ماهو حل صرفية الباترول للبنزين ؟

[KM2]

بسم الله الرحمن الرحيم

السلام عليكم و رحمة الله و بركاته

عندي باترول ربع S 2009 واقد اخبرني احد الاصدقاء بانه يمكن ان اقلل الصرفية في البنزين اذا ركبت أبر تقلل الصرفية ولما حاولت استفسر منه اكثر اخبرني بانه سمع مع احد ابناء عمه بان الشباب يركبون ابر التيما او مكسيما لتقلل الصرفية
مين عنده علم بالموضوع ؟

[MSAN]

هلا بك..

خابر الأبر يركبونها للكاربريتر موب للبخاخ.. ما أدري عن البخاخات اذا تتغير أبرها والا لا..


أيضا اذا كانت البخاخات متسخة راح تكون فاتحة على طول.. وهذا يزيد صرفية البنزين.. نظف البخاخات



بالتوفيق

[ابوكشتات]

فك عمود الدبل وهذي احد حلول لتقليل صرفية البنزين

[SGL]

خذلك علبتين منظف مستوبيشي وحطها باالتانكي مع بنزين نص وركب فرار

[sgl2002]

اذا عبيته فل ويمشيك ٤٠٠ كيلو فهذا هو شد بلد كذا واكثر الجيوب تمشي بالتانكي هالممشى


الابر يركبونها للكلبريتر ولا منها الا يردي العزم وانت موترك بخاخ

موترك لاتلعب فيه مابه الا العافيه والباترول من يوم تتعدى ١٣٠ يقوم يشفط البنزين شفط واي سيارة جيب

وعمود الدبل والفرارات ماتخفف البنزين ولا شي وانا مجرب هالكلام

[بن الزايد]

عندي سؤال مين يغذي البخاخ او الابره
من زمان والباترول يصرف طرمبة مرسدس 500 موديل 85 تفي بالغرض أما الان
طرمبة vxr من الاخوان منقول

[MSAN]

عندي سؤال مين يغذي البخاخ او الابره

خط سير البنزين في أغلب السيارات يكون من التانكي للطرمبة للفلتر للمواصير الين يوصل عند المكينة في المسطرة ثم ينزل عالبخاخات ثم يشطف البلف للسلندر :D ثم بعدها بووووووووم ينفجر في السلندر ثم من بلف العادم للهيدرز للكاتباك عبر الدبة ثم يخرج من السيارة :p

[هاوي ترهيم]

ما فيه حل

الفرار بتفرق عليه ان شاء الله

وشغل البنزين الي تقول مامنه فايده

خذ العلم ..

[روقي نجد...]

أفضل طريقة لتقليل صرفية البنزين للباترول عن تجربة (لاتشد على الموتر في الدعسات)

امش على هونك وبتلاحظ الفرق

[ابوسند9]

اخوي
بالكيلو
كم يمشي معك التانكي داخل البلد؟
وبالسفر كم يمشي؟ والسرعه كم؟
عشان نفيدك
والباترول تحصل باترول يصرف وباترول لا,, وهي جديده لذا اذا كان تشوفه يصرف فا المشكله من الديلكو يبغى وزن

[رحّال 9]

لاتشد علي الموتر الا في الحالات القصوى وبتلاحظ الفرق .

والله يطعمك خيره ويكفيك شره .

[ابو فهد ألعزي]

اذا عبيته فل ويمشيك ٤٠٠ كيلو فهذا هو شد بلد كذا واكثر الجيوب تمشي بالتانكي هالممشى


الابر يركبونها للكلبريتر ولا منها الا يردي العزم وانت موترك بخاخ

موترك لاتلعب فيه مابه الا العافيه والباترول من يوم تتعدى ١٣٠ يقوم يشفط البنزين شفط واي سيارة جيب

وعمود الدبل والفرارات ماتخفف البنزين ولا شي وانا مجرب هالكلام
كلام وافي انا اشاركه ارأي

[KM2]

جزاكم الله خير وفيتوا و كفيتوا كلام عقال