلين وسايم منه ب 3200 شرط فحص العويدي
كلمت راعي الطير قلت انت معطي النيه ب 3200 قال نعم وذا تبيها ب3000 يابومشعل خذها
قلتله مايصير تقلب النيه حرام عليك قال بعها انت عليه وخذ الفرق قلت لالا مايجوز ماقدر اقرب من الحرام انا خارج هاذا الموضوع
الرجال تبايعو شرط الفحص عند العويدي وستلم الرجال فلوسه على الشرط ان مابه عيوب
ثم تبين ان الطير مابعد حذف الامواس
وكلمني المشتري ونخاني ان اتدخل وكلمت راعي الطير وقام يجادل ويتملص وقال ماني مرجع الطير
قلتله لاتدخل الحرام في مالك الحساب بادنيا والاخره شف مردود الحرام عليك
وكلمت المشتري وقلتله على يد المحرج والفرق بتستده عند ربك ولايضيع شيء
انا اشوف ان البايع استغفل المشتري الين استلم الفلوس والمشتري وثق بالبايع وستلم الطير وسلم الدراهم على انه يفحص ثم راغ البايع
الله على من غش المسلمين
هذا توضيح ماحصل
والله الموفق

[yaser7654]

الاخ "راكان" انا مواعد الرجال العصر عشان نشوفه بالمدعى والرجال تأخر جاي من خط قلنا نشوفه عند العويدي المغرب لكن الرجال ما وصل الا يوم قفل العويدي وقلنا بناخذه بشرط نشوفه عند العويدي واذا صار فيه شي بنره قال ما فيه اشكال.
كلمناه بنرد الطير قال ما عندك اشكال فيه ناس طالبينه غيرك قلت زين شوي دق علي قال ارفض ارده لك
وابو مشعل "هزاع " يدري بالسالفه ورجال كبير وله بالصقاره سنين وحاول يفهم الرجال لكن رفض

[yaser7654]

بيض الله وجهك ابو مشعل وما قصرت ورايتك بيضاء

[عواد الشمري2]

ابو مشعل ماقصرت الله يقويك على الخير

[متعب الرحيمي]

لاحول ولا قوة الا بالله

[رحال الصمان]

من غشنا فليس منا

[راكااااان]

شف يالحيه الغانمه انت وبو مشعل على العين ثم الراس دام ابو مشعل بسالفه حنا كلنا نسكت ونعرف ان ابو مشعل رجال مايلحقه الشك ابد رجال عارف وفاهم كل هل امور ويحلها بكل بساطه والحاجه الثانيه انا لو مكانك ماقول السالفه ابد لأنها بيد ابو مشعل احذر الناس منه لاكن دون ذكر سالفتكم معه لاكن ممكن لك وجهت نظر ثانيه ونا اقول عسى الله يعوضك بلي احسن منها نشاءلله

[بواردي سلمى]

بيض الله وجهك يابو مشعل على شهادة الحق

والله يعوض عليك يا يـآسـر

والنصـآب هذآ يبي يلقـآه قدامـه ان شاء اللـه

[طيب الذوق]

ابو مشعل علمه غانم ولا هي غريبه عليه

[نجم404]

الله يقلل ها النمونة ابيض وجه يا بو مشعل

[علم162]

انا مالي بالطيور لكن خذ كلام واحد كال الزروع بصاعه والله ثم والله قليل الصادق فالبيع والمشترى لاتاخذ شي الا بقناعه ومشاور ومستخير واذا شريت لاتحسف واسمح لي اللي مبين من السالفه انك قليل خبره واللي باعك نصاب وقوي باس لكن الحل توقظ تالي الليل وصل وادع ربك يرد حقك منه

[عابر الموج]

مايضل على رايه غير الكافر ان شاءالله الرجال فيه خير ويصير صلح فيما بينكما بالتوفيق

[جبار1]

لاحول ولا قوة الا بالله
الله يعوض عليك ...ياربع
أخونا ابومشعل بيض الله وجهه ماقصر دائمآ نضعه في مواقف محرجه
كذالك أضاف شروط جديده وهي مشاهدة طيار الطير وفحصه
أو توكل واحد يشوف طيارها بالمدعى ...
انا سبق وان أقترحت على الأخوه يرشحون شخص في كل ديره
يكون محل ثقه يشاهد الطيار ويسئل عن الطير المراد بيعه
ويكون له نسبه بسيطه نظير أتعابه ...
لكن محد رد علي ...

الله يكون بعون الجميع

[حشّار]

لا حول ولا قوة الا بالله

[صقار محترف]

الله يعوضك
الرجال مايخاف الله واكبر دليل انه قال للاخ ابو مشعل خذ الطير ب 3 الاف وهذا الكلام بعد اعطاك نية البيع
يعني كان ناوي ينقلب في البيعه وهذا حرام شرعاً

لا تشيل هم وانا اخوك حقك مايضيع عند الله

[yaser7654]

الله يجزاك خير يا " صقار محترف" والله يعوضنا بخير منه

[yaser7654]

حياك يا " جبار" وما قصرت ع ردك

[عيون الافعى]

الله لا يوفق صقار اول وش هوله اخوك المسلم ما تبي ترجع طيره وينا فيه