اسئلة في تبديل ريش الصقر

[مقناص الصقور]

السلام عليكم ورحمة الله وبركاتة

حياكم الله يالربع

انا توني مبتدأ بالصقور وناوي ان شاء الله على واحد

وعندي بعظ الاسئلة عن تبديل الريش يليت تفيدوني فيه


س/كم فترت تبديل الطير لريشه ؟انا سمعت انا من 7 الى 8 شهور بس احس كثير :confused:

س/اذا كانت الفترة 8 شهور يعني بس 4 شهور اللي يمديك فيها تقنص وتدرب الطير؟؟

س/اذا كان الطير في المكان اللي يبدل فيه ريشه هل تقدر تحركه وتدربة ولا تخليه 8 شهور بدون حركه بس تأكله وتشربه؟

س/هل كل سنة فترت التغيير نفس الشي ولا تتغير من سنه لسنه؟

نرجوا من اللي عنده خبره انه ما يبخل علينا:good2:

[حشّار]

وعليكم السلام
هلا ومرحبا وحياك الله
فترة المقيض او تبديل الريش تبدا من شهر ٤ ميلادي وحتى شهر ١٠ ميلادي وهذي الفتره بالتاريخ الميلادي لا تتغير ثابته
ولكن بعض الصقاقير يربط طيره من شهر ٢ ميلادي طبعاً اللي مايهتم بالكروان اذا انتهى موسم الحباري ربط طيره
وبعضهم يتأخر الى أخر شهر مارس بعد مايهد على الكراوين وبعضهم الى بدايه شهر ٤ ميلادي وتختلف وقت الربطه من صقار الى اخر
وفي خلال هذه الفتره لا يدرب الطير وذالك لانه اولا حر وثانياً ريشه أخضر يعني مليان دم توه بادي يسوق وثالثاً مافيه صيد
ويجب المحافظه على نظافة المربط والعلف الصحي الوافر لطير

اما بنسبه لتاريخ فهو ثابت بالميلادي لا يتغير اما بالهجري يتغير
اتمنى اني اجبت على استفساراتك
تقبل مروري

[مقناص الصقور]

يعطيك العافيه وما قصرت

طيب انا ناوي على طير متا افضل وقت اني اشتريه

لاني سمعت انه في وقت افضل انك تشتري فيه يكون هو وقت تبديل الطير لريشه اتمنا تفيدوني

[توكار]

ياليتكم بالهجري ماأعرف بالميلادي وجزاكم الله خير

[مقناص الصقور]

بالميلادي اليوم 1/1 يعني توها بدايه السنه يعني على كلام الذيب باقي 4 شهور