اصحاب الخبره في علاج الطيور يتفضلون ؟

[بحر الخليج]

مساء الخير جميعا لكم اعضاء مكشات
استفسار واتمنى ما يجاوب الا اصحاب الخبره في علاج الطيور والموضوع عندي شيهانه فرخ توقفت عن تنسل وتفلي ريشها والسبب مدهنتها متعطله حتى في طيرانها ما تلف على طول تاخذ مسافه عشان ترجع دقيت مدهنتها انا وواحد صاحب خبره دق مضبوط ولكن ما نفع الان لها شهر بعد دق المدهنه ولا يوم ادهنت ريشها نهائيا سؤالي هل يوجد علاج او مضادات حيويه لعلاج المدهنه لاني ما ابغى ادق المدهنه ثاني مره واذا فيه حل لاتبخلون
ولكم جزيل الشكر

اخوكم / بحر الخليج

[سلطان 1]

الله يمسيك بالخير اخوي.
الدعواااا ماهيب دق مدهنه وبس عقب الدق
وش حطيت علي مدهنت الطير.

[بحر الخليج]

هلابك اخوي دقيت المدهنه وحطيت النيله الزرقاء وانا قد دقيت مدهنة طير سابقا عندي وضبطت لكن هذي حيرتني وانا اسأل عن علاج او حل اخر
ولاهنت .

[سلطان 1]

اللي اعرفه
وانا خووووك انك اليا دقيت وعصرت المدهنه
لين تفتح زين بعضها يكون سدد سبحان الله وتنفتح
مع العصر تنقز منها حبه كبر راس الكبريت هذا السدد منها
وانثر عليها النيل المطحون مخلوط مع الملح النااااعم.
وتصب عليها ماااء دافي عقب الدق بيومين بثلاثه
و لازم تعرض الطير للشمس.
والله اعلم والله يشفي طيرك.

[صقر الجنوبي]

ياعزيزي بارك الله فيك آمل يتسع صدرك لما أقول المدهنه ماكل شخص يعرف يدقها وأنا متأكد ما أجدت الدق ولكن أبشر بالعلاج الذي في متناول يد الجميع ومقدور عليه بكل يسر وسهولة توجه لأقرب صيدليه بشريه وخذ فيتامين (أ) على شكل كبسولات تعطي الطير كل يوم كبسوله مع العلف لمدة 10 أيام وعرض الطير للشمس وبحول الله بعد ثلاثة اسابيع تبشرني بأن المدهنه اشتغلت.

فالمدهنه اذا نقص عنها فيتامين (أ) تضعف ويعجز الطير عن الارتفاع والدوران والشقلبه ويطير مع الأرض ومايتفلى وفي موسم الربطه مايحذف ريش الذنابه أو يحذف منه كم ريشه ويوقف ....... الخ


لذلك انا دايم اقول شكل العلف للطير لاتبقى على وجبه واحده نوع العلف لأن تنويع العلف هو تزويد الطير بشتى انواع الفيتامينات والمعادن
علف طيرك (فروخ حمام) - (سمان (فري ) - (فروخ دجاج) - (جربوع) - (جرذان) - (قمري)



أمل اني أفدتك ياعزيزي

[النااااااادر]

افادوك الاخوان


ان شاء الله يتشافى طيرك وتبشرنا انا يتفله


فالك الجنه