يالربع هذي سالفة اللي يحذر منيالسلام عليكم ورحمة الله وبركاته يالربع انا بتكلم واحكم

[صقار اول]

السلام عليكم ورحمة الله وبركاته

يالربع انا بتكلم واحكموا انتم

الرجال هذا شرا مني الطيره بحدي فيها
على الجوال طبعا بعد ماشاف الصور بالواتساب وقال لاجيت الرياض رحت معك×
للعويدي وفحصته، قلت ماعندك اشكال
وصلت الرياض بعد العشا كلم علي قال×
العويدي سكر الان (ويعلم الله اني ماعرف العويدي ولا مواعيد اغلاقه)وقال لكن بيجيك×
اللي بيشري الطير نفسه يفحصه لانه هو شاريه للشخص هذا بعدين جا اللي بيشري الطير واخذ الطير وقلبه وانا علمته العيوب اللي بالطير ×واعرفها قلت رديفة النايفه
مكسور منها قفله قال والذنيبا فيها كسور قلت ايه لكن ماتاثر بطياره وقلت له الطير عندي غيره طيور ولا انقله واجد وفيه نسبة وحاشه
قال قابله وسلمني الدراهم قال ركادة الطير×
قلت اشرط لك ثنتين الاوله سلامته من الامراض لاني فاحصه وعارف صحته والثانيه ركادته ان كفخ الطير على التكايه تراه مرجوع اخذ الطير وقلت له يابوفلان الدس اللي معك عزيز علي ان بغيت ماتاخذه
زين ورجع الدس بيض الله وجهه وحزت في خاطري قسم بالله ويوم رجعت للموتر الا اخذله حمام واعطيه قلت بدل الدس يعلم الله×
اني ابي الخراج والستيره
بعدين كلم علي رفيقي الاول قال الطير فحصناه وقالوا فيه الامواس للفرخ قلت
انا مافيني ذمه ولاضمير وغشاش كاني ادري عن هالعيب والله الذي لا اله الا هو
لودريت لاعلمك قال طيب رجع الطير×
قلت الطير قلبه راعيه وعلمته عيوبه اللي اعرفها وشرطت له الطير وسلمني الدراهم
وتمت البيعه ونظام المنتدى مافيه ترجيع
المهم مع الكلام قال هذي غلطتي اللي ارسلت×
واحد مايعرف عشان يفحص الطير ماهي غلطتك قلت انا مامعي الان قروش لكن لك 200 ريال مع الراتب والوجه من الوجه ابيض
قال خلها 400 وسكرنا التلفون ما اتفقنا×
اما من ناحية الالفاظ البذيئه يعلم الله ان ياسر ماتلفظ وانه اخلاق لكن خويه اللي له الطير تلفظ علي ودعا علي وبدا بالعلم الخايب لكن الله يسامحه طبعا هو اول من كلمني قبل ياسر
اما ابومشعل والله ماعرفه لكن اول ماكلمني يسوم الطير ارتحت له وقلت في خاطري الله يبارك في الصقاره اللي تعرفنا عليه وشرواه
وخذت معه وقت سوالف وعلوم
وقلت تبي الطير خذه ب3000 قلتها بضحكه
ولست جادا قسم بالله فبدا ينصحني وعرفت بعدها ان معدنه طيب×

نهاية الهرج

تهمني شرهة العاقل والسفيه(اللي ماهو شرواكم) مايلزمني
×

[بدا]

السلام عليكم ورحمة الله وبركاته .....
ان طعت شوري وانا اخوك خله يرد الطير لك لحد بيتك والله يرزقك بالبيعه الطيبه
من ناحية الترجيع في المنتدى زاله مو حراج ولا هو وحش ينرد الطير اذا بيتي مافيها شي والله يصلحك شانك وشانه .... ولا تخلي طير يسبب مشكله بينكم الثلاثة كومة ريش........

[صقارمبتدئ11]

لا اله الاالله محمد رسول الله

[صاحب نوماس]

والله يالغالي لو اني محلك وانا بعت الطير وبعد فترة طلع ان الطير ماهوب محذف الامواس وانا لقلة خبرتي فالصقارة ماعرفت او اني مانتبهت لها لعدم جلوس الطير عندي يعني بعته من وقتة انا عن نفسي ابي ارجعه لانه عيب يالغالي ومال الرجال علاقة في علمي او عدم علمي والعوض من الله

وخلها قاعدة عندك يامال الغناة دايم حاول ان من شراء منك انه يذكرك بالخير وليس كل ماحل طاريك قام يدعي عليك واقبل رجعتة لطير والسوق موجود يالغالي بيجيب لك القيمة هذي او حولها وانت مرتاح ولا لحد عندك حاجة .

