المساعد الشخصي الرقمي

مشاهدة النسخة كاملة : العقرب اختنا ...


وحيد قلاسكو
02/01/2013, 09:20 AM
السلام عليكم جميعا

حد منكم يذكر اذا انولد ولد اوبنت رحنا ندورعقرب ونصيدها حية ونحطها في قوطي تونه ههههههه صلصه وتجي الام وتحلب عليها من حليبها هههههه يقولون تصير كل العقارب اخت المولود من الرضاعه هههههههههههههههههه ولاتضره في المستقبل ....والله اذكر ابوي الله يرحمه وحنا في البر لقينا عقرب سسسسسوداء كبيره:eek: تروع جيت اذبحها عيا ابوي قال هذي اختي هههههههه واذا قتلتها انقطع العهد اللي بيننا والاخوة مع جميع العقارب .........هل هذا له اساس اوتفسير ؟؟؟؟؟
أبو عاصم النجدي
02/01/2013, 11:31 AM
على كذى أنا مامن أخوة ولا عهد مع العقارب والديبان أنا وياهم طاخ وطيخ


أقول لا تشاور أحدا في رعص العقارب وفرص الديبان
سحاب نجد راعي شقراء
02/01/2013, 11:39 AM
السلام عليكم جميعا

حد منكم يذكر اذا انولد ولد اوبنت رحنا ندورعقرب ونصيدها حية ونحطها في قوطي تونه ههههههه صلصه وتجي الام وتحلب عليها من حليبها هههههه يقولون تصير كل العقارب اخت المولود من الرضاعه هههههههههههههههههه ولاتضره في المستقبل ....والله اذكر ابوي الله يرحمه وحنا في البر لقينا عقرب سسسسسوداء كبيره:eek: تروع جيت اذبحها عيا ابوي قال هذي اختي هههههههه واذا قتلتها انقطع العهد اللي بيننا والاخوة مع جميع العقارب .........هل هذا له اساس اوتفسير ؟؟؟؟؟


هههههههههههههه لا والله ماله تفسير الى الطيبه الزايده وطهاره القلوب منول

خذ هذي بعد عن الاولين ونا الي حاظرها ذا السالفه

تذكر من موبطي الشركه الكوريه الي جت تصلح التلفون كانو يلبسون على روسهم طربوش او كبوس الي يلبسونه هلحين الشباب تدري وش يقولون العويد عنهم يقولون شف ذا الثورالكافر الي متوزي عن ربي ههههههههههههههه تراها حقيقه وهذي مهيب بعيده عن سالفه العقرب

وين الاستعمار عنا منول لو يوزعون حلاو مصاص استحلونا ههههههههههههههههه
Al3rands
02/01/2013, 01:41 PM
مساكين على الفطره
وحيد قلاسكو
03/01/2013, 08:34 AM
الاخوان.......النجدي و نجد و العرندس .........يسعدني تعليقاتكم ...احاول اتذكر بعض السوالف الققققققققققديمه واكتبها لان لها ذكرى .......والحمدلله على طول الاعمار وجميع نعمه
صقرولدصقر
04/01/2013, 05:08 AM
وحيد قلاسو ههههههههههههههههههههههههههههههه

هذا عشان يشيلون الرعب من قلبك .... عندما تشاهد عقرب لاتخاف منها
المهستر1
04/01/2013, 12:24 PM
هههههههههههه
وحيد قلاسكو هههههههه
ههههه العقارب اخوتنا من الرضاعه
يالله الخيرة والدأب وش يصير
صدقت كلامك صدق ياخي الناس من اول يحبون كل شيء سبحان الله وحنا لو نشوفها نخبطه قبل ماتدخل البيت ههه امحق اخت
مشكور ع السالفه الرائعه وليتك تزيدنأ بسوالفك الجميله ننتظر جديدك
SAS2
04/01/2013, 12:48 PM
اشياء كثيرة كنت اصدقها وانا صغير يوم كبرت لقيت انها مالها اساس

ومثل كلام سحاب طيبه الناس اول تخليهم يصدقون اي شي
وحيد قلاسكو
05/01/2013, 08:50 PM
اخواني المستر وساس مشكورين على المرور والمداخلات الطيبة :D....نبي سوالفكم
قوافي ( أم نهار )
06/01/2013, 12:21 AM
عليكم السلام ورحمة الله وبركاته
عقرب اختنا http://t1.gstatic.com/images?q=tbn:ANd9GcR-RHPEsgkdxnF27hZOh5Yb7RUyvIe7T7Xjhz0xKARbeK-KFSkdbw
الاولين سبحان الله كلش متسامحين فيه من طيبهم ..
اشكرك اخوي
تحياتي وتقديري واحترامي
اختك
..قوافي..
راعي العجراء
06/01/2013, 12:37 AM
اجل لاصارت اخت ابوي تصير العقرب عمتي
اقول يازين ذبحت العمه بزبيريه مكروفه 15 سنه صيف وشتاء
اجل الداب تصير مرت ابوي امحق مرت ابو
اما الاولين يقولون الجراد يطلع من بطن الحوت
والطيور النزل يقول توه جاي من الجنه نزل يازينهن يالله من فضلك ريحت الجنه ويحبوبنهن توهن يوصلن الارض
وهن جايات من رياغي اسيا
اشكرك على هذه السالفه يااخي الغالي وحيد قلاسكو
اعجبت فيها وضحكت لانها من سوالف الاولين وتسطيحاتهم مدري اقلاعاتهم من طيب قلوبهم
مع السلامه
وحيد قلاسكو
06/01/2013, 08:38 AM
هههههههه الاخوان صقر و وراعي العجراء والاخت قوافي والله انه صحيح كانت فكرة سائده في ذاك الزمان كان ودي اجرب تقرص ولا لا بسسسسسسس خفت من شكلها.......نبي سوالفكم الطيبة
بندر بن ناصر
07/01/2013, 12:48 PM
http://forum.ylaa.com/uploaded/199574_1351325957.gif
وحيد قلاسكو
08/01/2013, 08:50 AM
تسلم ابوناصر..........