ابي وصف دقيق الى لينه

[barez]

السلام عليكم ورحمة الله وبركاته
ابي افضل طريق من بريده الى لينه وياليت تذكرون بالكيلو
مع العلم اني بروح مع طريق قبه ساموده
وكمان وش الفياض اللي فيها واللي حولها
واذا فيه احداثيه لمواقع الربيع اللي هناك اكون شاكر لكم

[الرهاوي2008]

الله اعرفه ان لينه على طريق رفحاء ام عشر وسامووده

وان شاء الله ما يقصروو معك اهل الاختصاااص

[ابوغلاالقصيمي]

الفياض الزينه اللي شفتها الاسبوع الماضي

بعد محطة الشرق الاوسط بخمسه كيلو تقريباً ادخل يمين 8 كيلو تبدأ الفياض تجيك

[barez]

الرهي
ابوغلا
الف شكر لكن اذا كنت جاي من طريق قبه - ساموده وجاني المفرق ورحت يسار كم المسافه من هالمفرق الى المحطة الشرق الاوسط؟

[East]

لين قبه

150

بعدها

80 كم حتى ال T

يسار ساموده

يمن ام عشر


اطلع يسار لساموده ثم الشرق الاوسط

الشرق الاوسط تبعد حوالي 130 كم من ال T

بعدها اطلع حتى بلدة رغوة الجديده بين الشرق الاوسط و لينه

ادخل بعد رغوه مع الوادي الثاني ( الععبارة الثانية ) موب اللي حول رغوه لا مع اللي بعده

ادخل يمين

من 5 كم الى 50 كيلو ( حتى ام صور في الجهة المقابلة ) اغلب الفياض مربعه

دعواتك في ظهر الغيب

[barez]

الله يبيض وجهك يا east
عزالله انك كفيت ووفيت ولايهون البقيه
جزاكم الله خير