[v506]

بعض الناس ما عندها اخلاق ولا اسلوب يحسب كل شي بالقوه الله يصلح الحال

[حشّار]

الله يهديكم بس ويصلح حالكم

[كلي فخامه]

شف وانا اخوك تبي الصراحه المفروض والواقع انك ترجع دراهم الرجال وتأخذ طيرك
لأنك انت مادريت عن الامواس حقت الطير وانت قلت على الشرط والرجال شاف الامواس
ماطاحت وهذا عيب بالطير ..
انت تقول اذا فيه شي مرجوع وعلى الشرط .
مدام قالك الرجال الامواس ماطاحت تقول بيض الله وجهك واذا ماتبي الطير
رجع الطير .. هذا المفروض .

[بواردي سلمى]

شف وانا اخوك تبي الصراحه المفروض والواقع انك ترجع دراهم الرجال وتأخذ طيرك




لأنك انت مادريت عن الامواس حقت الطير وانت قلت على الشرط والرجال شاف الامواس
ماطاحت وهذا عيب بالطير ..
انت تقول اذا فيه شي مرجوع وعلى الشرط .
مدام قالك الرجال الامواس ماطاحت تقول بيض الله وجهك واذا ماتبي الطير


رجع الطير .. هذا المفروض .



ــــــــ(:good2:)ــــــــ

[نجم404]

الله المستعان اخوي ابراهيم البيع والشراء له وقت يعني باليل ماينفع لو الصبح افضل على اساس يكون على بينة ونظره مايغشه الله يصلح الاحوال

[سعد القاسم]

كومة ريش يالربع واصلحو بينكم دون ما يتدخل احد والله يعوضكم جميعكم

يعني ماتسوى على طير تصير كل هالامور والله يوفقنا واياكم

[أهم 1]

والله يالغالي لو اني محلك وانا بعت الطير وبعد فترة طلع ان الطير ماهوب محذف الامواس وانا لقلة خبرتي فالصقارة ماعرفت او اني مانتبهت لها لعدم جلوس الطير عندي يعني بعته من وقتة انا عن نفسي ابي ارجعه لانه عيب يالغالي ومال الرجال علاقة في علمي او عدم علمي والعوض من الله

وخلها قاعدة عندك يامال الغناة دايم حاول ان من شراء منك انه يذكرك بالخير وليس كل ماحل طاريك قام يدعي عليك واقبل رجعتة لطير والسوق موجود يالغالي بيجيب لك القيمة هذي او حولها وانت مرتاح ولا لحد عندك حاجة .
:good2::good2::good2:

[سلطان 1]

تبوووون العلم
والله يالمووووووضوع ما يستااااااهل
هالكلاااام والعلوم ونشر هالعلوم.
ياخوي اخلص انت وخويك بينكم واخلصو. واقطعوها بصلاه علي الرسول صلي الله عليه وسلم.

اقسم بالله ان المنتدئ من اول كان الواحد متابع له من زين المواضيع ومعرفه الرجال اللي فيهم خير.
والحين كل ماله من جرف لدحديره بسبه هالمشاكل
وان الواحد صار يتحاشي الدخول والمشاركة في اي موضوع.
مير الله يصلح حالنا وحال المسلمين.

[الصقار10]

شف وانا اخوك تبي الصراحه المفروض والواقع انك ترجع دراهم الرجال وتأخذ طيرك
لأنك انت مادريت عن الامواس حقت الطير وانت قلت على الشرط والرجال شاف الامواس
ماطاحت وهذا عيب بالطير ..
انت تقول اذا فيه شي مرجوع وعلى الشرط .
مدام قالك الرجال الامواس ماطاحت تقول بيض الله وجهك واذا ماتبي الطير
رجع الطير .. هذا المفروض .


هذا الكلام صحيح :good2:

[كايد]

شف وانا اخوك تبي الصراحه المفروض والواقع انك ترجع دراهم الرجال وتأخذ طيرك
لأنك انت مادريت عن الامواس حقت الطير وانت قلت على الشرط والرجال شاف الامواس
ماطاحت وهذا عيب بالطير ..
انت تقول اذا فيه شي مرجوع وعلى الشرط .
مدام قالك الرجال الامواس ماطاحت تقول بيض الله وجهك واذا ماتبي الطير
رجع الطير .. هذا المفروض .



كلام 1000000%
ترى الدنيا ماتسوى .

[طيب الذوق]

والله ياجماعة الخير الدنياء ما تسوا وكلن الله بيعطيه على قد النيه وهذي امور مراجل وعلم غانم ورثنها من شيبان جعلهم ومن يسمع الجنه أنا نصيحتي لنفسى او وللجميع تجديد النيه وتحري الحلال وكسب محبة الله وخلقه وقولة ونعم الله يبيض وجهه .......اخوي اذ تقدر ترحع الطير رحعه او استسمح من الرجال وفي النهايه حنا مسلمين واخوان وانكمل بعض